الموضوع: ينفع البلاور يبقى سوبر تشارجر

1- فكرة السوبر تشارجر او التربو بتعتمد على زيادة كمية الهوا اللى داخلة الاسطوانة عن طريق زيادة الضغط
2- تركيب السوبر تشارجر او التربو واحد وهو كومبريسور هوا , الاختلاف بينهم فى طريقة ادارة الكومبريسور دة
فى السوبر تشارجر بيدور عن طريق سير او ترس من الموتور انما التربو عن طريق تربينة راكبة على مخرج العادم وطبعا كفاءة منظومة التربو اعلى من السوبر تشارجر للسبب دة وفى كلا الحالتين لو لاحظنا ان الكومبريسور متوصل مباشرة على الموتور علشان يحس بتغير سرعة الموتور
3- طبعا ال pressure ratio اللى خارجة من الكومبريسور واللى هى اساس عمل اى منظومة سوبرتشارجينج عموما اعلى من البلاور اللى هو تقريبا اعلى من المروحة بحاجة بسيطة جدا وبالتالى مش هيعمل الفرق المطلوب ولا هيعمل اى فرق من اساسة لأن ببساطة هى دى قدرات البلاور
4- اللى فهمتة من الموضوع ان هيتم عمل قناتين متوازيتين واحدة للبلاور والتانية العادية بتاعة العربية ......
طيب لما تشغل البلاور ضغط القناة بتاعة البلاور هيبقى اعلى من ضغط القناة التانية وبالتالى على الاقل جزء من الهوا هيطلع من القناة العادية
ولو بفرض حطينا check valve او صمام يفتح فى اتجاة واحد علشان ميعكسش اتجاة الهوا هنلاقى اننا لما نشغل البلاور الصمام هيقفل قناة الهوا الاصلية بتاعة العربية لأن الضغط العكسى هيبقى اعلى وبالتالى يبقى القناة الاصلية دى قفلت وبقت زى قلتها

الفرق الوحيد اللى ممكن يعملة البلاور ومش هيبقى محسوس انة يزود ال turbulance للهوا اللى داخل الموتور وبالتالى ممكن يحسن الاحتراق بنسبة بسيطة بناء ان ال turbulance هيحسن الخلط بين الهوا والبنزين