مـثـل مـن امـثـلـة كـتـيـر فـي الـشـرطـة !!!!!

**Amr Axel** · 09-07-2011 02:22 PM

مثل لامثال كتيير في الشرطة
اللي بيضحوا بحياتهم و غيرهم قاعد في البيت ع التكييف ورا شاشة الكومبيوتر و نازل هرتلة و خلاص

دفع ضابط شرطة برتبة نقيب حياته، على يد لص سيارات، سدد له عيارا ناريا أصابه فى البطن، وتوفى متأثرا بإصابته بالمستشفى، تاركا خلفه طفله الرضيع الذى لم يبلغ من العمر 7 أشهر، وجار ملاحقة المتهم الهارب لإحالته للنيابة.
تفاصيل تلك الواقعة بدأت فور تلقى ضباط مباحث سرقة السيارات بالقاهرة بلاغاً من "عاطف. ح. ل" (54 سنة) موظف بشركة ليموزين الذى أفاد بأنه اكتشف سرقة سيارته الخاصة، وأوضح أنه تلقى اتصالا هاتفيا من أحد الأشخاص يدعى "حسن" طلب منه مبلغ مالى مقابل إعادة السيارة له، فتم الاتفاق معه على أن يتفق مع المتهم حتى يتمكن من استدراجه وضبطه.

ومن خلال الخطة التى تم وضعها للقبض على المتهم، وذلك بعد أن اتفق المبلغ مع المتهم على أن يتقابلا أمام مركز شباب الجزيرة، فقد أسرع النقيب محمد على عبد العزيز زين، لإعداد الكمين اللازم لضبط المتهم فور وصوله، وأثناء تواجده شاهد السيارة تمر بالمنطقة وشك المتهم فى أمر الكمين فأسرع للهرب بالسيارة الخاصة بالمبلغ.
وعلى الفور أسرع ضابط الشرطة فى مطاردته، حيث سلك المتهم تجاه الجيزة، وظل الضابط يطارده حتى وصلا إلى منطقة الكيت كات فى إمبابة وتمكن من إيقاف سيارة المتهم، وفور خروج الضابط من سيارته لضبط المتهم، فوجئ به يسدد اتجاه عيار نارى أصابه فى الجانب الأيسر من البطن، فتم نقله إلى مستشفى الشرطة لإسعافه، إلا أنه قد لفظ أنفاسه الأخيرة، وتوفى متأثرا بإصابته فجر اليوم السبت، وتحرر عن تلك الواقعة المحضر اللازم، وجار ملاحقة المتهم الهارب.

ظابط لسه متجوز و مخلف و طفله بقي يتيم و هو لسه مولود
و مش ده بس كل يوم وفاة او اصابة لشرطيين بيؤدوا واجبهم

حطوا نفسكم مكان الناس ديه و بعدين ابقوا اتكلموا
اهو شهيد لكن من الشرطة شهيد من شهداء كتيير واجهوا مجرمين و ارهابيين و استشهدوا عشان بيؤدوا واجبهم
و لا هو الشهيد مش بيكون غير من المدنيين بس

مش معني ان فيه البعض سئ يبقي كله سئ
لازم نحس شوية و نفكر بعقلنا بقي

**تامر.محمد** · 09-07-2011 02:29 PM

امثلة محترمة و موجودة و الواحد شافها بعينه كذا مرة
لكنها للأسف مش الاغلبية
و كمان للأسف مش هما اللي بيحطوا سياسات الداخلية لأن القادة كلهم لا علاقة لهم بالمثال ده, و اللي له علاقة بيه قتلوه

بالمناسبة الجملة دي

اللي بيضحوا بحياتهم و غيرهم قاعد في البيت ع التكييف ورا شاشة الكومبيوتر و نازل هرتلة و خلاص

لا تنطبق على الثوار , اللي بيتلوحوا في الشمس و بيتلفحوا في البرد و بيباتوا في الشارع, ده في احسن الاحوال , و بيتضربوا بالغاز و الحجارة و الهراوات و الخرطوش و بيتقتلوا و بيتحبسوا و بيتعذبوا في احوال اخرى, هي تنطبق على فئة اخرى لا داعي لذكرها تجنبا للمشاكل

**FunnyMickey** · 09-07-2011 02:50 PM

عمر الناس ما شتمت في ظابط بيؤدي واجبه
بس مستحيل حضرتك تلاقي ظابط مرتشي ولا مغرور ولا تنك ولا يتنطط علي خلق الله
ويروح يضحي بنفسه عشان خاطر عربيه اتسرقت
في الغالب بينفض
الاخلاق لا تتجزأ
مش ممكن حيفتري في القسم ويطلع يستشهد بره يعني

**Amr Axel** · 09-07-2011 02:51 PM

المشاركة الأصلية كتبت بواسطة تامر.محمد

امثلة محترمة و موجودة و الواحد شافها بعينه كذا مرة
لكنها للأسف مش الاغلبية
و كمان للأسف مش هما اللي بيحطوا سياسات الداخلية لأن القادة كلهم لا علاقة لهم بالمثال ده, و اللي له علاقة بيه قتلوه

بالمناسبة الجملة دي

لا تنطبق على الثوار , اللي بيتلوحوا في الشمس و بيتلفحوا في البرد و بيباتوا في الشارع, ده في احسن الاحوال , و بيتضربوا بالغاز و الحجارة و الهراوات و الخرطوش و بيتقتلوا و بيتحبسوا و بيتعذبوا في احوال اخرى, هي تنطبق على فئة اخرى لا داعي لذكرها تجنبا للمشاكل

فعلا امثلة كتيير و الحقيقة انا عرفت مش برة بس بل في الجامعة عندي ظباط في منتهي الاحترام و التفاني
و لو فرد او امين اخطأ هناك بيبقي ليلته مش معدية و الكلام ده حصل قدامي
بس للاسف مشيوا

و بالنسبة للجملة طبعا المعني مقصود هم مين اللي بيعلموا كده
بالاضافة مش كل الثوار لكن فيه بعضهم كده من الناس اللي بيقوموا الدنيا ع الشرطة كلها او شايفين ان الشرطة كلها واحد و مفيش حد فيهم كويس

**Amr Axel** · 09-07-2011 02:54 PM

المشاركة الأصلية كتبت بواسطة amado ibrahim

كلام حضرتك اكبر دليل ان الداخلية محتاجة تطهير فورى

عشان القلة الكويسة اللى زى الظابط ده متتظلمش و تتاخد فى الرجلين

الحال عامل زى اللى فى رجله غرغرينا

لو مقطعش رجله

كل جسمه هايتسمم ويموت

تقبل تحياتى

اننا نطلب ان المخطئ يعاقب لكن بالعقل
لكن منروحش نضرب او نعمم ان كلهم سيئيين صح و لا ايه ؟؟