الموضوع: ثبات السيراتو و السيراتو كوبيه.

المشاركة الأصلية كتبت بواسطة mido

انا بالنسبه ليا السيراتو اخرها 140 بالنسبه للطرق بتاعت مصر بعد كده اى طوبه فى الطريق بتحس ان العربيه هتطير الكوبيه اوطى وجنط 17 واكيد الثبات فيها احسن

نصيحه...متشتريش عربيه لمجرد انها على 160 او 180 ثابته
فكر كام مره ممكن تجيب السرعه دى وفكر فى الرادارات وفكر ان عند السرعات دى نسبة الحوادث كبيره والطرق ملهاش كبير ولو انت بتعرف تسوق اكييد اللى ماشى جمبك مبيعرفش

شكرا علي الرد. يا باشا انا معاك و انا اصلا معايا جين 2, و مش بجري بس بردو احب اكون عارف ان عربيتي ثابتة عاشان لو في يوم احتجتلها او ممكن تقول مسئلة نفسية.

المشاركة الأصلية كتبت بواسطة waleedelpiloot

الكوبية اثبت من السيدان عشان اوطى 1 سم
بس مش الفرق الى هوة فرق السما من الارض يعنى

شكرا علي الرد.

المشاركة الأصلية كتبت بواسطة typerr

السيراتو ثابته جامد

شكرا علي الرد.

المشاركة الأصلية كتبت بواسطة mmffor

انت لو جبت الكوبيه و رحت خابطها سبويلر كبير و كساحات و كاوتش عريض تبقى كفائة
و بعدين اخبطها تيربو شارجر بالكيت

شكرا علي الرد بس انا مبحبش اعمل افشخنات في عربيتي :)

المشاركة الأصلية كتبت بواسطة pirlo2000

رايي الشخصي.... لو علي طريق حلو انا جبت عن نفسي 170 مفيش اي مشاكل خالص و ثابتة جدا....

لكن لو طريق عليه مطبات هوا زي الدائري فانت بتحس انها خفيفة نسبيا ..... يعني ببقي جايب 130 مثلا بس لازم ابقي مركز .... بس الميزة انها بتلم نفسها بسرعة ........

و انصحك انك تبعد عن السرعة لان فعلا اخرتها وحشة.... الارقام اللي بقولهالك ديه انا بس كنت بجرب لكن انا عن نفسي اخري 100,و فعلا عيب الكوبيه الوحيد انها بس مغرية للجري ..... و ربنا يسترها معنا جميعا

شكرا يا باشا بس انا فعلا مبحبش الجري, انا العربية بتاعتي موديل 2007 جين 2 ماشي بيها 111000 كيلو, مرتين بس جريت بيها, مرا كنت بجربها جبت 185 و مر’ كنت بروش كدة علي مصر اسكندرية, جبت 193 و ده كان لفترة قليلة و رحت نازل تاني لل 120. بس انا بحب ان انا اكون واثق في عربيتي عاشان لو احتجت ثباتها الاقيه موجود.

المشاركة الأصلية كتبت بواسطة goodzila

باشا خد كلامي ده ثقه ثقه ثقه
انا جربت السيراتو العاديه 5 ايام ومشتريها زيرو
وبعتها بعد 5 ايام لسبب واحد فقط وهو الثبات الزفت !
ماشي علي 150 علي طريق العلمين ومعايا عيلتي قاعدين 5 في العربيه والعربيه حاسس اني ماشي ع الهوا ! مفيش ثبات نهائيا !
اشتريت بعد كده الكوبيه واقسملك بالله ماشي علي 200 لوحدي في طريق العين السخنه وثبات الحمدلله مابعده ثبات
فرق شاسع بين الاتنين والسيراتو كوبيه بما انهي اوطي علي الارض وعريضه عن السيراتو العاديه بالتالي لازم تديك ثبات اكتر بمراحل
تحياتي وموفق باذن الله

شكرا علي الرد.

المشاركة الأصلية كتبت بواسطة m.hassan47

ياجماعة السيراتوا انا شايف ان ثباتها جميل جدا ومفيهوش مشكلة مع انى مكنتش واثق من كده لأنى كنت راكب المانى واحس بالموضوع ده جدا لو فى فرق شاسع لكن السيراتوا ثباتها مش وحش خالص وعن تجربة على طريق اسكندرية القاهرة وجبت الميتين وكان معايا اتنين بس فى العربية ومفيش ادنى مشكلة يعنى اللى هو تحس انك فعلا بتجرى جامد بس العربية مابتعومش ولا بتحدف ولا اى حاجة وماشية ثابتة معاك .

شكرا علي الرد.

المشاركة الأصلية كتبت بواسطة sherif2net

السيراتو ثباتها جيد جدا مش ممتاز مشيت بيها 200 على مصر اسكندرية واخد بيها غرزة كمان من عربية نقل بس دا كان على الاسفلت الجديد. العربية فعلا بتلم نفسها بسرعه بالذات من مطبات الهوى.
اولا واخيرا السرعه خطر كبير وربنا يحفظنا من شرور الطريق.

شكرا علي الرد بس انا زي مقولت ان انا الخمد لله مبجريش بس بحب اكون واثق في عربيتي عاشان لو فيوم احتجتها.

المشاركة الأصلية كتبت بواسطة djabed

المشكلة مش بالثبات الحمد لله العربية ثابتة ولكن
مشكلة نشوفة العربية على المطبات والحفر والجنط ال17 هي دي المشكلة وياريت لو لقينا حل للمشكلة ولكن للاسف مافيش حل وشكرا
لو الزمن يرجع للخلف ما كنتش اشتريتها

انا عارف موضوع العفشة ده بس انا راكب حاليا جين 2 و ما ادراك بنشفان عفشة الجين 2 و مشتكتش منها عشان انا شب و مش بيهمني اوي حتة النشوفية, بس هل هية انشف من الجين 2؟ ولا احسن؟ ولا هية هية؟

شكرا لكل الناس اللي ردت و شكرا لاهتمامكو. و ياريت ردود اكتر عاشان نفيد و نستفيد.

فى حد يبقى راكب جين 2 وبعد كده يركب سيراتو
عمتا الجين 2 اثبت بكتير من السيراتو
ولو هتغير خش فى اليابانى او المانى

المشاركة الأصلية كتبت بواسطة kamatsho

فلوس السيراتو كوبيه زيرو

تجيب بيها هوندا سيفيك حاله ممتازه

ده رأي الشخصى .. مش اكتر ولا اقل


وربنا يوفقك لـما هو خير

ولاهي انا هشتريها قسط, و السراحة انا عايز زيرو و شكرا علي الرد.

المشاركة الأصلية كتبت بواسطة medoakef

ولله يا باشا هو الي حصل امبارح كنت بشد مع مرسيدس معدله فيها 2.0 انجكشن و جنط 18 و كنت برعش ليه نور في الملف علي 140 لانه بيهدي!!
الكوب اه اثبت من السيدان لكن السيدان بردو ثابته و و انا شخصيا تقييمي لها 8/10 في الثبات
توكل علي الله يا باشا و هات الكوب و لو سعودي هيبقا فيها esp(الكامله) و عرف الشعب يعني ايه كيا

شكرا علي الرد.

المشاركة الأصلية كتبت بواسطة samoreception

فى حد يبقى راكب جين 2 وبعد كده يركب سيراتو
عمتا الجين 2 اثبت بكتير من السيراتو
ولو هتغير خش فى اليابانى او المانى

شكرا علي الرد بس هل انت سؤت السيراتو ولا بتقول كدا بنائا علي اللي شوفتو بس او اللي سمعته؟ شكرا.

انا اسف جدا, غلطة مطبعية, كنت اقصد اقول "والله".