الموضوع: تجربة زيت فرامل ....l Dot 4

السلام عليكم ورحمة الله وبركاته

بقالي فترة نفسي اغير زيت الباكم في عربيتي كسيرفيس للعربية بعد ما اشتريتها

زي الكتالوج ما بيقول الزيت لازم يتغير كل سنتين
اشتريت علبة زيت 250 مل ماركة شل ....l Dot 4 من محطة شل ب 15 جنيه (غالية مش كدة؟)

كان معايا علبة زيت باندكس dot 3 قديمة
روحت للميكانيكي وخليته غسلي الدورة بتاعة الفرامل بالزيت الباندكس ال3
وبعد كدة نزل كل الزيت وفك الخزينة بتاعة الزيت وغسلها كويس اوي بالمياة هي والمصفاة بتاعة الزيت
وركب الخزينة والمصفاة وحط الزيت الجديد ال4 وفرغ الهوا ورجلش الفرامل اليد

طلعت جربت

الصراحة الفرامل فرقت 180 درجة والبدال عليً (اصبح اعلي) وبقت بتمسك احسن

لما الميكانيكي فك الخزينة يغسلها بعد ماغسلها وسابها في الشمس تصفي ميتها لقيت مكتوب عليها ينصح باستخدام زيوت Dot 4

واساسا الكتالوج بينصح باستخدام Dot 4

ان شاء الله يكون كويس
وبعد التجربة والسفر هقولكوا النتائج

والله المستعان
،
،