يعني لما اخبط حد اطلع اجري احسن ؟ ؟

**beetleMOSH** · 03-07-2011 05:54 AM

بصراحه فى ناس مستفزه اوووووووووى
انا مره خبطت فى تاكسى 131
هى خلطتتى طبعا الموبايل وقع منى فى الدواسه
وطيت اجيبه
طلعت لقيت نفسى فى شنطه التاكسى d:
المهم اللى حصل عندو ان فانوس اتكسر
و انا العربيه الرفرف كبس على العجله و الكبوت كشر
و شويع دلع فاوس بقى على الكلام ده
المهم الراجل راسه و الف سيف
انى لازم اجى معاه اشتريله الفانوس
و سحلنى معاه ف حته فى الهرم ( و احنا كنا فى مصر الجديده ) عشان اجيبه من الراجل اللى هو بيتعامل معاه !!!!!!!
انت متخيل بقى
و جبتله الفانوس
و قالى اللمض كمان d:
كان ناقص يقولى ركبهولى بالمره

بس فعلا انت انسان محترم

**mohkhattab** · 03-07-2011 10:49 AM

المشاركة الأصلية كتبت بواسطة aboomar22

طيب سيبك من موضوع المراية وتعالى نتكلم فى حاجة تانية انت غلطت عارف ليه اول حاجة اتنرفزت من حاجة المفروض اتعودنا عليها فى مصر واحد يعمل غرزة قدامك وبتحاول تحصله ثانيا بتتخطى عربية من اليمين ده برضة غلط انت عارف ان ممكن واحد بموتسيكل وما اكثرهم اليومين دول طلع قدامك كده او عيل صغير او راجل كبير عارف لو لمسته هتبقى مشكلة حتى لو انت مش غلطان الكل هيطلعك غلطان وهتبقى مشكلة وبصراحة يا اخى الواحد لما بيتخبط ويلاقى اللى خبطه بيتكلم بذوق والله مابتكلم خلاص واركب وامشى ربنا يحفظنا جميعا بس الغريبة هما جابو الشرطة العسكرية ازاى

انا متوفق مع راى العضو ابو عمر
انت فعلا راجل محترم بس فى ناس مينفعش معاها الاحترام

**Elawany13** · 03-07-2011 10:53 AM

المشاركة الأصلية كتبت بواسطة beetlemosh

بصراحه فى ناس مستفزه اوووووووووى
انا مره خبطت فى تاكسى 131
هى خلطتتى طبعا الموبايل وقع منى فى الدواسه
وطيت اجيبه
طلعت لقيت نفسى فى شنطه التاكسى d:
المهم اللى حصل عندو ان فانوس اتكسر
و انا العربيه الرفرف كبس على العجله و الكبوت كشر
و شويع دلع فاوس بقى على الكلام ده
المهم الراجل راسه و الف سيف
انى لازم اجى معاه اشتريله الفانوس
و سحلنى معاه ف حته فى الهرم ( و احنا كنا فى مصر الجديده ) عشان اجيبه من الراجل اللى هو بيتعامل معاه !!!!!!!
انت متخيل بقى
و جبتله الفانوس
و قالى اللمض كمان d:
كان ناقص يقولى ركبهولى بالمره

بس فعلا انت انسان محترم

بصراحة ومن غير زعل
الراجل معاه حق
وانت اللى غلطان
وحقه كمان انك تركبهوله

**ahmed2y** · 03-07-2011 11:18 AM

انت صح وعداك العيب وموقفك بيدل ان الدنيا فيها خير وفى ناس بتبقى اعوذ بالله بتموت فى الفلوس وميعرفوش اننا كلنا معرضين للخطا عشان كدة لو الواحد اتخبط او حصلو اى حاجة فى العربية بيقول عوضى على الله عشان لما يجى عاليا الدور واغلط فى حد ربنا يوقفلة ابن الحلال

فكرتنى سنة 2005 كنت راكب عربية 127 بتاعت الشركة وكنت رايح بعمل كام مشوار ودخلت البنك الاهلى وخرجت ومشيت فى اتجاة الكوربة فى يوترن داخلة وخبطت وسبحان الله خبطت ومش عارف انا اصلا خبط فى اية عربية ولا رصيف ولا اتوبيس ولا ميكروباص مش عارف طلعلى الراجل منين ونزلت من العربية متعور والاقى نفسى خابط مرسيدس 200 فى القايم بالظبط واتعورت الراجل كان قمة فى الزوق شافنى متعور قالى فيك حاجة قولتة لا الحمد لله قولتلة تامر باية وانا اعملهولك قالى ولا حاجة بقيت اتحايل عالية واشد فية وهو يقولى مش عاوز حاجة الحمد لله على كل حاجة

**Ashraf_Ibrahim** · 03-07-2011 11:33 AM

من ضمن الناس المحترمة برده اللي قابلتها كنت في صلاح سالم الساعة 5 الفجر وماشي فيه على 120 تقريبا وكان قدامي لانسر كريستالة وقدامه اوكتافيا وقدامه تاكسي
انا في العادة بكون كاشف الطريق كله ومش ببص للعربية اللي قدامي بس ولكن ببص لبعديها بعربيتين تلاتة عشان اقدر اتفادى اي موقف
بتاع التاكسي فجأة فرمل جامد جدا
بتاع الاكوتافيا لحق نفسه ووقف وبتاع اللانسر كذلك وتبقا العبد لله بالفيرنا العظيمة
المهم حاولت قدر الامكان اني اقف بس متحاولش
ههههههههههههههههه
فرملت على قد ما قدرت وقلت بدل مادخل فيه وش في ضهر كامل لا اخد جنب في جنب المهم لما قربت منه حاولت افاديه فخبطت اكصدامه الخلفي اليمين باكصدامي الامامي شمال
النتيجة كانت ان الاكصدام بتاع اتكسر نتيجة الضغط المفاجيء عليه من عربيتي
والعجيب ان عربيتي طلعت منها زي السكينة من الحلاوة بدون اي شيء
المهم وقفت كالعادة مانا مبخبطش حد واجري
وقفت على جنب ونزلت طبعا هو نازل شبه متنرفز ودا حقه
روحت وسلمت عليه وقلتله انت عامل ايه قلي الحمد لله
قلتله انت فيك حاجة قلي لا الحمد لله
كان معايا اخويا نازل يتخانق بقا ويقله ازاي تفرمل كدة ومش ازاي وبتاع المهم شخطت فيه وقلتله اسكت خالص
قلتله حضرتك مش غلطان ولا انا غلطان الغلط من التاكسي اللي كان العربية اللي قدام اللي قدامك
بس من حقك اني اعملك عربيتك
شوف انت تؤمرني بايه وانا تحت امرك
المهم بص لعربيته شوية وقلي هقلك ايه يعني
الحمد لله اتوكل على الله
قلتله انا بكرر تاني انا تحت امرك في عربيتك دا حقك مش حاجة مني دا حقك !
فقلي لا الحمد لله اتفضل انت ومشينا على كدة
الموقف دا علمني ان لما تخبط حد او كدة انزل اطمن عليه الاول واتأكد انه هو كويس وان مفيش حد متعور او ما شابه والعربيات تولع في داهية هييجي غيرها بس البني آدم عمره ما يتعوض أبدا !
ربنا يحمينا جميعا من الطريق وشره يا رب !

**l0new0lf** · 03-07-2011 12:20 PM

بص انا مش هاطبطب عليك زى ما كل اللى كتب قبلى عمل لان سيادتك غلطت و اكتر من مره
اولا الحمد لله على السلامه
ثانيا: واحد بيجرى و كسر عليك و الحمد لله محدش اتخبط ولا حد اتعور يبقى تحمد ربنا انه سلم مش تطلع تجرى وراه
جريت وراه و جبته هتعمل له ايه يعنى هتكسر عليه؟ يبقى انت فرقت ايه عنه؟
ثالثا: طريق المريوطيه ده مش طريق سريع و فيه اصلاحات كتيره و شغل و المهم ان كله مداخل و مخارج من اليمين و الشمال يعنى ايه تجرى فى طريق زى ده؟
رابعا: سيادتك بتتخطى واحد من على يمينه و المفروض التخطى من على الشمال
خامسا: واحد يمينك رمى عليك و شمالك مش فاضى يبقى الصح انك تخبط الغلطان اللى على يمينك لان الغلبان الى على شمالك ملهوش زنب انك تعاقبه بانك تخبطه عشان غلطة واحد تانى
سادسا:بتاع الموتسيكل لو كنت خبطته (مع ان هو الغلطان) و كان اتعور كنت هتدخل فى متاهات جامده, و لو كان مات كنت هاتخش فى حوار القتل الخطا
شفت كام غلطه اتعملوا بسبب انك سخنت ان واحد عمل حاجه غلط و طلعت جريت وراه؟
لكن
وقوفك بعد ما خبطت العربيه و عرضك للتصليح ده يبين انك محترم و ابن ناس محترمين
و هو ده اللى خلى ربنا يبعت لك ضابط محترم و وقف معاك
ياريت بس نفكر قبل ما نعمل اى حاجه و بلاش شغل الافلام الاكشن بتاعة ال ام بى سى
و ربنا يهدى

**Amr Axel** · 03-07-2011 12:31 PM

اولا : متزعلش مني بس اكبر غلط انك اتنرفزت و طلعت ورا الواد ده
الاشخاص اللي زي دول المفروض تكبر دماغك منهم و تخليك هادي يا راجل ده انت ع وش ليسانس ...احم قصدي ... بكالريوس اظاهر اني اتعديت من الست ديه ههههه

ثانيا : نيجي للموقف بتاع اللانسر و النيسان ههههه
هي الست ديه عمرها ما ركبت عربيات زيرو قبل كده و لا ايه قولها ابقي اغسليها و اكويها و كيسيها و شيليها في الدولاب ؟؟
و طبعا انت معملتش اي حاجة غلط بالعكس ده اللي عملته بيدل انك شخصية محترمة انما اللي زي ديه مش لاقي حاجة اقولها ههههههه
و الواحد ياما اتخبط و خبط و لو الشخص اعتذر خلاص طالما اعترف بغلطه و لو التكلفة عالية مش هقدر عليها لوحدي ممكن بالنص او اللي يقدر عليه لو هو عرض انما مش غصب عنه انما طالما بسيطة فمش محتاجة القلق ده كله و شرطة عسكرية و نقطة و زعيق ع حتة مراية و واضح ان مخها ابيض من الصيني بعد غسيله ال ميكانيكي ال ههههههه
و كمان بتقول انها جايبة سواق يعني اللي يعين سواق معتقدش انه هيبص لمبلغ زي ده
و اكبر دليل انك صح ان الظابط قالك اتكل ع الله و خد حاجتك
مش عارف جوزها ده ملوش كلمة في الموقف خالص اكيد زييها الطيور ع اشكالها تقع

-

-

الموضوع: يعني لما اخبط حد اطلع اجري احسن ؟ ؟

LinkBack

أدوات الموضوع

عرض

-

-

-

-

-

المواضيع المتشابهه

يعني انا اطلع المقايسه دي منين؟؟؟؟؟؟؟

اجري اجري اجري وديني قوام وصلني

تطبيقا لمبداء اخبط واجري

الرفرف اخبط ، ممكن حد يقولي ده كده يترد ع البارد ولا سخن ولا ايه ؟

الحقونيي ....... مش عارف اجري

الكلمات الدلالية لهذا الموضوع

المفضلات

المفضلات

ضوابط المشاركة