الموضوع: بعض اساليب التجار فى بخس الأسعار

الله ينور عليك

نزلت كتير السوق و بعربيات بتاعة ناس بصراحة مش بتاعتى و كلهم كلام واحد حتى اللى مش تاجر يجي يستنصح عليك و يعمل فيها تاجر و هما كلمتين محفوظين و ده كمان مش فى العربيات بس لا فى الموبيلات كمان و فى كل الاجهزة تقريبا لانى هى دى مصر.
المهم يجى يبص على العربية و يقلب و يدور و يبص فوق و تحت و قال يعنى فاهم اوى و ميكانيكى قديم و اتحداك انك لو سالته على البطارية حيقولك دى علبة الفيوزات المهم يبص كدة و يقولك كام انشاء الله تقوله كذا و حتى لو كنت منزل عن سعرها فى السوق 5000 جنيه الاجابة بتكون لييييييييييييييه لالالالالالالا مفيش الكلام ده انت منزلتش السوق من زمان و لا ايه و متعرفش سعر العربية دى لا لا مفيش الكلام اللى انت بتتكلم فيه ده خالص دى سعرها كذا و ينزل لك بمبلغ محترم و يقولك و الله و تبقى غلبتنى كمان ده انا لسه حجيب كاوتش و الكاوتش يكون جديد و يلاقى خدش و لا خبطة صغيرة يقوم يقولك و حسمكر و فيها شغل كهرباء و فيها و فيها و فيها.............

و بصراحة كنت بريح دماغى و اقولهم دى مش عربيتى و انا نازل ابيعها لحد و بصراحة لما انزل ابيع عربيتى غالباً
حقول كدة برضه.
لانى من كام يوم كنت مع واحد صاحبى و هو عنده جراج و فى نفس الوقت تاجر عربيات بس بصراحة عنده ضمير و مش عشان صاحبى لا لكن بجد عنده ضمير و احسن من غيره كتير المهم قاعد معاه فى الجراج و عربيتى اللادا واقفة قدامنا و ابن عمته جه و كمان ابن عمته تاجر عربيات و بص على العربية و قال لى ايه يا عم سامر مش ناوى تبيعها قلت له شيل يا عم طبعا انا عارف انه حيموت السعر خالص بس قلت اتسلى شوية قال لى قبل ما يعرف اى حاجة عن العربية 14000 بصراحة اتخضيت و مكنتش متخيل انه ممكن يفطس السعر كدة مش يموته و بس (الاخ شايفنى واقف بـ 124 مش لادا) المهم قلت له و كانى هبيع فعلا يا عم حرام عليك دى عربية بيتى عاملة اول عن اخر 56000 كيلو و مركونة سنتين و موديل 1995 و اول يد و رخصة لحد 2013 و قبل ما تاخدها حلم لك التجاريح اللى فيها و ارشها لك كمان و فيها كاسيت ريموت و طقم سماعات محترم و دواخل فابريقة قال لى طيب خلاص خلاص يبقى 17000 كنت حقوله كلمة لكن مرضتش لانى طبعا مش هبيعهاله لانه لو قال لى هاخدها بـ 50000 جنيه تبقى فى السوق برضه اغلى من كدة و المهم بعد ما مشى قلت لصاحبى ده و انا واخد عليه ابن عمتك ده ماله يا عم مش شايف العربية قال لى يابنى مش تاجر لازم يقولك كدة و اوعى تبيع له.

و كأنى كلمة تاجر دى بقت رخصة للسرقة العلنية اللى بيمارسها التجار علينا لكن اعتقد كلنا اتعلمنا و يوم ما نبيع نبعد عن التجار و كلنا نقول التجار يمتنعون.

كل الافلام دى شفتها

كلام مضبوط

بس اكيد فى نازلة تشترى فعلا ولفه ودايرة وبيجيبوا من الاخر وبيكون سعرهم مختلف عن التجار
يعنى ممكن نقول التجار 75 فى المائه
والمشترين الفعليين 25 فى المائه