الموضوع: انقذونى من عربيتى خدوها وادونى توك توك

المشاركة الأصلية كتبت بواسطة karim_monir

لا حول ولا قوة الا بالله
يا دموع كفاية دموع :)
معلش بقي انتى نزلتي المفرمة برجليكي ولا حد زقك وانتي مش واخدة باللك;)
دي بلدنا الرائعة:(
المهم هاقوللك زي ما قولت لاحمد جود ويف قبل كدة
انزلي عند الجزار الكويس مش تاخدي اي جثة من المشرحة:p
ونقي كام كيلو لحمة حلوين من حتت انتي بتحبي تاكلي منها شخصيا;)
وروحي البيت اسلقيهم وشوية رز حلوين وشوية عيش (وبلاش ابو شلن اللي محدش بيلاقية والناس تدعي عليك بدل ما يدعولك:p)
وتحطي قطعتنين لحمة مع شوية رز في الرغيف
شوفي انتي ساكنة فين واقرب منطقة فقيرة ليكي وانزلي وزعي بنفسك
بس اعملي احتياطاتك احسن تتاكلي انتي كما ومش بهرج يعني تفتحي الازاز ربع فتحة ورجلك ما تتشالش من على البنزين واقفلي المسوجر وكدة
وابداي بالسايس والبواب وعامل النضافة وماتخليش الشيطان يقعد يقولك ده ماشاليش الشنطة الاسبوع اللي فات وانا جاية
وده انا ناديت علية وماسمعنيش
كلللللللللله لله مش للبني ادام
وربنا يصلحلك حالك
-----------
محدش عنده تقفيصة حديد نص عمر احوط بيها العربية اصلها اتحكت للمرة ال 43 النهاردة

الحمد لله يا كريم انا عملت كده من اول اسبوع بس وزعت لحمه نيه كل واحد حر بئه يعملو عليها محشى ولا ملوخيه براحتهم

بالنسبه لموضوع الصدقه الحمد لله مش بتصددق عشان العربيه لا عشان الصدق تطفى غضب الرب وعشان الرسول صلى الله عليه وسلم قال ما نقص مال من صدقه

بالنسبه لموضوع الجزار هقولك حاجه بجد والله بس محدش يضحك عليا

فكرت اشترى سيف من بتاع الكفار بتوع زمان واخبيه تحت الكرسى واى ميكروباص ولا نقل يحاول يغتت بئه هركن واهبده على قمه راسه بسيف الكفار احسن ما اتنرفز طول الوقت ويجيلى ضغط وسكر ادخل السجن اسهل والله بتكلم حد خلاص هتجنن من الغباوه فى الشارع المصرى
بس لحد االان معرفش السيوف بتتباع فين:(:(:(

المشاركة الأصلية كتبت بواسطة karim_monir

عندي شومة محترمة شايلها في شنطة العربية
وفي الباب حاطط الصاعق
وفي المخدع حاطط السبراي سيلف دفنس
اعتقد بقي السيف مالوش لازمة


على فكرة واحد صاحبي كان جايب شوية اسبراي وكان بيبعهوم في المنتدي وكان ب 200 وفاضل معاه 3 تقريبا لو عايزة واحد بيبيعوة ب 100 بس لفترة محدودة

كريم انا عاوزه المجموعه دى كامله ولو معاهم كلاشنكوف يبقى اجمل والله

انا عاوزه السيلف دفينس برضوه بس سؤال لو استخدمته ضدد اى حد مش يبقى حرام برضوه
انا مستحرمه انى اذى حد بالاسبرى ده بس عاوزه بجد واحتمال اشترى كرتونه

كل ما ميكروباص يخنقنى هنزل ادي للسواقه بخه وارجع امشى براحتى