بعض اساليب التجار فى بخس الأسعار

**mohammedly** · 29-06-2011 09:20 PM

أيه دهههههههههههههههه؟
ده فعلا حاصل معايا بالضبط
أنا مستلمانى من ساعة معرضت عربيتى على النت كل واحد يتصل يفضل يفاااااااااااااااااصل في السعر وىدىنى معاد وميجيش أو حتى يتصل يعتذر وفي واحد اتصل وجه شاف العربية وكان هيموت عليها وبعدها بيومين كلمنى بيسال على عربية تانية خالص وبنفس طريقة الكلام
والحمد لله على كل حال

**tarekmomo** · 30-06-2011 12:17 AM

كلام مظبوط الف فى المية

**momo44** · 30-06-2011 01:06 AM

انت تاجر ولا ايه
وبتطلع اسرارك كماااااااااان
هههههههههههه
ربنا يكرمك عشان نورتنا بالمعلومات الجامدة دى

**egyptiandiver** · 30-06-2011 01:56 AM

100 / 100

**mnomno** · 30-06-2011 02:36 AM

شكرا على الافاده

**Dr.Rayyan** · 30-06-2011 08:20 AM

كنا عليزين منك خدمه :
اسامى وارقام التجار عشان نعرفهم ههههه
موضووع هايل

**dr_darsh** · 03-07-2011 01:49 AM

ما شاء الله عليك بجد ده حصل معايا أنا واخويا سنة 2009
كان أخويا معاه لانوس وحب يغيرها المهم نرلنا السوق من باب نعرف الأسعار نتفرج على اللى بيحصل المهم قلنا ندخل العربية جوه السوق بالمرة المهم جه 3 أفراد معاهم واحد من نفس العينة بيسالنى العربية بكام قلتلوا 45 طبعا اول ما سمع السعر لبه ده انا بايع أختها ب 40 وانت مااتفرجتش فى السوق ده فى واحد أحسن منها ب 42
بصراحة انا كان ردى بارد جدا قفلت كابوت العربية وقولتله مش للبيع خلاص قالى ليه الكلام اخد وعطا قلتله لأ ولو هتدفع فيها 50 مش هابيعهالك

**A_H_M_A_D** · 03-07-2011 03:43 PM

بيعملوا أكتر من كده كمان

وبيبقى عارف إن العربية محترمة و تسوى كتير و يحسسك إنك بتبيع خرده وهو هايعمل فيك معروف و يشتريها منك

أحسن حاجه إنسى التعامل مع التجار و خليك مع اللي عايز يشتريها لنفسه فعلا

**thunder155** · 03-07-2011 04:44 PM

فعلاً ....... يا ريت الواحد لما ييجى يبيع يخلى باله من الحاجات دى كويس

**amro1965** · 03-07-2011 11:46 PM

انا بحب التعامل مع الاشكال ده
ليه
لانى بحب اشتغلهم كويس جدا
اعلنت عن سيارتى فى مصراوى وكتبت كل شىء عن سيارتى وايضا توضيح اى شىء من خلال الموبيل فقط
سيارتى ريجاتا نوفا موديل 90 فابريقة دواخل
احد الاشخاص علق على الموقع بدون الالتزام بنص عدم الرد على اى اسئله الا من خلال الموبيل وعلق برضه براية الاتى

سلام عليكم انا بدور على ريجاتا للبيع ممكن اعرف انت عاوز فيها كم؟انا متابعها فى السوق انت لو عربيتك كويسه اساتها سليمه مفهاش برومه وتكيفها شغال وتابلوها سليم ياباشا يبقى سوقها من 20 ا22 حضرتك بتقول تكيفها مش شغال مبدئيا انا مستعد ادفع فيها 20 مبدئيا لحد ماشوفها لو موافق قولى واجى اعاينها ياباشا شكرا ليك وربنا يحسنلك شوقها سواء انا خدتها او غيرى ربنا يباركلك

طبعا مسألتش فيه ولم اعلق عليه
ولو كنت فى السوق هرد عليه لما اسألها وارد عليك فى الجمعه القادمه
لازم الرد يكون رد واقف ومفهوش خذ وهات