النيسان صنى فى خطر !!!

**Youssef.Awad** · 02-07-2011 02:11 AM

النهاردة زى كل يوم جمعة من 14 سنة متعود اقرا جرنان الاهرام وملحق السيارات قبل ما احتفظ بيه فى الدولاب
واستوقفنى اعلان لمعرض عربيات عن الرينو اسكالا 2011 وتوافرها بالاسعار التالية :
82000ج مانيوال هاف اوبشن
88000ج مانيوال فول اوبشن
95000ج فول اوبشن اوتوماتيك
!!!!!!!!!!!!!!!!!!!!!!
بصراحة بالاسعار دى والرينو اسكالا هى هى النيسان صنى برة وكمان مستوردة مش تقفيل مصرى وفيها تعديلات كمان فى الصالون والعفشة وخلافه
بكده بقت ارخص من الصنى اللى دلوقت وصلت ل 87000ج مانيوال ex
90000ج مانيوال abs
95000ج اتوماتيك ex
100000ج اتوماتيك سوبر صالون

ياترى ايه رأيكم فى الكلام ده وهل ممكن يبقى الرينو خليجى ومش مضمونة عند الوكيل ولا ايه الحكاية ؟

**Youssef.Awad** · 02-07-2011 02:49 AM

بالنسبة لتوكيل رينو ومعاملته بناءا عن تجربة شخصية حضرتها بنفسى مع واحد صاحبى معاه لوجان 2010 فى توكيل العبور
كلمة سيىء اقل حاجة ممكن تتقال عنهم
انا يومها حمدت ربنا مليون مرة ع السبع واى توكيل لنيسان
بس العربية تقفيلها احسن بنسبة بسيطة من النيسان وفيها اختلافات بسيطة اوى فى الصالون واماكن الزراير والمفاتيح بس كده فرق السعر لصالح المستورد والشكل الجديد يكسب

**Youssef.Awad** · 02-07-2011 03:13 AM

بامانة فيه اختلافات فى الاتنين وكل واحدة متميزة فى حاجة
فعلا الدركسيون فى الصنى ومسكته احسن لكن ينقصه المالتى فانكشن
الكونسول فى الصنى لحد مفاتيح التكييف احلى بس التكييف فى الاسكالا احسن بصراحة
كمان مفتاح الشنطة من الداخل فى الصنى مكانه عبقرى فى الاسكالا تحت جنب فتح باب البنزين
الكراسى قدام وورا اريح بكتييييييييير فى الاسكالا عن الصنى غير كده ما فيش
بس الرينو بتنصح بزيوت توتال عشان فرنساوى زيها
والنيسان بتقول موبيل 1 هو الانسب
وبصراحة انا جربت توتال اول 10000 كم فى العربية من الزيرو مع ابوغالى العبور قبل ما يسحبوا منه التوكيل وما كانش عاجبنى وصوت العربية عالى
ولحد دلوقت باشترى موبيل من برة وانا رايح السبع عشان بيحطوا شل

**MOUSTAFA_SAAD** · 02-07-2011 08:13 AM

فعلا النيسان اللى عندنا شكل قديم مش بينزل بره وهى بالظبط الرينو سكالا
بس معظم الناس بتخاف من حاجه اسمها رينو مش عارف ليه وممكن يشترى موديل قديم وغالى علشان مايشوفش علامة رينو

**م/محمد** · 02-07-2011 09:37 AM

المشاركة الأصلية كتبت بواسطة moustafa_saad

فعلا النيسان اللى عندنا شكل قديم مش بينزل بره وهى بالظبط الرينو سكالا
بس معظم الناس بتخاف من حاجه اسمها رينو مش عارف ليه وممكن يشترى موديل قديم وغالى علشان مايشوفش علامة رينو

احب اقولك انا واحد من الناس دي
ولن اركب فرنساوي ابدا ابدا مش رينو بس -علشان ميجيش حد من رينو يهاجم -
والموضوع مش خوف ولكن واقعيه مهو مش شطاره ترمي نفسك قدام القطر علشان تقول انا مش خايف من القطر
يعني مرحش اجيب عربيه غير اعتماديه و قطعتين غيار يجيبو تمنها زيرو وتكنولوجيا هايله بس غير محسوبه من حساسات بتتاثر من اقل تراب الي اللي انتو عارفينو
باختصار لو الاسكالا ب 52 مش ب 82 برده مش هجيبها

**samsong** · 02-07-2011 09:51 AM

الصني بتوكيلها القوي ومراكز الخدمه المنتشره واعدادها الكبيره وتاريخ الموديل وفترته
فهختار الصني

**sab3aawy** · 02-07-2011 10:48 AM

مش شايف اى خطر على الصنى، شايف منافسة تخلى نيسان مصر تراجع اسعارها وكله فى مصلحة المستهلك، وانتشار الاسكالا فى مصلحة الصنى وانتشار الصنى فى مصلحة الاسكالا، لأنهم عربية واحدة فى شكلين، زى ما زمان انتشار الفيات 131 ساهم فى اقبول وانتشار الشاهين لاطمئنان الناس ان قطع غيارها هى نفسها بتاعت ال131، ولاحقا خدم انتشار الشاهين استمرارية ال 131 علشان قطع غيار الشاهين اللى بقت اكتر من الهم على القلب بتركب عليها، والرابح فى النهاية هو المستهلك

-

-

-

الموضوع: النيسان صنى فى خطر !!!

LinkBack

أدوات الموضوع

عرض

النيسان صنى فى خطر !!! - انشر الموضوع فى :

-

-

-

-

-

المواضيع المتشابهه

صوت طقة فى النيسان

فوج النيسان

بطارية النيسان صني

النيسان صنى

الكلمات الدلالية لهذا الموضوع

المفضلات

المفضلات

ضوابط المشاركة