الموضوع: ثبات السيراتو و السيراتو كوبيه.

وبعتها بعد 5 ايام لسبب واحد فقط وهو الثبات الزفت !
ماشي علي 150 علي طريق العلمين ومعايا عيلتي قاعدين 5 في العربيه والعربيه حاسس اني ماشي ع الهوا ! مفيش ثبات نهائيا !
اشتريت بعد كده الكوبيه واقسملك بالله ماشي علي 200 لوحدي في طريق العين السخنه وثبات الحمدلله مابعده ثبات

باشا عندك حق في كل كلمة قولتها بس انا حاضيف حاجة انا بردة بسافر كتير علي طريق العلمين بس المشكلة مش مشكلة عربية مشكلة تيار هواء في عز الصيف فما بالك ببقية السنة ؟؟؟؟؟؟
انا كان معايا عربيات كتير كلها الماني لاني كنت بحب الثبات و السرعات العالية بس اسمع بقي اللي حصل مع كل عربية : الترتيب حسب الثبات من الاقل الي الاكثر:
١- كورولا ٢٠١٠ هاي لاين اخرها علي الطريق ده بالذات ١٣٥ كم
٢- مرسيدس c180 ٢٠٠٦ آخرها ١٦٠ كم بس الصراحة يومها كان هواء جامد اوي
٣- باسات ٢٠٠٦ وصلت معايا لآخرها ١٨٧ كم و بعد كده كل سنة و انت طيب
٤- احسنهم و اثبتهم و اقواهم اوبل فيكترا ٩٦ جبت بيها ٢٠٠ وكان في شهر ١١

المحصلة محدش حيفضل يجري علي السرعات دي علي طول عشان ادور علي ثبات الدنيا في العربية و اديك شوفت الجو بيعمل ايه ناهيك عن الطرق نفسها بقي !!
في عوامل كتير بتفرق في اختيار السيارة عند شرائها اهمها الهبد في السعر عند اعادة البيع و اسألني انا اتهبدت بتاع ٧٠ الف او اكتر في العربيات اللي فاتت دي عشان كنت بادور علي احتياجاتي الخاصة في عربيات كنت متوقع اني مش حابيع لما اشتريتها
الخلاصة السوق المصري فاشل في السيارات و تقدير قيمتها الحقيقية و ده بسبب التجار (السماسرة( و الوكالات الخاينة اللي بتسرقنا من كل مكان في العربية
حكم عقلك و اختار عربية بياعة في المقام الاول و بعدين عائلية تاني حاجة عشان تبقي سهلة البيع بس هات الاوبشنز اللي تقدر عليها
السرعة في طرق مصر تعتبر انتحار بعد ال ١٢٠ فالواحد المفروض يهدا و بالتالي الثبات موجود !!!!
معلش طولت عليكوا بس عل فكرة انا بعت المرسيدس لظروف الشغل و جبت سيراتو هاي لاين خليجي ٢٠١٠ تخيل التاجر اللي خدتها منه بيكلمني عشان ياخدها مني ١٠٥٥٠٠ و انا واخدها ب ١٠٣٠٠٠!!!!!!!!!!!!!!!
و شكراً

انا معايا سيراتو EX جنط 16 جايبها مستعمله شهر 7 اللى فات... حالة الكاوتش اللى قدام مش تمام و ممسوح شويه و نوع الكاوتش مش عاجبنى خالص

سافرت بيها على طريق العلمين لوحدى و كنت ماشى طول الطريق 140-150-160 الساعه 9 -10 مساء و الدنيا كحل و الطريق مليان مقطورات ماشى زيج زاج بينهم

الفكره انى كنت مثبت مع عربية فولكس فان جديده ماشيه قدامى على 160 و هو كل ما يعدى من مقطورات او ياخد ملفات الطريق ينزل ل 140 او 120... انا كنت بكمل بين المقطورات و فى الملفات على 160 او 140 او 150

و جابت معايا حوالى 185 فى الطوالى و رجعت تانى ل 160 بعدها

على فكره طريق العلمين كأسفلت و طريق مش حلو خالص مقارنة بطريق العين السخنة و كنت ملاحظ صوت الكاوتش عالى جدا على الطريق و الصوت بيتغير مع تغير الاسفلت من جزء لجزء فى الطريق

العربيه ثابته الحمد لله و زى ما الناس قالت بتلم نفسها بسرعه.. و فعلا العربيه بتنط من ورا فى مطبات الهوا لكن فى الملفات مثلا العربية مش بتميل و لا بتحس ب body roll فيها لكن مثلا انا بحس فى طريق مصر الاسماعيليه ناحية العبور ان على 120 العربية خفيفه على الارض لان الطريق وحش و مليان مفاجأت

لكن بالنسبة لى العربية الحمد لله ثابته

بصراحة اللى سايق الفولكس واجن ده يا اما مبيعرفش يسوق يا اما بياخد حذرة مش اكتر
ومن الاخر مفيش مقارنة بين ثبات الفلولكس فاجن والسيراتوا وده عن تجربه مش كلام وخلاص

انا اجرت السيراتو يومين و مشيت بيها 400 كم تجربة و عجبنى ادائها جدا, بجد عربية رياضية فعلا و فراملها حكاية
بس انا معدتش 130 كم فمش حعرف افتى هى بعد 130 عملاه اية لكن لحد 130 هى جميلة و بعد 130 ميهمنيش اوى.

المشاركة الأصلية كتبت بواسطة samoreception

بصراحة اللى سايق الفولكس واجن ده يا اما مبيعرفش يسوق يا اما بياخد حذرة مش اكتر
ومن الاخر مفيش مقارنة بين ثبات الفلولكس فاجن والسيراتوا وده عن تجربه مش كلام وخلاص

مفيش حاجه اسمها فولكس واجن و المانى و خلاص على كده

انا قلت فااااان و بالتحديد
Volkswagen Touran

و دى عربية عائليه مش بتاعة غرز و جرى ده غير انه كان معاه اطفال صغيرين فى العربية

المشاركة الأصلية كتبت بواسطة Rsarabia

ثبات السيراتو سيئ جدا و هتاخد مطبات هوا كتيييييييييير و هتحس بكل حتة مش مظبوطة فى الطريق
مسقتش الكوبيه بس لا اعتقد انها هتبقى اثبت لان مشكلة الثبات بسبب نوع العفشة الخلفية السيئ اللى بتخليها تنط و هى هى نفس العفشة اللى فى الكوبيه و بالتالى منصحكش بيها
لو عاوز نصيحتى ؟؟ متجيبش الالنترا بردو لانها نفس العفشة الخلفية
استنى بقا يا باشا ال i30 الجديدة هى هى الالنترا بس عفشة خلفية مستقلة و هاتش باك و صباح الثبات

أنا خبرتي في السواقة مش هايلة لكن أنا مشيت القاهرة - اسكندرية الصحراوي (على الطريق الجديد وهو طريق ممتاز على فكرة) وكان متوسط سرعتي 160 (150 - 180 حسب الطريق والعربيات اللي قدامي) وباخد غرز على 170 بدون أدنى مشكلة .
أنا مش مقتنع بكل اللي بتقوله مع كامل احترامي ليك لأن الثبات العالي على الطريق سببه عفشة أنشف مش العكس .
أما مطبات الهواء والنط ف الهوا فبسبب وزن العربية الخفيف مش نظام التعليق .
نظام تعليق السيراتو عيوبه تبان جوه المدينة لكن على الطريق السريع العربية ممتازة .
بالنسبة للثبات ومقارنة i30 بالسيراتو ، عامة طول قاعدة العجل ووزن العربية ف مصلحة السيراتو على حد علمي .
والله أعلم :)