واقع و محتاج راي العصابه بجد

**hamada_amg** · 26-06-2011 05:44 PM

بسم الله الرحمن الرحيم

طبعا ده اول موضوع ليا هنا فى قسم هوندا و اتمنى انه مش يكون الاخير ان شاء الله تعالى

اسمحولى بس استفسر على شويه حاجات منكم و الله المستعان

انا حد بيعشق العربيات اليابانى بمعنى الكمله من تويوتا او لانسر او هوندا

انا معايا حاليا لانسر سبورت 2006 و قررت انى اغير العربيه و اشترى جديد و بالتالى قدامى 3 اختيارات
1- سيفيك
2- بومه تاني
3- تويوتا كرولا
و طبعا الصنى بره المجموعه لانى اصلا مش بحبها تماما و لا المازدا

من بعد البحث اكتر من 4 شهور على بومه زيرو و الحمد لله تعبت بس اهوه الوكيل نزل العربيات و ممكن دلوقتى اشترى زيرو

و التويوتا ركبت الشكل الجديد و بصراحه اتقفلت منها نفسيا رغم انى كنت بحب الشكل ده

و السيفيك ركبتها و جربتها ماشاء الله عليها

فدلوقتى انا فى حيره بجد و كمان عشان الفلوس اللى معايا محتار بين بومه 2011 زيرو و لانسر 2009 طبعا vti

اسباب الحيره و الاختيار و ده اللى انا عايز فيه مساعده من العصابه

1- البومه مش فارقه معايا شكلها قديم و لا جديد و لكن انا بعشقها جدا ميزتها انها 2011 على عكس السيفيك
2- السيفك لو فكرنا فى نفس السعر هلاقى 2009 منها vti و ال 2010 هتكون اغلى بكتير يعني انا شفت واحده ب 162 الف كسر زيرو و ده اعلى من امكانياتى على الاقل ب 15 الف
3- البومه جميله و سحب و قطع غيار متوفره جدا خصوصا فى بلدي طنطا لكن السيفيك هنا نادره شويه يمكن العربيات السيفيك هنا تتعد على الصوابع فخايف من الصنايعيه فى الشغل فيها و كمان قطع الغيار مش عارف سعرها يختلف اد ايه عن اللانسر البومه ( اكتر بأد ايه تقريبا )
4- من ناحيه الشكل و الراحه النفسيه الاتنين عجبنى جدا و داخلين دماغى اوي و مستريح ليهم هما الاتنين
5- المشكله انى متعود على البومه الرياضي و حافظها صم لو كحت هاعرف ايه اللى فيها كمان مشكله الوطو و الحك فى المطبات قلقانى جدا من السيفيك
6- طبعا الجري و التكيف و باقى الدنيا تروح لصالح السيفيك بلا منازع

من الاخر انا حافظ و فاهم البومه كويس و مريحه ليا لكن عايز اغيرها لفقرها فى الشياكه و الكماليات بالنسبه للسيفيك و كمان اللى مانعنى انى لو جبت بومه هتكون 2011 لكن لو سيفيك هتكون 2009 و ناس كتيره تقولك اشترى الموديل احسن من العربيه ممكن تكون وجهه النظر ده غلط لكن وججه نظر تقدر و تحترم فى نفس الوقت خايف من السيفيك و غلو قطع غيارها مقارنه بالبومه و كمان قلتها فى بلدي ده اللى مقلقنى

قولولى اعمل ايه و اتصرف ازاى لانى بجد محتار جدا جدا جدا وعايز راي الخبرا اللى ركبوا العربيتين و للاسف انا بحب الكماليات و مقدرش اركب سيفيك 2011 لانها هتكون lxi مش vti

**OmaR_FekrY** · 27-06-2011 03:23 AM

بص يا باشا انا شايف ان حضرتك بتسال نفسك و بتجاوب على نفسك فى نفس الوقت :)

مع انحيازى التام و الكلى و الجزئى و كل حاجه فيا بتقول هوندا .... بس مافيش قدامك غير البومه لانك زى م بتقول حافظها
وقطع غيارها موجوده عندك بسهوله
و العربيه نفسها فى منها كتير فى البلد عندك
بس لو بصيت من ناحيه اداء و تكييف و ثباااات جبار و شكل شيك جدا و صالون واسع و من خامات ممتازه
و تكنولوجيا متطوره و حاجات تانيه كتييييييييييير مش هتلاقى غير الهوندا
صلى صلاه استخاره و ان شاء الله ربنا هيوفقك و تقدر تختار :))

**hamada_amg** · 27-06-2011 03:36 AM

اولا يا باشا شكرا على ردك و اهتمامك

هو انا فعلا بسأل و برد على نفسي بس ده من لخبطتى جدا فى الموضوع ده خصوصا انى بقيت بحس ان البومه ده بقت عربيه الشعب لكن السيفيك للناس الراقيه من كتر انتشار البومه هنا

لكن معايا بومه من 2007 كفايه و لا ايه و لا لسه نشترى زيرو منها كمان

عموما هاعمل كده و اصلى استخاره و الله المستعان

و اتمنى اسمع برده باقى الاراء لعل و عسى

**OmaR_FekrY** · 27-06-2011 04:22 AM

المشاركة الأصلية كتبت بواسطة hamada_amg

اولا يا باشا شكرا على ردك و اهتمامك

هو انا فعلا بسأل و برد على نفسي بس ده من لخبطتى جدا فى الموضوع ده خصوصا انى بقيت بحس ان البومه ده بقت عربيه الشعب لكن السيفيك للناس الراقيه من كتر انتشار البومه هنا

لكن معايا بومه من 2007 كفايه و لا ايه و لا لسه نشترى زيرو منها كمان

عموما هاعمل كده و اصلى استخاره و الله المستعان

و اتمنى اسمع برده باقى الاراء لعل و عسى

كفايه جدا :))
صدقنى جرب الهوندا و مش هتندم ابدا ان شاء الله

**wellfine** · 27-06-2011 10:13 AM

يا أستاذ حمادة :) انت واضح انك من النوع البيزهق من العربيات بسرعة و بتحب تغير ده انا شايفه فى كلامك
مينفعش المقارنة بين السيفيك و اى حاجه تانية مش عشان انا من محبي السيفيك لا
انا هديلك مثل واحد
الطبلوه بتاع ال سيفيك 92 الى 95 زاى الطبلوه بتاع لانسر 2009
ديه حاجه
الموتور بتاع سيفيك مديلات التامنينات لحد 2000 قوة التسارع فيها كام و ما بين لانسر موديل 2009
يعني متقرنش ما بين سيفيك فى التسعينات و لانسر موديل 2009 , انت ممكن تعمل كده بس مع لانسر موديل 3009 :)

**hamada_amg** · 27-06-2011 10:43 AM

المشاركة الأصلية كتبت بواسطة omar_fekry

كفايه جدا :))
صدقنى جرب الهوندا و مش هتندم ابدا ان شاء الله

الله المستعان ياباشا و ان شاء الله خير

المشاركة الأصلية كتبت بواسطة wellfine

يا أستاذ حمادة :) انت واضح انك من النوع البيزهق من العربيات بسرعة و بتحب تغير ده انا شايفه فى كلامك
مينفعش المقارنة بين السيفيك و اى حاجه تانية مش عشان انا من محبي السيفيك لا
انا هديلك مثل واحد
الطبلوه بتاع ال سيفيك 92 الى 95 زاى الطبلوه بتاع لانسر 2009
ديه حاجه
الموتور بتاع سيفيك مديلات التامنينات لحد 2000 قوة التسارع فيها كام و ما بين لانسر موديل 2009
يعني متقرنش ما بين سيفيك فى التسعينات و لانسر موديل 2009 , انت ممكن تعمل كده بس مع لانسر موديل 3009 :)

لا ياباشا بالعكس انا مش بزهق و لا حاجه انا بس مش عايز القرار اندم عليه فى وقت بعد كده
و بعدين البومه معايا من 2007 يعني 4 سنين ماشاء الله

بس هو عموما كلامك صح فى المقارنه بس هنعمل ايه فى السوق المصري

**hamada_amg** · 27-06-2011 10:45 AM

طيب انا سؤال دلوقتى عن متوسط سعر ال 2009 vti تعمل كام رنج ؟
و ال 2010 تزيد عنها باد ايه لو vti برده ؟

و ياريت لو فى حد متخصص فى بيع الهوندا الكسر زيرو

**tarekzein** · 27-06-2011 11:00 AM

أولا ربنا يوفقك لما فيه الخير لك

ثانيا فعلا المقارنه متنفعش

ثالثا أنا مع مبدأ إن العربيه متبقاش مصدر شقاء ليا بدل ماتكون مصدر راحه

السيفيك أعطالها قليله وقطع غيار معمره جدا وثبات وسحب (قول زى ما أنت عايز )

بس فى المقابل لو معندكش حد فاهم

أو توكيل قريب يبقى هتحتاس بالعربيه

المشاركة الأصلية كتبت بواسطة wellfine

يا أستاذ حمادة :) انت واضح انك من النوع البيزهق من العربيات بسرعة و بتحب تغير ده انا شايفه فى كلامك
مينفعش المقارنة بين السيفيك و اى حاجه تانية مش عشان انا من محبي السيفيك لا
انا هديلك مثل واحد
الطبلوه بتاع ال سيفيك 92 الى 95 زاى الطبلوه بتاع لانسر 2009
ديه حاجه
الموتور بتاع سيفيك مديلات التامنينات لحد 2000 قوة التسارع فيها كام و ما بين لانسر موديل 2009
يعني متقرنش ما بين سيفيك فى التسعينات و لانسر موديل 2009 , انت ممكن تعمل كده بس مع لانسر موديل 3009 :)

فينك ياراجل

بجد وحشتنا

**hamada_amg** · 27-06-2011 11:04 AM

المشاركة الأصلية كتبت بواسطة tarekzein

أولا ربنا يوفقك لما فيه الخير لك

ثانيا فعلا المقارنه متنفعش

ثالثا أنا مع مبدأ إن العربيه متبقاش مصدر شقاء ليا بدل ماتكون مصدر راحه

السيفيك أعطالها قليله وقطع غيار معمره جدا وثبات وسحب (قول زى ما أنت عايز )

بس فى المقابل لو معندكش حد فاهم

أو توكيل قريب يبقى هتحتاس بالعربيه

فينك ياراجل

بجد وحشتنا

ان شاء الله ربنا يوفق لما فيه الخير للجميع
و انا هبدأ فعلا ادور على مين بيشتغل فى الهوندا هنا و قطع الغيار و الله المستعان

**FrozenFire** · 27-06-2011 08:43 PM

أنا ملاحظ من كلامك إنك عايز تجيب السيفيك بس خايف من صيانتها. إسمح لي أحكيلك على قصتي مع شراء العربية.

أنا طبيب أسنان من المنوفية، وما عنديش وقت بكل معنى الكلمة لإني أقعد ألف بالعربية كل شوية على صنايعية والذي منه. ودي كانت مشكلتي لما فكرة أجيب عربية. كنت متحير ما بين البومة و السيراتو. وبعد ما أجرت السيراتو 4 أيام في مؤتمر في الأسكندرية، شيلتها من الحسبان تماما. والبومة ماعجبتنيش لأسباب مش مكانها هنا.
المهم ربنا كرم ودخلت على المنتدى هنا وقررت شراء السيتي. ورغم إني ما ركبتش السيتي قبل كده ولكني كان عندي ثقة في إسم هوندا. عملت إستخارة وربنا سهل والحمد لله اشتريت سيتي2010 زيرو يادوب لسه مكمل بيها 4000 كيلوا.
أنا بعمل الصيانات في مواعيدها، بكلم التوكيل في التجمع الخامس في القاهرة. وبحجز الميعاد بتاعي. أودي العربية يتعمل لها الصيانة اللازمة وارجع تاني المنوفية وأنسى تماما حتة إن العربية محتاجة أي حاجة لحد ميعاد الصيانة الجاي.
ما بتاخدشي وقت خالص وما أنا ما بتعطلشي إطلاقا. يادوب نص يوم كل شهرين تلاتة. أي نعم هي أغلى شوية في التوكيل، ولكن إنت ضامن العربية كويس وضامن وقتك كمان.
فأنا رأيي الشخصي إنك تجيب سيفيك حالتها كويسة، ومعمول لها الصيانة في مواعيدها، وحترتاح جدا جدا جدا معاها إن شاء الله. أنا والحمد لله مبسوط جدا بالسيتي، فما بالك لو كانت سيفيك.
وطبعا قبل ده وده، الإستخارة

والسلام ختام

الموضوع: واقع و محتاج راي العصابه بجد

LinkBack

أدوات الموضوع

عرض

واقع و محتاج راي العصابه بجد - انشر الموضوع فى :

-

-

-

-

-

-

-

-

المواضيع المتشابهه

بعد القبض علي العصابه

واقع في مشكلة كبيرة - محتاج حد بيبيع قطع غيار استيراد

ضيف على العصابه ولى سؤال ......

استشاره من العصابه

قبل اى شئ اخد رأي العصابه !!!!

الكلمات الدلالية لهذا الموضوع

المفضلات

المفضلات

ضوابط المشاركة