الموضوع: تقرير عمل الجيوان

انا كان من كام شهر عربيتى مره واحده قطعت دواره مره واحده والسبب مكنتش اعرفه حاولت معاها مليون حاجه بس كله قالى الموتور هيتفتح وانت وحظك روحت وديتها لميكانيكى تحت البيت ولا ليه فى الابيزا ولا حاجه بتاع كلوا فى كلوا بس اعمل ايه العربيه واقفه ومبتتحركش روحت زقيتها ووديتهالوا وروحتلوا بعدها بيوم وكان اللى فيها
جيوان ضارب على الاخر المهم قالى عاوزه جيوان وقالى ان طقم الشنبر عندى ضعيف وبياكل زيت وعاوز يتعمل حسيت انه بيستهبل قولتله خليك فى لجيوان لان انا اصلا عاوز اغير المكنه قريب انشاء الله وقالى ان وش السليندر معوج وعاوز يتمسح عند الخراط

المهم اديته 350 جنيه علشان يشتغل وبدا الشغل بعدها بيومين وبعد 3 ايام روحتله وقالى انه بيقفل واستلم العربيه بكره اديته كمان 100 علشان يجيب زيت ويغيره وقالى انه هيجيب شيل الاحمر لان الموتور خفيف المهم قولت بالمره اجيب طقم السرفيس نزرت التوفقيه وجبت كل حاجه وكلفنى 200 جنيه ورجعتله لاقيته خلص وقالى انه قفل على سير الكاتينه القديم وهيفتح تانى ويفك علشان يركب الجديد وقالى اجيله بعد الفطار ولما رجعت لاقيته لسه بيركبه المهم استلمت العربيه وبدا الحساب
اول حاجه الخراط قالى خد 190 جنيه مش عارف ليه
الجاوانات بيقول جابها ب 165
الكهربائى خد منه 30 جنيه
الزيت جابه شيل الاحمر ب 65 جنيه المهم كلوا 460
ةبعدين قالى عاوز مصنعيه 300 جننيه اتصدمت من المبلغ المهم يمين شمال ويقولى ده جوانات كامله ومش عارف جيوان ايه وايه المهم اتفقنا على 200 جنيه
طبعا الجيوان كدا كلفنى 660 مش عارف ليه والله حرااام غير ان جبت حاجات طقم السرفيس كامل ب 200 يعنى كلوا كلفنى 960 وطبعاا الموتور 1300 الصراحه ندمت على الى عملته ده 960 كنت جبت وش سليندر احسن بس يالا مش مهم اللى خلانى اهدى ان العربيه رجعت تانى ووفيت بوعدى ليهاا وههلك الموتور ده وهبتدى ادور على موتور تانى حلو يكون باور هورس عالى ومش يعدى ال 1600

نصيحه الى عربيته عاوزه شغل احسنله يجيب حاجاته استيراد بلاش يعملها لان لاقيت بعد كدا مشاكل فى الكهربا بس الحمد الله عرفت انا اللى اعملها واهمها ان لاقيته مبوظ زرار الازاز واشتريته جديد ب 40 جنيه