خلاصة الكلام فى الاوبل...مساعده لوجه الله

**creative_art** · 06-07-2011 01:36 PM

المشاركة الأصلية كتبت بواسطة m_tech

الاسترا ياباشا مشاكل كتير و سعرها بينزل اوى و لو فيكترا بى تجيب من 2000 لحد 2003 و يا اما الكامة واحدة 1600(المصرى)او 2000 سى سى الايكوتيك الالمانى و دول قطع غيارهم متوفرة جدا و ميكانيكا و بودى ممتاز و بالنسبة للفيكترا اية دى دبابة و عربية ممتازة على فكرة جدا و ثابتة و تقيلبة جدا على الارض و قطع غيارها متوفرة و ارخص من البى و اقل تعقيد من البى بردو بس على فكرة اى اوبل لو مش واثق 200% بلاش منها ونصيحة خليك فى الفيكترا قطع غيار متوفرة و عربيات بتتحمل و مشاكلها قليلة لو صاحبها محترم

والله ياباشا انا من ساعة ماقريت ردك وانا حيرتى زادت..وهى دى المشكله لما يبقى قدامك كزا اختيار ونتا معاك الفلوس ومحتار تاخد انهى واحده فيهم..

بص انا ليه قولت الاسترا على اساس الناس كلها بتقولى الاسترا شبابى وجميله وانا مش محتاج عربيه عائليه وكمان كنت خايف من استهلاك الفيكترا 2000 سى سى

بالنسبه للفيكترا الايكوتيك وال2003 فا دى للأسف بره الرينج بتاعى تماما كل صحابها الى بشوفهم عالنت بيبقو طالبين فيها مبالغ غريبه 70 و 75 و اقل واحد فيهم تلاقيه طالب 67....العربيه تستاهل طبعا بس السوق ليه أصول برضه
لو حضرتك تعرف حد معاه ايكوتيك او موديل 2000 لغاية 2003 وعايز يبيعها فى حدود المعقول انا مستعد اشيلها منه :)

وبعدين انتا بتقولى شوف فيكترا 1600....انا مشفتش واحد جاب فيكترا 1600 غير واشتكى منها بسبب ان الكنترول يونيت لازق فى الموتور ومع السخونيه بيضرب وبالتالى مشاكل متعرفش تلمها

بالنسبه للفيكترا a فا دى من رابع المستحيلات انى اشتريها...مش عشان حاجه والله بس انا واخد عقده منها من زمان اوى..بتفكرنى بحد غالى اوى عليا اتوفى فيها فا ياريت نبعد عنها خالص... :)

وبجد والله الواحد مش عارف يعمل ايه قصاد مساعدتكو دى كلها انا لو إخواتى مكانوش عملو معايا كدا :)

**creative_art** · 06-07-2011 01:37 PM

على فكره ياباشا كل العربيات الى انتا قولتها دى جميله مفيش اى كلام عليها ولكن الى بيشترى عربيه بيبص لإحتياجاته الأول وعلى أساسها بيحدد هو هيشترى ايه

**sniperwolf** · 07-07-2011 04:33 AM

المشاركة الأصلية كتبت بواسطة kareemz

ايه ده انت جبتها امتى دى؟ أنا فاكر ان كان معاك حاجة تانية.

لا انا العربية دى ياباشا معايا بقالها كتير اربع سنين دلوقتى تقريبا معايا استرا وكنت جايب عليها كيا بيكانتو بس ربنا افتكرها بدرى .....

**sniperwolf** · 07-07-2011 04:35 AM

الاسترا بقا عربية حلوة جدااااا عن الفيكترا انا ركبت الفيكترا وسع و موتور بس معاجبتنيش الطابلوة ماعجبنيش كدة مش عارف مش بحب تبقا دائمة معايا لاكن ممكن اخدها من صاحبى اشد بيهابس لكن الاسترا معايا متبهدلة والصالون بتاعها طلع عينة بس ماسك نفسو اوى و العربية ماسكة نفسها اوى بس الحمدلله الكلام دة الاسترا الالمانى الى معايا علشان الى بيقولو الاسترا كلها مشاكل

**amirrk** · 07-07-2011 04:36 PM

انا معايا استرا 2003 1600 البرازيلي
العربيه دي بتجري جري جامد اوي و سحبها رهيب فوق ال 60
يعني لو عايز عربيه بتجري و تشد مع لي عربيه 1600 حتي لو جديده يبقي استرا
مزاياها كتييير اوي بالنسبه لي
يعني كل حاجه محتاجها في عربيه بلاقيها في الاسترا
و احالي حاجه الازاز تاتش :)
تكيف حلو
ممتعه جدا في سواقتها
شكلها حلو و تحس انها عربيه غاليه مش عربيه عاديه
بتستحمل اوييييييييييييي
يعني مطبات و بهدله و قرص علي الموتور و مفيش صيانه بانتظام و برده ماشيه
اسعار قطع الغيار عاديه مش غاليه اوي ززي الناس ما بتقول
عيبوها
بعض قطع الغيار مش متوفره ( مش متوفره دي معناها مش موجوده بره التوكيل لكن طبعا كله موجود في التوكيل)

العربيه واسعه و شنتطها كبيره و سحب بنزين معقول غير الاوبشنز الكتيير اوي مقارنه باي عربيه في سعرها
لو حتشتري اوبل استرا حاول تجيب موديل 2005 و حاول تتاكد ان مش متهانه من جوه يعني الكنترول اهم حاجه يكون سليم عشان ده بتمن العربيه
تاني حاجه اكشف و شوف لو فيها اي اكواد اعطال
خلي بالك ممكن صاحب العربيه يقولك ده حاجه بسيطه و بتاع و يطلع حاجه كبيره و مكلفه

**tananybasha** · 07-07-2011 05:21 PM

الأسترا شبابية
الفيكترا عائلية

**amirrk** · 07-07-2011 11:56 PM

المشاركة الأصلية كتبت بواسطة heshamxp

هو مش بتمن العربية يعنى هو ب 3 او 4 الاف جنية ومش متوفر فى مصر كنير و بيتصلح على فكرة ....بس عاما خلى بالك من حرارة العربية دايما خليك مهتم بدورة المية لو فيها حاجة بسيطة اعملها على طول علشان كثر الحرارة الزائدة الى بتخلية يضرب دة السبب الوحيد غير كدة لا معتقدش.... قطع الغيار كلها موجودة بس تلاقى حضرتك مش بتدور بزمة اوى

انا كنت اقصد التوكيل
في التوكيل بحوالي 13000 جنيه
فلو حصل فيه حاجه انسي معرفش بره ايه نظامه بس اسمع انه بيتصلح
بالنسبه لقطع الغيار انا بقول كده عشان انا في حاجه لفيت مصر كلها عليها و ملقتهاش
الكوع الي طالع من فلتر الهواء داخل الموتور (المانيفولد) الخرطوم او الكوع ده لفيت مصر كلها عليه و رحت لكل بتوع قطع الغيار الاوبل و حتي التوكيلات و ملقيتوش في الاخر غير في التوكيل بتاع ابو رواش بسسسسس و بكام بقي
ب400 جنيه

**tananybasha** · 08-07-2011 12:01 AM

الأسعار دى بجد
دى انتحار

-

الموضوع: خلاصة الكلام فى الاوبل...مساعده لوجه الله

LinkBack

أدوات الموضوع

عرض

-

-

-

-

المواضيع المتشابهه

عضو جديد وعايز مساعده لوجه الله

مساعده لوجه الله فى فتيس 516

مساعده لوجه الله

مساعده لوجه الله

مساعده لوجه الله ايهم افضل

الكلمات الدلالية لهذا الموضوع

المفضلات

المفضلات

ضوابط المشاركة