الموضوع: تجربه زياده عزل الصوت والتكيف داخل تويوتا ياريس 2009

المشاركة الأصلية كتبت بواسطة eslam.elrefaey

شغل عالى وشرح وافى

ربنا يخليك يا باشا

المشاركة الأصلية كتبت بواسطة moosaleh

انا مايجليش قلب أفك الحاجات دى بأيدى أنت قلبك جامد

ياسيدى شويه فبر وحاجات عبيطه يعنى جمد قلبك ودوس الى بيخاف ما بيجيبش ولاد

المشاركة الأصلية كتبت بواسطة mmffor

فعلا يا ريت تقولنا اية النتيجة و احساسك بالفرق
و ممكن تغسل الموتور بالفوم

النتيجه ممتازه فرق فى توفير البنزين وتقليل تشغيل الكمبيروسور وبروده سريعه مع تقليل ضوضاء المحرك بالداخل

وبالنسبه لغسيل الموتور بالفوم مممممممممم غاليه شويه وملهاش لزمه يعنى محدش هيتفرج على الماتور مافيش اى ضرر ان الماتور يفضل متوسخ طول العمر عادى جدا

التوكيلات نفسها بتغسل بميه وصابون علشان تخرج من هنا وبعد كام يوم يبوظلك سنسور ولا اى حاجه وترجع ليهم طبعا

المشاركة الأصلية كتبت بواسطة BLOODY_STONE

انا جبت العازل بتاع التكييف ... حجرب و ربنا يستر ... ربنا يستر و مفيش حاجة تفرقع

تفرقع يا راجل حرام عليك دا ماسوره هتعزلها ايه الى هيفرقع بس هات كدا مروحه ولا اى حاجه وبرد نفسك علشان تعملها بمزاج وياسلام لو ازازه حاجه ساقعه مشبره

استاذ عاصم والله انت اسطورة
بسم الله ما شاء الله عليك
انا قلبى اجمد منك
انا كل اللى عرفت افكه فكيته
بس هل العازل الصوف ده لما احطه عند الفتيس عادى مش غلط عشان السخونة
عربيتى كورولا 2003 وهل ينفع اعزل الصوت من تحت عند الدواسات كده مش هيأثر على اى حاجة
معلش انا طولت عليك
انت عارف الفيبر اللى بيتحط فى الكبوت من جوة ده بكام وهل هيفرق فى تخفيف صوت الموتور من برة

المشاركة الأصلية كتبت بواسطة iwantes350

استاذ عاصم والله انت اسطورة
بسم الله ما شاء الله عليك
انا قلبى اجمد منك
انا كل اللى عرفت افكه فكيته
بس هل العازل الصوف ده لما احطه عند الفتيس عادى مش غلط عشان السخونة
عربيتى كورولا 2003 وهل ينفع اعزل الصوت من تحت عند الدواسات كده مش هيأثر على اى حاجة
معلش انا طولت عليك
انت عارف الفيبر اللى بيتحط فى الكبوت من جوة ده بكام وهل هيفرق فى تخفيف صوت الموتور من برة

بالنسبه للسؤال الاول

عادى جدا تعزل اى حاجه فى جسم العربيه طالما ان العازل نفسه لن يتاثر بالحراره والصوف الزجاجى يتحمل درجات حراره عاليه فماتقلقش ابدا اعزل اهم حته بتجيب حراره بتاعت البمومبيه بتاع الشكمان وكتر فى العازل طبقتين مثلا علشان ماتحسش باى حراره خالص البومبيه هو الحته البارزه الى فى نص العربيه بتاعت الشكمان الى بتبقى ما بين الراكب الى ورا فى النص
ابتديها من اول المحرك لحد اخر الكنبه ورا

ونصيحه منى لو انتا بتفك الفبرات بتاعت العتب والابواب والطابلوه والحتت دى املاها عازل بقدر الامكان براحتك هتحس بفرق جامد

السؤال التانى
اه اعزل من عند الدواسه وزى ما قولتلك لو عملت طبقتين عازل يبقى تمام هتستفيد بجد وعايزك تقفل الطابلوه من تحت بالعازل ومجارى التاكيف الساخن هتعرف هيا فين لو نمت تحت الدواسه وشغلت المحرك لفتره ربع ساعه هتحس بحرارتها دى الى بتسخن رجلك

وافتح الكبوت ودى صعبه شويه علشان بتحتاج تقطيع كتير اعزل حوض العربيه الداخلى الى جهه الطابلوه ورا المحرك على طول هتحس بهدوء ممتاز بس اعزلها كويس وقطع على اد المواسير بس وثبت العازل بنقط لازق خفيفه جدا عند اطراف العازل

السؤال التالت
بالنسبه للفبره دى دا عازل حرارى للمحرك نفسه ولا يؤثر على الصوت الداخلى ولا الخارجى بشكل كبير
ودا بيستخدم فى الدول البارده فقط علشان المحرك يسخن بسرعه وحجره المحرك تبقى سخنه بسرعه فقط

وملهاش لزمه فى الدول الحاره مثل مصر بس الافضل انها ما تكونش موجوده علشان المحرك يطرد الحراره بتاعته

ولاى استفسار انا موجود

تحياتى م/ عاصم جاد

كلمة شكر لا تكفى ابدااااااا
الف شكر لحضرتك
ان شاء الله هجرب واقول لحضرتك

مجهود رائع
بارك الله فيك

المشاركة الأصلية كتبت بواسطة ahmed_fahmy

الله يكرمك وفك الحاجات دى عادى يا جماعه جدا لو بتغير كاسيت او لمبة عداداو تكيف هتعمل اكتر من كده ولو غسلت متور هتحرق الكنترول فى نفس اللحظه لأنو راكب جنب الموتور ودى اغبى حركه والأغبى منها الأيلانترا كنترولها راكب جنب البطاريه وفعلأً الياريس بتسخن جامد من عند الفتيس والكونسول واللى انت عملته ده بجد انجاز

كلامك صحيح 100%