مشكله فى حراره العربيه

**wghazi** · 05-07-2011 04:37 PM

السلام عليكم ورحمه الله وبركاته

عندى مشكله ومحتاج مساعده فى حلها

انا عربيتى شاريد 90 اوتوماتك من فتره لاحظت ان العربيه بتسخن جدا والميه بتخلص من الرياتير بشكل غير طبيعى لدرجه انى كنت بزود الرياتير تقريبا كل 15 او 20 كم وكان كنت فاكر ان المشكله فى الرياتير لانه كان بايظ المهم غيرته بردياتر نحاس 3 ماسوره وراجعت على ترموستات المروحه وكله تمام المهم برضه النهارده روحت مشوار من اول شارع الهرم لاخره ورجعت تانى وقبل ما اوصل لاحظت ان الحراره ابتدت تعلى تانى بس مش زى الاول ولما بصيت على الميه لقيتها ناقصه فزودتها تقريبا زجاجه 1.5 لتر مع العلم ان الميه كانت مظبوطه قبل ما اتحرك

كمان مافيش ميه بتنقط من الردياتير او من اى حته

حد عنده حل للمشكله دى عشان بجد تعبت منها

**buffon851** · 05-07-2011 05:48 PM

اتاكد ان المروحه بتشتغل او لا لان لو مبتشتغلش المياه هتتبخر وممكن برضو تشوف طرمبة المياهبتقلب كويس ولا لا ولو العربية فيها جوان المياه برضو ممكن تنقص

**wghazi** · 05-07-2011 06:30 PM

المشاركة الأصلية كتبت بواسطة buffon851

اتاكد ان المروحه بتشتغل او لا لان لو مبتشتغلش المياه هتتبخر وممكن برضو تشوف طرمبة المياهبتقلب كويس ولا لا ولو العربية فيها جوان المياه برضو ممكن تنقص

المروحه شغاله تمام وطرمبه الميه بتقلب الميه كويس وده باين من الردياتير الميه بتتقلب كويس كمان الزيت لونه عادى يعنى معلهوش ميه انا برضه قلت جوان بس لون الزيت بيقول غير كده

**HotRide** · 05-07-2011 07:03 PM

مش شرط جوان يجيب ميه علي زيت او زيت علي ميه....الجوان التالف بيخلي الميه بتخرج من بوابه الشكمان وكان عندي كده في الهوندا في المكنه القديمه كان فيها نفس العيب

**wghazi** · 05-07-2011 07:10 PM

المشاركة الأصلية كتبت بواسطة hotride

مش شرط جوان يجيب ميه علي زيت او زيت علي ميه....الجوان التالف بيخلي الميه بتخرج من بوابه الشكمان وكان عندي كده في الهوندا في المكنه القديمه كان فيها نفس العيب

طيب ايه ممكن يكون السبب غير الجوان عشان اصل مش عايز اعمل حدوته الجوان دى وبعدها تكون المشكله لسه ما اتحلتش خصوصا انى لسه عامل موضوع الجوان ده من حوالى شهرين

**HotRide** · 05-07-2011 07:26 PM

المشاركة الأصلية كتبت بواسطة wghazi

طيب ايه ممكن يكون السبب غير الجوان عشان اصل مش عايز اعمل حدوته الجوان دى وبعدها تكون المشكله لسه ما اتحلتش خصوصا انى لسه عامل موضوع الجوان ده من حوالى شهرين

بص في تسريب ميه ؟
فيه ميه من طرمبه؟؟
التيرمستات شغاله تمام ؟؟

غطا الردياتر تالف ولا سليم ؟
في تسريب من عند كوعه ؟

لو كلام ده كله تمام يبقي للاسف جوان وش سيلندر و هتلاقي ميه نزله من شكمان
ولو غيرت جوان وقرط عليه يبقي وش نفسه عايز يتقشط و لو قشتطه يبقي للاسف شديد تالف و محتاج وش

**wghazi** · 05-07-2011 07:47 PM

المشاركة الأصلية كتبت بواسطة HotRide

بص في تسريب ميه ؟
بصيت فى كل مكان بعد تغيير الردياتير ومافيش اى تسريب للميه من اى مكان

فيه ميه من طرمبه؟؟
مش فاهم تقص ايه بميه من الطرمبه بس لو تقص ان طرمبه الميه شغاله ولا لا يبقى انا شايف ان الطرمبه شغاله تمام وكمان بتاع الرياتير قالى انها مفيهاش مشاكل وهو بيراجه على شغله بعد ما ركب الردياتير

التيرمستات شغاله تمام ؟؟
انا عند ترموستات للمروحه بس والمروحه بتبدى تشتغل وبتفصل فى ميعادها

غطا الردياتر تالف ولا سليم ؟
الغطاء سليم بس مفيش غطاء لقربه الميه

في تسريب من عند كوعه ؟
اى كوعه؟ اللى فى الرياتير؟ لو ده اللى تقصده يبقى لا مفيش الردياتير لسه جديد مابقالوش 3 ايام ومفيش تسريب منه

لو كلام ده كله تمام يبقي للاسف جوان وش سيلندر و هتلاقي ميه نزله من شكمان
ولو غيرت جوان وقرط عليه يبقي وش نفسه عايز يتقشط و لو قشتطه يبقي للاسف شديد تالف و محتاج وش
بالنسبه للنقطه دى ياريت تشرحلى شويه تقصد ايه ؟ ولو محتاج وش ده اجيبه منين وتقريبا بكام؟
ولو عندك ميكانيكى كويس وتثق فيه ياريت تقولى فين ويارب يكون قريب شويه من الهرم

معلش اسف لو اسالتى كتير

**HotRide** · 05-07-2011 08:12 PM

باشا انا من الهرم :)

بس فهمني غطا ايه الي مش موجود ده عشان يمكن الميه بتتبخر منه

ولو عايز ميكانكيه كويسين في الهرم اوصفلك يا باشا

**wghazi** · 05-07-2011 08:18 PM

المشاركة الأصلية كتبت بواسطة hotride

باشا انا من الهرم :)

بس فهمني غطا ايه الي مش موجود ده عشان يمكن الميه بتتبخر منه

ولو عايز ميكانكيه كويسين في الهرم اوصفلك يا باشا

تسلم ياباشا طلعنا جيران يعنى:)

الغطا ده غطا قربه الميه بس ما اعتقدش ان المشكله منه عشان هو من زمان وهو مش موجود وماكنش فى مشكله

بس برضه ياريت تشرحلى اخر نقطه فى ردك اللى قبل كده اللى بخصوص وش السلندر

**HotRide** · 06-07-2011 04:08 AM

بص يا سيدي
الوش ده ايه ؟؟ فيه صبابات و مجاري الميه و الزيت و الجوان ده بين البلوك و الوش
فعند تلف الوش في 3 احتملات
1- ميه علي زيت
2- زيت علي ميه
3- ميه من شكمان

انت عندك الحاله 3

وتلف الجوان من سخونيه طبعا....بس ممكن يكون سخونيه اثرت علي الوش لأنو المونيوم و مع سخونه الزياده ممكن السطح بتاعو يعوج....المكانيكي الي بيفهم و مش بيفتي لا يمكن ابدا يحدد العوجه من عينه ولا لمست ايدو الخارقه...يوديه عند خراط مواتير لو قال تمام خلاص بينضفه و خلاص لكن لو فيه عوجه بيعمل حاجه اسمها اشط بيسوي سطح بتاعو و بكده لما بتجيب جوان وش سيلندر بجيب دوبل يعني سمكه ضعف عشان يعوض المساحه الي راحت عند القشط

وعلي حد علمي ان الوش يتقشط مرتين فقط و بعده يصبح تالف و للاسف هتشتري وش جديد و لما تجيبوا لازم يروح للخراط يبص عليه

وده انزل الوكاله او عزبه شلبي ان شاء الله هتلاقيه...و لو ملقتش انزل الحرفين بس خلي الحرفين اخر مشوار عشان هما اغلي ناس

الموضوع: مشكله فى حراره العربيه

LinkBack

أدوات الموضوع

عرض

مشكله فى حراره العربيه - انشر الموضوع فى :

-

-

-

-

-

-

-

-

المواضيع المتشابهه

عندى حراره العربيه تحت الربع و لما اقرص او اكون ناشى فى الزحمه تيجى على الربع و المرو

مشكله غريبه بخصوص درجه حراره السياره

مشكله فى حراره العربيه

مشكله في العربيه في الدواره و صوت العربيه عالي !!!!!!

استفسار عن حراره العربيه

الكلمات الدلالية لهذا الموضوع

المفضلات

المفضلات

ضوابط المشاركة