الموضوع: انقذونى من عربيتى خدوها وادونى توك توك

السلام عليكم

بجد يا جماعه انا خلاص هولع فى الناس او فى نفسى من الغيظ

دى بالظبط رابع مره يخبطوا عربيتى فى اول شهر ليها معايا

وكله بسبب غباوه السواقه فى الشارع اخر خبطه واحده راكبه ميتسوبيشى 2008 لسا بالزق بتاعها واقفين فى تقاطع وقدامى وعلى يمينى عربيات مستنين الشارع يمشى راحت طالعه واحده مش عارفه ازاى بضهرها قال يعنى هترجع مرشدير عشان الشارع ده زحمه شويه انا شايفها بترجع بغباوه مفيش قدامى غير حلين اما انى ا دخل يمين البس فى العربيه اللى يمينى وبرضوه كانت هتخبطنى
او انى افتح الباب واطلع اجرى قبل ما تخبط وبرضوه كانت هتخبط العربيه

ضربت لها مليون كلاكس وكل العربيات بتضرب لها كلاكس ولا هى هنا قافله القزاز وشكلها معليه الكاسيت ولا حاسه

فى ااقل من ثوانى كانت حققت الهدف ورجعت بظهرها لبست فى الرفرف الشمال فى عربيتى ولا عزااااااااااااااااااااااا اااااااء طبعا للاخلاق

نزلت تزعق ومش عاجبها انها خبطت عربيتى ودمرت الرفرف

الناس تزعق لها وتقول لها انها غلطانه برضوه بتزعق كنت ثوانى وهنزل احطه قدام العربيه وادوس بنزين على الاخر بلاش ارف بجد

عاوزه ابيع عربيتى بعد شهر واحد زهقت من الاهمال اللى فى الناس بالشارع

128 احسن حاجة لشوارعنا العظيمة ههههه عشان اللى بيخبطها هو اللى بيزعل مش ال128
و ده سبب من اسباب علاقة الحب بينها وبيت المصريين



1111 222 888 forever

lol

قدر الله وماشاء فعل الواحد بيحاول يعمل اللي عليه ويتجنب اخطاء الغير واللي ربنا كاتبه هيحصل

بس بيني وبينك اللي يزعل ان ماحدش بيعترف بغلطه ويعتذر يقوم يهون عليك الخبطة وتقول معلش ولكن السياسه المتبعه هي البجاحه وخدوهم بالصوت قبل مايغلبوكو

المشاركة الأصلية كتبت بواسطة Dr_Smart

قدر الله وماشاء فعل الواحد بيحاول يعمل اللي عليه ويتجنب اخطاء الغير واللي ربنا كاتبه هيحصل

بس بيني وبينك اللي يزعل ان ماحدش بيعترف بغلطه ويعتذر يقوم يهون عليك الخبطة وتقول معلش ولكن السياسه المتبعه هي البجاحه وخدوهم بالصوت قبل مايغلبوكو

الحمد لله يا دكتور سمارت انها جات فى الحديد ومحدش من الناس اصابه مكروه

اللى قاهرنى اكثر من الخبطه ان البنت وصحبتها شكلهم هاى كلاس تخاف تشخط فيهم لاحسن تجيلهم ساكته قلبيه يموتوا من كثره الرقه ده شكلا
مضموننا بئه ملهوش علاقه بالوصف ده خالص دول ردحوا ردح ولا اجدع معلمه فى مدبح انا اتخضيت من صراخهم بصوت عالى وهما الغلطانين

:o:o:o:o الشعب كله بيطبق حكمه خدوهم بالصوت

المشاركة الأصلية كتبت بواسطة limo

حمد لله على سلامتك -قضاء اخف من قضاء
ومعلش فى بعض الستات ملهومش دعوه بالدنيا خالص
انا مره كنت راكن فى حته ضيقه جدا وجنبى مكان ضيق لو تكتوك مش هيكفيها
لقيت واحده راكبه عربيه شاهين انا يامها كان معايا الانوس ومصصمه انها تركب فى الحته ده
المهم عملت محاولات كتيره جدا لدرجه انها وقفت الشارع تقريبا ربع ساعه
المهم جت تخش بوش العربيه مش داخله راحت طالعه (انا قولت الحمد لله الست مشيت والعربيه ملهاش نصيب تخبط )لســـــه مكمـلتش الكمه لقتها جايه بظهر العربيه راجعه بسرعه جامده (قال يعنى المكان مخداش بوشها هيخدها بظهرها )وهيييييييييييييييييييييي� �ه لبست فى الرفرف
بس الصراحه الست لما خبطتنى كانت متوتره جدا فانا صعب عليها انى اتكلم معاها باسلوب عنيف واخذت الموضوع عادى وكبرت دماغى .

الحمد لله انها جت على اد كده ربنا بيشيل عنا اقدار بشعه زى انهارضه لسه كنت طالع كوبرى اكتوبر الاقى عربيه محروقه فوق الكوبرى وعربيات المطافى مغرقه الكوبرى
فالحمد لله على كل حال

الحمد لله يا ليمو وقدر الله وما شاء فعل حمد لله على سلامتك من تحت ايد عربيه الست صاحبه الشاهين

وربنا يكفينا شر الحوادث و الله ولا مليون عربيه تساوى دخول حد مستشفى يوم متصاب

المشاركة الأصلية كتبت بواسطة hazem_khidr

لا حول و لا قوه الا بالله
ايه اللي بيحصلك دا
فانوس و رفرف.
لا بجد انتي وخده عين جامده :o.
ربنا يصبرك بس ما تكرهيش العربيه و عليكي بالصدقه

وحياتك انا لسا مغيره الفانوس

هروح بعد اسبوع اقولهم غيروا لى رفرف تخيل بئه القهر

تخدش العربيه يا حازم وتدينى عجله يمكن اخلص من قصه العين دى