عايز أطلع برة مصر .. إزاي ؟

**ahmed_eng2001** · 23-09-2015 08:14 PM

المشاركة الأصلية كتبت بواسطة Mecha

ايه المشكله في العزله عن الزحام ياباشا هههه .ممكن اروح احيانا عشان منساش واحمد ربنا علي قلة الخلق والهدوء.فينا الطبيعه المصريه نشتكي من الزحمه ومنقدرش نبعد عنها .فكرتني بواحد مصري في الخارج راح من مدينه كبيره 4-5 مليون لمدينه صغيره 2.2 مليون لشغل بقي يشكي هي البلد دي فاضيه كدا ليه!!!!! -رغم ان كافة شئ متوفر.امتي الواحد يرجع للمدينه الكبيره!!.شفت صور احياء بالقاهره الجديده حوالين عربيات بالمنتدي هنا في منتهي الجمال والنظافه والرقي متقلش شئ عن اي ضاحيه في دولة متحضره.
نفس الموضوع للمدن الجديده التكدس هيخربها هيخربها .هيفني البنيه الاساسيه والهدوء والرقي والخصوصيه وتتحول لعشوائيات Slums واخنان ودخانيق كالاحياء القديمه بكوارثها .بسبب حب العشره واللمه وكلو يسند علي كلو.ليه الناس متزهقش من بعض وتبعد .ليه عريس جديد ينقي شقه جنب اهله ولا اهلها !! ميجيبها بعيد عن الاتنين وجنب شغله عشان يخلص من مشاكلهم .ليه مبنطبقش مثل -ابعد حبه تزيد محبه - والدخان القريب بيعمي ههههههه. فعلا مشاكلنا من جوانا.وتحياتي

مفيش مشكلة فى الحياه بعيد عن الزحمة .... بل ان الحياه بعيد عن الزحمة مفضلة ... و لكن ... الموضوع بالظبط عامل زى ما يكون عندك تكييف فى حجرة النوم فقط .... و باقى الشقة حر جدا ... فانت مضطر للذهاب لبقية الغرف ...... و بتقول ... ياسلام لو بقية الغرف مكيفة ... او يا سلام لو الجو كله يكون كويس زى زى التكييف

و بالمناسبة ... الى اتعود و اتربى على الحياه الصاخبة و زحمة المدن الكبرى .. من الصعب انه يعيش فى الاقاليم ( مناطق هادئة ) او الريف

كل سنة و حضرتك طيب

**Colin Chapman** · 23-09-2015 08:38 PM

المشاركة الأصلية كتبت بواسطة ahmed_eng2001

مفيش مشكلة فى الحياه بعيد عن الزحمة .... بل ان الحياه بعيد عن الزحمة مفضلة ... و لكن ... الموضوع بالظبط عامل زى ما يكون عندك تكييف فى حجرة النوم فقط .... و باقى الشقة حر جدا ... فانت مضطر للذهاب لبقية الغرف ...... و بتقول ... ياسلام لو بقية الغرف مكيفة ... او يا سلام لو الجو كله يكون كويس زى زى التكييف

و بالمناسبة ... الى اتعود و اتربى على الحياه الصاخبة و زحمة المدن الكبرى .. من الصعب انه يعيش فى الاقاليم ( مناطق هادئة ) او الريف

كل سنة و حضرتك طيب

**ahmed_eng2001** · 23-09-2015 10:05 PM

المشاركة الأصلية كتبت بواسطة Colin Chapman

كل سنة و حضرتك طيب يا استاذنا

**Mecha** · 24-09-2015 12:16 AM

المشاركة الأصلية كتبت بواسطة ahmed_eng2001

مفيش مشكلة فى الحياه بعيد عن الزحمة .... بل ان الحياه بعيد عن الزحمة مفضلة ... و لكن ... الموضوع بالظبط عامل زى ما يكون عندك تكييف فى حجرة النوم فقط .... و باقى الشقة حر جدا ... فانت مضطر للذهاب لبقية الغرف ...... و بتقول ... ياسلام لو بقية الغرف مكيفة ... او يا سلام لو الجو كله يكون كويس زى زى التكييف

و بالمناسبة ... الى اتعود و اتربى على الحياه الصاخبة و زحمة المدن الكبرى .. من الصعب انه يعيش فى الاقاليم ( مناطق هادئة ) او الريف

كل سنة و حضرتك طيب

بالصحه والسلامه يا باشمهندس .فعلا مضبوط الجدع محب الزحمه طلع من القللي.

**moha sasa** · 28-09-2015 01:18 AM

- من عيوب الهجرة:-

+ تدنى أجرك.

+ لما تحس أن أجرك قليل ده بيقلل الكفاءة فى عملك ولا تهتم بتحسين أدائك.

+ يتم الاستغناء عن المهاجر من وظيفته بسهوله.

**moha sasa** · 28-09-2015 01:30 AM

المشاركة الأصلية كتبت بواسطة إنسانة

وشكرا ليك كمان على اظهارك للحياة بواقعيه بس دا مايمنعش ياباسم ان فيه وجه اخر اكثر جمالا

انا نفسي تيجي السعودية وتطلع بالعربية تتفسح في بحر العزيزة وتشوف الجمال بعينك محدش يحكيلك ههههه

ايوه يمكن الكهربة مش بتقطع والمياة مش بتقطع بس مفيش حياة مفيش فسح البلد دي مايتعشش فيها الا لو اسرة كبيرة مع بعض تخفف عن بعض قسوة الحياة هنا

امريكا يعني انا روحتها هعيش هناك ؟ كلها كام شهر ورجعت

لو في ايدي هعيش في مصر على كل بلاويها افضل بالنسبالي من السعودية

على الاقل مش كل ماروح اي مصلحة حكومية يطلعلي اللي يسألني عن ولي امري فين ابوكي فين اخوكي فين زوجك هاتي امر من القاضي الشرعي هههههههههه

والقاضي الشرعي يقعد يحقق معايا ليش تبغي تسافري يابنتي وش عندك هههه ويديني محاضرة عن الحجاب الشرعي والتحلي بالاخلاق الاسلامية واداب السفر بعد مااسردله اهمية السفر ومسار رحلتي من أ الى ي وبعدها يتكرم عليا جنابه بتصريح السفر ههههه

فالاخر هطلع اسوق عربيتي بنفسي ؟ لا سواق معرفش ايه نواياه قاعد معايا في متر ونص في متر ونص بيتشرط ويتأمر

بلا هم

- فى ناس دايماً شايفه مصر وحشه لو عملنلهم ايه!!!!!!!!!!!!

- متسميعش منهم حاجه.

- ولا الكهربا ولا المياه مبيقطاعوش زى زمان وخاصة مقارنه فى عهد استاذ الفلزات.(يُتبع)

**moha sasa** · 28-09-2015 01:31 AM

- عندك حق أن مصر المعيشه فيها أحسن من السعوديه وخاصه للسيدات / البنات.

- أنتى ولية أمرك عندنا.

- عندنا وسطية أزهريه عالميه صالحه للتطبيق فى أى زمان ومكان. مش فكر دينى لايصلح تطبيقه إلا فى السعوديه فقط.

- لو نزلتى عندنا مثلاً تلاقى فى مناطق زى مصر الجديدة ومدينة نصر والتجمعات؛ أغلب العربيات إللى ماشيه سيقنها ستات.(يُتبع)

**moha sasa** · 28-09-2015 01:34 AM

- ليه؟؟؟؟؟؟؟؟

- عشان عندنا دعم للمرأة ونتيجته أن الست بتنافس الرجل.

- تلاقيها ركبه من أجدد الماركات والراجل واقف على محطه الأتوبيس.

- لأن سوق العمل عندنا فيه منافسه. فالبقاء للأحسن.(يُتبع)

**moha sasa** · 28-09-2015 01:38 AM

- فى أمريكا مثلاً إللى يقعدو يحلفو بحياتها من الصبح لى بالليل.

- تلاقى الست بتكسب 65 سنت مقارنه بالرجل إللى بيكسب 100 سنت فى نفس الوظيفه!!!!!!!!!!!

- هو ده دعم المرأة فى أمريكا. فكان من الأولى أنك متستغليهاش وتديها أجرها كامل مقارنه بالرجل.

(يُتبع)

**moha sasa** · 28-09-2015 01:45 AM

- محدش عندنا هيجبرك تلبسى أيه ومتلبسيشى أيه.

- بس فى نفس الوقت أنت المسئوله عن نفسك لما تختارى ملابسك.

- وأعتقد أن ده النظام حتى فى الدول الأوروبية / الأمريكية. (النهاية)