النيسان صنى فى خطر !!!

**BassamHafez** · 02-07-2011 08:46 PM

المشاركة الأصلية كتبت بواسطة peaceman

ابن خالتي معاه رينو لوجان و بيشكر جامد جدا جدا في التوكيل بتاع رينو و اخر موقف حصل معاه ان البطارية بعد سنة و نص باظت و راح التوكيل و غيرها في الضمان من غير ما يدفع ولا مليم

بس انا شوفت العربية رينو سكالا و بصراحة مدخلتش دماغي خالص و برده نيسان صني تكسب بكل المقاييس بدون تحيز.

معنى كلامك وكلام كل الناس اللي معاها الصني

ان لو نيسان شالت علامه الرينو من على الاسكالا وحطط عليها صني انكو مش ها تشتروها برضو

وده معناه ان نيسان فشلت في اخر موديل للصني اللي هو اسكالا هنا وصني في الخليج

**raedegypt** · 02-07-2011 09:00 PM

اسكالا وفلوانس كلهم تجميع كورى وعلى فكرة اصلآ نيسان بس عملوا شراكه مع رينو . الميجان تركيا . اللوجان مغرب ورومانيا مافيش رينو تجميع بلدة فرنسا علشان السعر يكون منافس

**AutoTycoon** · 02-07-2011 09:30 PM

بأمانة شديدة
الرينو سكالا دي عربية سيئة جداً كتقفيل و شكل و انتريور
مفيش فيها غير ماركة تجارية ملزوقة على الدركسيون و الشبكة و شكراً
اقعدت فيها و كل من البيرسونا و الصني

الصني على الرغم انها تقفيل مصري.. لكنه محترم جداً و كفاية الفينيش تحت الكبود و الشنطة (نفس الكلام في البيرسونا)
اتفرج على سكالا تحت الكابود :

شوف الفرق في البيرسونا:

**medododo** · 02-07-2011 09:49 PM

ودي الصني 2011 في الخليج نسخة من الرينو

**egypt0777** · 03-07-2011 02:01 AM

انا شايف انها مصلحة لينا

و نيسان لازم تراجع اسعار العربيات

عشان الاسكالا هى هى الصنى و نفس الماتور و الكهرباء و العفشة

يعنى مافيهاش غير انها اتجمعت فى كوريا

**AutoTycoon** · 03-07-2011 02:10 AM

انا مش عارف لية ملاك الصني زعلانين ان العربية بتغلى :):) ؟؟
انتوا الكسبانين... لو العربية رخصت يبقى كدا قيمتها بتقل .. مش كدا ولا اية؟

**Youssef.Awad** · 03-07-2011 02:13 AM

المشاركة الأصلية كتبت بواسطة fady_anis

تمام بس اساسياتها كله يابانى

يا باشا اساسيات ايه ؟
انا غيرت ضفيرة الكهرباء المصرية فى صيانة ال40 الف ومن اول التليين لما كانت 2000 كم وهى بتعلى وتوطى الrpm وبتلعب مع النور
وعندك مكون محلى نسبته توصل ل60% يبقى الباقى ايه

**Youssef.Awad** · 03-07-2011 02:16 AM

المشاركة الأصلية كتبت بواسطة AutoTycoon

انا مش عارف لية ملاك الصني زعلانين ان العربية بتغلى :):) ؟؟
انتوا الكسبانين... لو العربية رخصت يبقى كدا قيمتها بتقل .. مش كدا ولا اية؟

المشكلة يا باشا ان السعر زاد فى الزيرو
انما المستعمل سعره فى الارض
واحد صاحبى بيفصل عربيته اخت بتاعتى سوداء ex مانيوال عاملة 16000 كم مو 2010
روحت معاه لواحد قاله 70 الف ج وكارمك كمان
عشان مانيوال ومش عليها طلب
!!!!!!!!!!!!!!!!!!!!!!!!!!!!

**raedegypt** · 03-07-2011 11:09 AM

بصراحه وكل موضعيه الاسكالا هى نفس النيسان الصنى الشكل الجديد وتجميع كورى شكل احلى وتجميع اضمن واعلى وخامات مستوردة غير الصنى المصرى الشكل القديم بتاع 2004 فى الخليج وتجميع حدث ولاحرج ومكونات محليه معظمها صينى طبعآ علشان السعر وسعرها انكشف مع الاسكالا ال المفروض تقل 15 الف عنها لو نتكلم الحق