حد السرقة

**m3_dolphen** · 30-06-2011 01:35 AM

المشاركة الأصلية كتبت بواسطة human12

حبيبى

انا عارف الكلام ده

انا بقول ازاى تطبقه

اصلا موضوع الشهود ده ممكن تلم 100 شاهد الواحد بخمسه جنيه

و موضوع القاضى العالم ده ماتقدرش تطلع عشره على بعض دلوقتى

طيب قولى ازاى

و بعدين تحرى و دقه و انت عايش فى مجتمع الكذب و الفساد يتم بشكل ممنهج

يعنى الناس هتحلف ان ماعملتش و تجيب شهود و بعدين اللى قصاده هيحلف و يجيب شهود

طيب القاشى الطبيعى اهو ممكن يدى 6 شهور ولا سنتين و لو مظلوم اهو ايده معاه و عمل القاضى اللى عليه

بس لو ظلوم و من غير ايد!!! طيب هيشتعل ازاى؟؟ هايكل و يشرب منين؟؟

طيب لو عنده عائلة مين اللى هيصرف عليها؟؟

بيت المال؟؟ اللى هو فين؟؟

شوية تفكير

الناس زى ما قلت مش ضد الشريعه- الناس مش فاهمه ممكن تطبق ازاى!!!

تمام وضحت المعلومة ... اذن لابد من موضوع مخصص للقضاء فى الإسلام ان شاء الله احاول اعمل موضوع يتكلم بإستفاضة عن القضاء وكيفية تطبيقه عمليا فى الظروف الراهنة

**mailo** · 30-06-2011 01:42 AM

المشاركة الأصلية كتبت بواسطة human12

حبيبى

انا عارف الكلام ده

انا بقول ازاى تطبقه

اصلا موضوع الشهود ده ممكن تلم 100 شاهد الواحد بخمسه جنيه
ماهو الراجل قال فيه شروط لقبول شهادة الشاهد
و موضوع القاضى العالم ده ماتقدرش تطلع عشره على بعض دلوقتى
تقدر بس منعرفهمش عشان مابيطلعوش في التوك شوز
وبعدين إنت متخيل إن مصر مفيهاش 10 علماء فالدين ؟!!!!!!!!!

طيب قولى ازاى

و بعدين تحرى و دقه و انت عايش فى مجتمع الكذب و الفساد يتم بشكل ممنهج
ما احنا مدين فرصة للقانون المدني فيها إيه لما ندي فرصة للقانون الإلهي

يعنى الناس هتحلف ان ماعملتش و تجيب شهود و بعدين اللى قصاده هيحلف و يجيب شهود
تاني لازم القاضي يرتاح للشهود وشروط القاضي تخليه يقدر يميز بين الحق والباطل
طيب القاشى الطبيعى اهو ممكن يدى 6 شهور ولا سنتين و لو مظلوم اهو ايده معاه و عمل القاضى اللى عليه

بس لو ظلوم و من غير ايد!!! طيب هيشتعل ازاى؟؟ هايكل و يشرب منين؟؟

طيب لو عنده عائلة مين اللى هيصرف عليها؟؟

بيت المال؟؟ اللى هو فين؟؟
لو فيه شريعه مطبقة هيبقى فيه بيت مال

شوية تفكير

الناس زى ما قلت مش ضد الشريعه- الناس مش فاهمه ممكن تطبق ازاى!!!
زي بالضبط ما تم تطبيقها في أول الإسلام
ماهي ماكانتش مطبقة وماكانتش موجودة أصلا
وبعدين ايمانك بالله منه ايمانك بأحكامه وقدرته على نصرة دينه
بس لازم نسعى الأول عشان ربنا يساعدنا

**human** · 30-06-2011 01:43 AM

فيه حاجه تانيه افتكرتها

حد يعرف عشان حد يتحكم عليه بالاعدام ممكن تاخد وقت اد ايه
عشان يبقى الحكم نافذ

بياخد وقت طويل جدا جدا لغاية ما تتعرض على المفتى اللى بيجيز الحكم

تخيل لو الموضوع على السرقة

كام قضيه سرقه ممكن يتبت فيها من نفس المنطلق؟؟

**m3_dolphen** · 30-06-2011 01:46 AM

على فكرة انا عايز اقول حاجة لازم تبقى فى الاعتبار ... ان مهنة القضاء لها خبرة وحنكة ولذلك فمن الطبيعى ان بعض القضاة الموجودين الآن هم انفسهم يستطيعون تطبيق الشريعة بالوجه الذى يحقق العدالة والدقة فى الأحكام بناءا على خبرتهم وحنكتهم فى هذا المجال

**yousef1978** · 30-06-2011 01:49 AM

المشاركة الأصلية كتبت بواسطة human12

الناس زى ما قلت مش ضد الشريعه- الناس مش فاهمه ممكن تطبق ازاى!!!

على أيام سيدنا عمر بن العزيز رغم قوة الدولة وعلو مكانة الدين والأخلاق بين الناس ورغم إن الناس كانوا حديث عهد بالنبوة وووو

لكن لما مسك الحكم لم يقم بالإصلاح جملة واحدة وقال لولده المقولة المشهورة ( هون عليك يا بني فإن الله قد كره الخمر في الأولى وحرمها في الثالثة )

يعني لو ناويين نطبق الشريعة فلازم يتم تاهيل المجتمع إقتصاديا ودينيا وعلميا وتعليميا وإعلاميا ودستوريا ومؤسساتيا ومباني وهيئات إصلاحية ومن جميع النواحي لغاية ما يبقى تطبيق الحد أو الحكم هو استثناء وحادثة يستمع لها الشعب كله لأنها مسبعدة جدا

وده هياخد عشرات السنين في رأيي

مش اقل من كده

بس المهم احنا نبدأ الإصلاح والرقي والناس مش هتحتاج نقطع إيديهم علشان يبطلوا سرقة ونهب

تحياتي

**mailo** · 30-06-2011 01:51 AM

لو تقصد إن الحكم هياخد وقت يبقى دي حاجة كويسة عشان القاضي يبقى على يقين إن الحكم سليم وساعتها

طيب القاشى الطبيعى اهو ممكن يدى 6 شهور ولا سنتين و لو مظلوم اهو ايده معاه و عمل القاضى اللى عليه

بس لو ظلوم و من غير ايد!!! طيب هيشتعل ازاى؟؟ هايكل و يشرب منين؟؟

الكلام ده مش هيكون موجود

دي حاجة التانية بقى إن المفتي عشان يحكم بالاعدام المفروض إنه يشوف القضية من أول وجديد كأنها أول مرة تعرض للقضاء عشان يحكم فيها
وبعدين مالقضايا دي بتقعد بالسنين فالمحاكم مجتش على كام شهر هياخدهم المفتي

وبعدين حكم القاضي نافذ مش هيبقى فيه مفتي يرجعله ولا حاكم يتوسطله

**alynubira** · 30-06-2011 02:01 AM

المشاركة الأصلية كتبت بواسطة human12

فيه حاجه تانيه افتكرتها

حد يعرف عشان حد يتحكم عليه بالاعدام ممكن تاخد وقت اد ايه
عشان يبقى الحكم نافذ

بياخد وقت طويل جدا جدا لغاية ما تتعرض على المفتى اللى بيجيز الحكم

تخيل لو الموضوع على السرقة

كام قضيه سرقه ممكن يتبت فيها من نفس المنطلق؟؟

لا لو الشريعه اتطبقت مش هياخد وقت خالص وهتلاقى الحراميه مش موجدين بعد اشهر قليله