عيب فنى قاتل فى السيارة نيو اكسنت

**kimo-nubira** · 07-05-2008 04:24 PM

المشاركة الأصلية كتبت بواسطة Kisho

الخبر صحيح لكن تفاصيله غير صحيحه

الحكايه ان الباور بعد سرعه معينه بيقفل (يتلغى) و ده علشان السلامه
و لما السرعه تقل يرجع يشتغل تانى
كل الى حصل ان الباور كان بيفصل و بعدين مايرضاش يشتغل تانى لما السرعه تقل يعنى العربيه
بتبقى كأن مافيهاش باور خالص
و ده عموما شىء مش خطير
و اللينك بتاع الموضوع اهه

http://fannat.com/Magazine.aspx?NewsID=265

صحيح ازاي مش عيب خطــــير لما تكون واخد علي ان الدركسيون فيه باور وممكن فجاه يفصل هل تحكمك في الطاره هاتبقي نفس التحكم لما يكون الباور موجود ؟؟؟

**أبومعاذ** · 07-05-2008 04:43 PM

هو على حسب كلام كهربائي اعرفه ان دا عيب من عيوب الباورستيرنج الكهربا كله لانه بيفصل على السرعة العالية و بيشتغل على السرعة القليلة و بيعتمد على فيوز في الفصل و التشغيل و الفيوز ده ممكن يضرب و بالتالي الباور يفصل و ميشتغلش تاني و لا قدر الله لو حصل كدا و جيت تحرك الدريكسيون عشان تتفادى حادثة مش هتعرف عشان هتلاقي الدركسيون كانه قافش و بيتحرك بالعافية

**lanos2** · 07-05-2008 08:56 PM

المشاركة الأصلية كتبت بواسطة Nile_Storm

يا شباب انتو بتتكلموا في احداث تاريخيه
الموضوع ده قديم و تم اصلاحه و خلصت المسأله حتي مصدر الخبر - راجع الرابط - يقول ان شركات كبري تعرضت للموقف ده برضه و تم سحب العربيات و اصلاحها

يا اخى لا داعى لهذا الكلام المرسل انها ارواح ناس و لابد ان يتنبهوا جيدا لهذا العيب و يكشفوا على سيارتهم فورا و يتأكدوا انها ليست من ضمن هذه الشحنة الفاسدة .
فهل لديك دليل واضح على ان السيارات النيو اكسنت اللى موجودة فى مصر كلها فلتت من هذه المشكلة و ليس بها هذا العيب مع العلم ان هذا الموديل نزل مصر ايضا فى نفس التوقيت اللى نزل فى سوريا و هم اكتشفوا المشكلة سريعا و فضحوها بسبب تكرارها و لكن هنا طبعا محدش دريان و فى تعتيم على بلاوى كتير و ربنا يستر على كل اصحاب هذا الموديل و مايكونوش من ضمن اللى الباور بتاعهم بيقفش .

**Nader** · 07-05-2008 09:14 PM

المشاركة الأصلية كتبت بواسطة lanos2

يا اخى لا داعى لهذا الكلام المرسل انها ارواح ناس و لابد ان يتنبهوا جيدا لهذا العيب و يكشفوا على سيارتهم فورا و يتأكدوا انها ليست من ضمن هذه الشحنة الفاسدة .
فهل لديك دليل واضح على ان السيارات النيو اكسنت اللى موجودة فى مصر كلها فلتت من هذه المشكلة و ليس بها هذا العيب مع العلم ان هذا الموديل نزل مصر ايضا فى نفس التوقيت اللى نزل فى سوريا و هم اكتشفوا المشكلة سريعا و فضحوها بسبب تكرارها و لكن هنا طبعا محدش دريان و فى تعتيم على بلاوى كتير و ربنا يستر على كل اصحاب هذا الموديل و مايكونوش من ضمن اللى الباور بتاعهم بيقفش .

هل حضرتك تعرف حد في مصر عمل حادث بسبب هذه المشكلة؟؟

او هل حضرتك تعرف حد واجة المشكلة حتى بدون حادث؟؟!

هل لديك دليل واضح على ذلك؟؟!

ام هو كلام مرسل؟!!

**lanos2** · 07-05-2008 09:17 PM

المشاركة الأصلية كتبت بواسطة محمدعيسى

هو على حسب كلام كهربائي اعرفه ان دا عيب من عيوب الباورستيرنج الكهربا كله لانه بيفصل على السرعة العالية و بيشتغل على السرعة القليلة و بيعتمد على فيوز في الفصل و التشغيل و الفيوز ده ممكن يضرب و بالتالي الباور يفصل و ميشتغلش تاني و لا قدر الله لو حصل كدا و جيت تحرك الدريكسيون عشان تتفادى حادثة مش هتعرف عشان هتلاقي الدركسيون كانه قافش و بيتحرك بالعافية

يا نهار ازرق دى كارثة
اعتقد انه فى منتهى الخطورة ان الواحد يبقى ماشى تحت رحمة فيوز ممكن يضرب فى اى لحظة
الحمد لله ان الباور عندى هيدوروليك و ليس بالكهرباء

**lanos2** · 07-05-2008 09:25 PM

المشاركة الأصلية كتبت بواسطة Nader

هل حضرتك تعرف حد في مصر عمل حادث بسبب هذه المشكلة؟؟

او هل حضرتك تعرف حد واجة المشكلة حتى بدون حادث؟؟!

هل لديك دليل واضح على ذلك؟؟!

ام هو كلام مرسل؟!!

من عدة ايام قليلة شوفت بعينى نيو اكسنت مقلوبة على الدائرى قبل نزلة كرداسة و بدون وجود اى سيارة اخرى حولها مصابة و افتكرت ساعتها ما قرأته على النت من توقف الباور المفاجىء لها مما دفعنى لعرض هذا الموضوع هنا لعله يكون سببا فى انقاذ ارواح بريئة لا تعلم عنه شىء و الله وحده اعلم اذا كانت هذه الشحنة موجود منها فى مصر ام لا و الاحتمال الكبير انه موجود منها لانه معروف عنا فى مصر اننا بنستورد كل ما هو مضروب و قليل الثمن و ما هو غير ما يصدر لدول العالم الاول .
و نحتاج الى تأكيد من مالكى هذه السيارات و من جهات مسؤولة و حيادية و ليس لها مصلحة .

**Nader** · 07-05-2008 09:32 PM

هو دة مش دليل ان الباور كان هو السبب يعني احتمال

يحتمل الصواب والخطأ،، يعني اجتهاد في التفسير.

بس عموماُ تشكر انك بتلفت نظر الناس للعيب دة، بس

اعتقد ان لو موجود في مصر كنا عرفنا من بدري زي

مثلاً بعض مواتير الفرنا اللي كان فيها عيوب وبعض

السيارات اللي طنابيرها بتسخن.

بنستورد كل ما هو مضروب و قليل الثمن و ما هو غير ما يصدر لدول العالم الاول .

انا معاك في النقطة دي،، بس الشركات العالمية هي اللي بتخاف على

اسمها لان سمعتها بالنسبة لاعطال زي دي هتأثر عليهم جامد في التسويق

في دول العالف المتقدم مثل الاتحاد الاوربي وامريكا.

**lanos2** · 07-05-2008 11:47 PM

المشاركة الأصلية كتبت بواسطة S H @ F T

الكلام مضبوط وأنا شخصيا واجهت المشكلة دي في كذا عربية وببعتها التوكيل تتعمل في الضمان .
لكن المشكلة مش موضوع فصل أو فيوز
الموضوع تهييس في الكنترول بيخلي الدركسيون تقيل في جنب والجنب التاني خفيف
وللأسف الكنترول مش موجود غير في التوكيل وبيعمل 5800 جنيه
يعني لو عربية مش ضمان يبقى حظ صاحبها وحش جدااا

اشكرك على هذا التوضيح الدقيق و الحمد لله انى عرفت حقيقة هذا الموضوع فى الوقت المناسب لان اخى كان ينوى شراء سيارة جديدة بباور كهربائى و لكن انا شايف انه مكلف جدا و غير أمن و خلينا فى الباور اللى نعرفه احسن علشان العمر مش بعزأة