القصه جميله والفكره دي تحفه يبقي اللقاء في مكان جديد وتحفه.....
عرض للطباعة
اهم حاجة الترمبة تكون بتنزل صوبيا :d
قفشتكم خيانه عايزين تاكلوا فطير وحمام وفراخ وجبنه قريش من غيرنا لأأأأأأأأ والف لاااااااااااااااااااااااا اا
انا ماليش دعوه انا عايز من دا
وحشتوني كلكم يا رجاله جداااااااااااااااااااااا وبجد عايزين نتقابل تاني انا عارف اني مقصر معاكم قوي بس والله كنت مشغول جدا اليومين اللي فاتوا بجد وحشني اوي
ولصاحب الموضوع دكتور ايهاب حضرتك لازم تكون مؤلف سينمائي بجد الموضوع تحفه فنيه بجد
بيشوي باشا توقيعك الجديد حكايه
أنا سايبكوا براحتكوا خالص
ومش عايز أنزل بالحلقة الجديدة عشان ماقطعش عليكم الجو الرومانسيكي ده
زرع وخضرة وفطير .. دا كفاية إن الزباين بتاعتي هتبقى محاوطاكم من كل ناحية
السلام عليكم
و الله الواحد بيستنى الحلقة تنزل كل يوم , جزاك الله خيرا
بس طالما انت شايف خيط رفيع فى الزجاج معتدقش انه هيروح لان دة تراب جوة الشرخ بس عموما جرب تانى عشان الحلقات تتطول و ربنا يكفيك و يكفينا شر الطريق
الحلقة الثالثة
موقعة الطرمبة
أعزائي السادة المشاهدين
نعتذر عن قطع هذا الجو المليء برائحة السمن البلدي
ونرجو تجهيز المناخير لاستقبال رائحة البنزين
فقد حان الآن موعد الحلقة الثالثة من مسلسل .. المؤامرة
نكمل معاكم مسلسل الحسد اللي حصل معايا في التيدا
وخصوصا بعد الفضيحة اللي عملتهالها عالمنتدي بتاعنا وعالفيس بوك والصور والسعر و ... الخ
ومش المقصود بكده إني أقول إن إخواني عالمنتدى هما اللي حسدوا العربية
لا والله .. بالعكس ربنا لوحده إللي يعلم مدي حبي ليكم
لكن بردو المنتدى كبير جدا .. وبيدخل عليه جميع فئات الشعب
اللي عينه واسعة واللي عينه ضيقة .. واللي عينه مدورة واللى عينه مؤورة
ومفيش جهاز كشف العين عشان يمر عليه كل واحد هيدخل عالمنتدى
لكن الأغلبية الحمد لله نحسبهم على خير ونحبهم في الله ونسأل الله أن يجمعنا بهم في الآخرة في الجنة
وفي الدنيا في أي أرض زراعية .. أو صحراوية حتى
الحلقة دي بقى أطول حلقة في المسلسل
ومع ذلك فهي هتبقى أقصر حلقة في المسلسل
وده ببساطة لأنها حلقة محروقة .. ومعظمكم اتفرج عليها قبل كده
فاكرين موقعة طرمبة البنزين الشهيرة اللي حصلت معايا في التوكيل
وده اللينك بتاعها عشان اللي ماتفرجوش عليها
ملحوظة : ممنوع المشاهدة في الحلقة دي بالذات لضعاف القلوب أو اللي عمرهم أقل من 18 سنة .. عشان بطل المسلسل –اللى هو انا طبعا- كنت زي الأسد وبهدلت الدنيا وافتريت وكان في أكشن ودم وقطع غيار بشرية بتطير في كل حته .. يااااه عليا .. لما باتنرفز ببقى مفتري قوي .. أعوذ بالله
http://www.nilemotors.net/Nile/228543-a.html
طبعا اللي حصل معايا في طرمبة البنزين ده كان موضوع غريب جدا
يعني إزاي باظت لوحدها فجأة كده
وازاي اتصلحت لوحدها فجأة بردو
بتهيألي الموضوع ده هيفضل سر .. أعجب من سر كورة البنج بونج
.
.
.
وبكل سلاسة هتنتهي الحلقة دي .. لأن عرق الغلاسة قرر إنه ماينقحش عليا تاني
وخصوصا بعد الحقنة اللى كلكعت في الحلقة اللي فاتت
أشوفكم على خير في الحلقة القادمة اللي هتكون بعنوان
الرفرف .. خلى القلب يرفرف
http://img191.imageshack.us/img191/9803/a998a4d.jpg
.