الموضوع: ينفع البلاور يبقى سوبر تشارجر

حسب ما أنا فاهم:

الهدف من التشارجر هو زيادة كمية الهواء الداخل للمانافولد
مما يؤدي الي أن حساس الأكسجين يرسل أشارة للرشاشات (عن طريق الأيكو) لزيادة كمية البنزين لمعادلة الخليط
و المفروض أن شمعات الأشتعال تستطيع حرق كمية الخليط الزيادة
و أن بلوك الموتور و البساتم و البيلات ووش السلندر يتحمل هذا الضغط الزائد (طبعا هي زيادة طفيفة عن الطبيعي)
و بالتبعية نظام الأخراج (الشكمان) يستطيع أخراج العادم الزيادة
و أكيد نظام التبريد يكون قادر علي أداء مهمته بالرغم من الحرارة الزائدة المتولدة عن الوقود الزيادة

و المفروض أن كل ده يعمل بصفة مستمرة لأن البلاور أو التشارجر شغال علي طول
ما هو لو أنت طفيته كمية الهواء حتكون أقل من الطبيعي

مش عارف بس حاسس أن ده كلام مش منطقي أنه يتنفذ
أعتقد أنه من الأفضل تصميم الموتور من الأول و أحنا عاملين كل الحسابات دي و بالتالي نستطيع رفع الضغط زي ما أحنا عايزين طبقا للتخطيط و التصميم
أنما نضيف شاحن (سواء تيربو أو سوبرشارجر) علي موتور مش مجهز أعتقد أن دي فكرة غير سديدة
لو عايز أداء زيادة لحظي أو لفترة قصيرة و محددة أعتقد أن النيتروس أفضل

قصدي مثلا موتور الباسات ال1400 عارفين أن الموتور ده فيه سوبر تشارجر و كمان تيربو شارجر
شيئ حقيقي مبهر بس معمول حساب كل حاجة في مرحلة التصميم حتي سمك رأس البساتم و مواد البيلات

لذا من المستحيل أن أضافة بلاور سيزيد الأداء
الأفضل من هذا التفكير هو أنك تعمل مثلا ماسورة تأخذ هواء بارد من جنب الريدياتير (يعني بره حوض الموتور)
تركب فلتر ماركة محترمة و برضه شمعات أشتعال من ماركة محترمة
و بعد كده نايتروس علي طول

لو عايز تيربو أو شاحن تشارجر يبقي سقط موتور هو أصلا تيربو و معاه حاجته كلها أللي هي Tunned ليه