الموضوع: دعوة لإنقاذ اللغة العربية

مخاوف حقيقية أبداها الدكتور أحمد درويش وكيل كلية دار العلوم بجامعة القاهرة من اندثار اللغة العربية خلال القرن الأول من الألفية الثالثة و هو ما ذهبت إليه دراسة نشرتها أخيرا منظمة الأمم المتحدة للتربية و العلوم و الثقافة "اليونسكو "
درويش حذر من تصنيف اللغة العربية ضمن اللغات التي ستشهد الموت في القرن الحادي و العشرين ووصفه بأنه نبؤة خطيرة ينبغي ألا نسكت أمامها و لا نكتفي بالصراخ و إنما يجب أن نبحث عن الأسباب الحقيقية لضعف اللغة العربية .
و في محاضرة بعنوان " انقاذ اللغة العربية هو انقاذ للهوية "
قال الدكتور درويش أن منظمة اليونسكو اصدرت قائمة بنحو 300 لغة ماتت خلال القرن العشرين و قدمت قائمة أخرى للغات المرشحة للموت في القرن الجديد و كان من بينها اللغة العربية .
و أشار إلى بعض الأسباب التي جعلت اللغة العربية تتراجع في مجال العلوم المتطورة التي نجدها بلغات أخرى و كذلك تعامل العرب أنفسهم بلغات أجنبية و حتى عندما يتم إعطاء الفرصة لهم للتعريف بلغتهم في المحافل الدولية فهم يفضلون العزوف عنها
و أضاف أنه على المدى القريب خلال القرن الواحد و العشرين يمكن أن تحل 13 أو 15 لهجة محلية محل اللغة العربية نفسها
قبل أن تحل اللغات الأجنبية الأخرى محل اللغة العربية نفسها

----------------
و هذه دعوة مني إلى الأخوة الزملاء
بالتوقف عن استخدام تعبيرات أجنبية طالما لها مقابل عربي
و أيضا أطالب الأخوات الزميلات بالتوقف عن الكلمات التالية
ميرسي قوي ...... ثانك يو ...... و الكلام اللي ينقط ده

و يا سلام لو كل واحد يحتفظ بما يعرفه من لغة اجنبية ليتحدث به مع أصحاب تلك اللغة فقط بدل من أن نهجر لغتنا و نتحدث بين بعضنا البعض بلغة ركيكة و في الأخر ليست لغتنا

وشكرا جزيلا لوقتكم الكريم

صحيح والله الموضوع كمان مش كده وبس ده ممكن بعض الناس اللي اعرفهم من كتر سيطرة الموضوع ده عليهم او العقده خلليني اسميها او حب المنظره تلاقيه يقول الكلمه ويعصر نفسه يا عيني مش لاقي العربي بتاع الكلمه دي وكأننا خلاص كلنا اجانب من أهل الفرنجه:D والطبيعي عندنا اي لغه غير العربي عارفين انا كنت والله هاعمل موضوع قريب من ده بس اخونا توت سبقني ربنا يكرمه ويجازيه خير ...كنت من فتره في وسط البلد بااتمشى شويه فالقيت واحد من السياح تقريبا عاوز يشتري حاجه او عاوز يسأل على حاجه المهم مش ده اللي استوقفني الحقيقه اللي شد انتباهي وخلاني اروح تعبان نفسيا هو كم الناس اللي بتحاول توصل للغته ! يعني كل اللي واقف بيحاول يساعده عاوز هو اللي يوصله كلامه سواء انجليزي او فرنسي المهم بلغته هو السائح الاجنبي ....صحيح هو ضيف عندنا وكل حاجه بس ليه مابيحاولش هو يعمل حسابه ويتعلم عربي ولا يحيب كتب ومترجم جيب صغير زي ما احنا بنعمل واحنا مسافرين مع العلم ان العكس تماماً عند الناس التانيه بالذات الفرننسيين يعتزوا جدا باللغه بتاعتهم والروس اكتر واكتر ولو وقعت مع واحد فيهم هتلاقيه مش ناوي يتنازل ويفهم او يتكلم حتى انجليزي هو لغته وخلاص .........الله اعلم هل ده فخر بي اللغه الأم بتاعت وطنه وثقافته ولا كسل مثلا يعرف لغات تانيه ؟ مش عارف الحقيقه بس الموضوع ده خلاني افكر كتير ليه اهل العربي بيستهينوا باللغه العربيه ؟ وليه الأسهل دلوقتي في التعامل بيننا احنا الشعوب العربيه اصلاً نتعامل باللغه اللي مش عربي وليكن انجليزي ؟ والمشكله ان ناس كتير اعرفها تتريق عليا لما اتكلم في الموضوع ده ويحسسوا الواحد انه جاي من ايام الكفار وقريش ايه المشكله لما الناس الكتير دي تقول مع السلامه بدل see you !! ولا يقولوا سبحان الله بدل Oh My God مش فاهم والله ليه بنعمل كده في نفسنا كنا من سنوات ومازلنا بنغني وبنقول يا اخواننا الهويه وهاتضيع ومش هيبقى لينا تاريخ اللي هو الوحيد اللي بقى حيلتنا هو كمان بيضيع اهو عشان حتى الناس اللي تقعد تقول صلاح الدين والعرب وامجاد يا عرب مش هيقولوا كده خلاص لئن مش هيبقى معروف مين صلاح الدين ده اساساً