الموضوع: عند تغيير نوع المياه الخضراء ::::: ماذا نفعل ؟

المشاركة الأصلية كتبت بواسطة mesaharaty

دلوقتى أنا باحط مياه خضرا الجركن الكبير اللى بيقولوا عليه (السعودى) وطبعا مضروب كالمعتاد وأنا اشتريته لأنى كنت مضطر ساعتها لشرائه

دلوقتى بقى حابب أشترى نوع نضيف زى إيديا الأسبانى أو 50/50 stb الأمريكى اللى بيتباع فى بنزينة شل

هل أزود من المياه الجديدة على القديمة على طول ولا فيه مشكلة من إختلاط النوعين على بعض ؟

سؤال مهم جدا وأرجو المشاركة الله يكرمكم

بسم الله الرحمن الرحيم
سلام الله و رحماته على الأخ الفاضل
سأشرح لك بإيجاز شديد تجربتى الشخصيه
1 - إذا كنت تريد إضافه المياه الجديده على القديمه فلا ضرر قى ذلك إطلاقآ مادامت من نفس اللون بمعنى أنه لا يصح أن تضيف المياه الحمراء على الخضراء أو كما يسميها البعض الزرقاء
2 - إذا كنت تريد تبديل المياه بأى لون آخر فيجب تنفيذ الآتى:
1 - تفريغ كل أجزاء دائره التبريد من المياه أيآ كان لونها
2 - غسيل كل أجزاء دائره التبريد بمياه الحنفيه(يفضل غسيل قربه الردياتير بقليل جدآ من الصابون السائل مع التشطيف الجيد جدآ و المتكرر) وذلك لضمان خروج كافه الشوائب و بقايا المياه القديمه
3 - إعاده تقفيل دائره التبريد بإحكام شديد
4 - إضافه المياه الجديده(ذات اللون المختلف كما إتفقنا سابقآ) حتى تمام إمتلاء كل الأجزاء
5 - إخراج كل الهواء المحبوس داخل الدائره(عند إضافه المياه و دائره التبريد فارغه لابد وأن يختلط بعض الهواء بمياه التبريد)
6 - تستطيع أن تفعل ذلك بنفسك أو الميكانيكى
7 - يبقى سؤال وهو
ما هو الفرق بين المياه الخضراء و الحمراء؟
المياه الحمراء أنسب للردياتير الألومونيوم
المياه الخضراء أنسب للردياتير النحاسى
8 - السؤال الأخير وهو
ما هو الفرق بين الماركات المختلفه لمياه التبريد؟
أنا من تجربتى الشخصيه لا أرى أى فارق نهائى و لكننى أفضل المصدر المشهور لضمان عدم تخفيف العبوه بمياه الحنفيه(لتفادى الغش أثناء ملىء العبوه) مثل وطنيه أو موبيل أو ACdelco
يسرك الله لأرشد أمرك
و السلام عليكم و رحمه الله و بركاته

أسلام عليكم
تحيه لكل رواد الحوار الأفاضل
بالنسبه للأخ اللى بيحط الميه السعودى ديه مش عارف انا تجربتى معاها مش ظريفه خالص لأنى حتيطها مره في ريدياتير وبعد شويه الريدياتير بقى زى المصفه و لما رحت للى جايبه منه قاللى إن تركيزها عالى جدا والإحسن الواحد يجيب الميه الجركن بتاع موبيل
دلوقت في ناس بتقول ان الريدياتير الالومنيوم الإحسن له هى الميه الحمرا عشان مايتكلش( يتخرم يعنى بالميه الخضراء )؟؟ ده صح و لا غلط
في حاجه كمان من فضلكم انا جبت عربية قريب الحمد لله وفوجئت بإن الريدياتير من جوه احمر وكمان في ترسيبات حمرا على القربه وطبعا باينه اكثر لأنها بلاستك ابيض
مش عارف دى ميه حمرا و لا صدأ ؟؟ و لو صدأ هو في الومنيوم بيصدى
فيبقى جاى منين الصدأ ؟؟

وشكرا