يعني لما اخبط حد اطلع اجري احسن ؟ ؟

**medo_sirion** · 02-07-2011 10:35 PM

بص يافندم انا مش هتكلم كتير هديك مثل صغير اعرفك بية ان اللى عملتة دة الصح
سواق تاكسى والدى داخل البنزينة وهية على ايدة اللمين ووالدى ماشى فى الحارة اللمين وهوة داخل السواق كان سرحان وهوب دخل فى الجنب المين بدون فرامل تخيل انت الجنب المين للعربية كان عامل ازاى دة غير الخبطة العربية من خبطتها كانت داخلة على تنكات البنزين ربنا ستر

اول منزل سواق التاكسى قاعد يتاسف وانا غلطان وانا وانا روحت مسكتة قلتلة ياحج انت سليم والعربية بتعتك كويسة الراجل بصلى قالى اه الحمدالله قلتلة خلاص اتوكل على الله حصل خير وانت مكنتش تقصد

خد عندك بقى العربية كانت لسة زيرو وكان رايح يحطلها بنزين علشان مكنش فيها بنزين وعمر ماربنا مابيضيع حق حد وهتتردلك لما تخبطت حد وهوة يقولك الحمدالله وامشى ومحصلش حاجة

**zaza_lanos** · 02-07-2011 10:58 PM

انت علشان انسان محترم ربنا وقفلك ناس محترمة
وسترها معاك

بس هى ليه معلقة على 2011 داحنا فى شهر سبعة يعنى العربية مستعملة

**mrghost** · 02-07-2011 11:58 PM

الواحد لما حد يكسر عليه او حتى يخبطه ويتكلم بادب بيتكسف منه وبيمشى مش عارف بقى الست دى نوعيتها ايه مع انك عرضت انك تصلحلها المرايه او تجيب غيرها

**saadelden** · 03-07-2011 02:32 AM

تصرفك كويس
عموما انت هتقابل ناس كتير أسوأ من كدا طالما ماشي في شوارع المحروسه

انا كنت ماشي مره لا بيا ولا عليا و تاكسي شاهين خبطني و نازل عايزني اصلحهاله !!
طبعا المفروض غلطي انا اني فرملت و الطريق اصلا يا دوب ماشي ف البيه لبس فيا و شويه البلاستكات الي حاططهم اتكسرو مع الفانوسين الشمال
بس يخبط دماغه ف الحيط طالما انا مش غلطان

المشاركة الأصلية كتبت بواسطة zaza_lanos

انت علشان انسان محترم ربنا وقفلك ناس محترمة
وسترها معاك

بس هى ليه معلقة على 2011 داحنا فى شهر سبعة يعنى العربية مستعملة

عادي يا فندم السيدات عموما الحاجه المفروض بتفضل عندهم جديده لحد ما تبوظ

**mahmoudysf** · 03-07-2011 02:42 AM

يا راجل العربية زيرو و2011 ده كلام

**pro_samir** · 03-07-2011 02:52 AM

حصلي حاجه زي كده مره بس الراجل طلع محترم

ماشي في النص وتاكسي حدف عليا من اقصي اليمين لأقصي الشمال علشان ياخد يوتيرن هديت وحدفت يمينه فجأه لقي زبون علي اليمين راح راجع عليا يمين تاني ودوست فرامل محترمه بس ملحقتش اديله كلمتين ، بعد ما خلاص مشيت قلت لا اديله كلمتين ومهدي داخل علي مطب وببص عليه في المرايه العربيه اللي قدامي وقفت خالص علي المطب كانت اوبترا حكيت فيه من يمين الاكصدام في شمال اكصدامه الخلفي ، ركنا ونزلت اعتذرتله قالي حصل خير ومشي بعدين بصيت عندي لاقيت الاشاره اتكسرت

من ساعتها الصراحه لما حد بيهبل معايا مبقيتش اخد بتاري كتير زي الأول