إن شاء الله مسافر مطروح ومحتاج نصايحكوا........

**tekoooooo** · 09-07-2011 03:47 PM

:b4_033:اولا السلام عليكم ورحمة الله وبركاته
ان شاء الله تعالى مسافر مرسى مطروح اخر الاسبوع بعربيتى اللوجان عامله 250 كيلو حتى الان يعنى على السفر هتكون عامله حوالى 500 ك بأذن الله
كنت محتاج نصائح اهل الخبره فى اللوجان عن طريقة السفر الجيده وهل اجرى بالعربية وافتح ولا اخلينى حريص وأمشى بالراحة
واشغل التكييف ولا ايه عشان هتبقى معايا بنتى ووالدى والجو ممكن يكون حر عليهم

وشكرا مسبقا لكل من سيهتم ويفيدنى بخبرته

**ZALABANY** · 09-07-2011 03:51 PM

الطريق زي الفل خلي بالك من الجمال على طريق وادي النطرون وخلي بالك من الرادار لو هاتسافؤ بالنهار وتوصل بالسلامه

**Xlance2010** · 09-07-2011 03:58 PM

اولا توصل بالسلامة ورحلة سعيدة المهم تنتبه للطريق ومافيش مشكلة ابدا تقدر تشغل التكييف اذا حبيت وانا رأيى انك ماترصش على العربية يعنى خليك 100-120 كم على الاكثر علشان الردار اولا ولظروف الطريق ثانيا وياريت تسافر بالنهار لان كما تعرف الامن لم يصل لكفاءة 100% وان شاء الله تروح وترجع بالسلامة وابقى طمنا لما ترجع بالسلامة بعد المصيف ولك اطيب امنياتى

**MOUSTAFA_SAAD** · 09-07-2011 04:17 PM

متجريس اكتر من 130 مثلا وعدد لفات 3000 لفه
شغل التكييف لو اتزنقت له ويفضل لا

**Abdm** · 09-07-2011 04:29 PM

رحلة سعيدة وتوصل بالسلامة وخلى بالك من الطريق والمطبات وسافر وأرجع بالنهار علشان تشوف الطرق كويس دة غير الآمن

أنصحك بردة ما تزودش عن ال 90 : 100 بتاتا لآنك لسة فى التلين وأمان أكتر للموتور لآنك لسة حتى ما عدتش ال 1000 الآولى

وبردة أنت لو فتحت الآذاذ شوية وأنت ماشى هيظبطك فى الهواء ومش ضرورى تشغل التكييف دلوقتى بردة أحسن لو أنت عايز تحافظ على الموتور . والهواء بتاع الشباك الطبيعى فى السفر ما فيش أحسن منة

وتروح وترجع بالسلامة وأبقى طمنا لما ترجع أن شاء الله . وبالتوفيق

**MOSTAFA_SALLAM** · 09-07-2011 04:48 PM

و عليكم السلام و رحمة الله و بركاته .......
اولا رحلة سعيدة ان شاء الله و ربنا يكفيك شر الطريق
ثانيا متزودش على 120 اولا علشان العربية لسة فى مرحلة التلين مش شرط الموتور لأ الموتور بيتلين فى المصنع انما العفشة و غيره و كمان علشان سلامتك و سلامة اسرتك محدش ضامن الطريق شكلو ايه و كمان علشان لو حصل حاجة لا قدر الله يعنى تقدر تتحكم فى العربية او تفادى و غيره و يستحسن متشغلش التكيف غير بعد 1000 كيلو .
و ابقا طمنا لما ترجع بالسلامة ان شاء الله و متنساش اللب الأبيض بقا :d :d

**gebreel** · 09-07-2011 06:44 PM

لسة راجع من الساحل امبارح الطريق زي الفل الحمد لله بس سافر بالنهار
خلي بالك ركبوا رادارين او 3 مش فاكر بالظبط على اسكندرية الصحراوي و مشفتش ولا واحد على العلمين
عربيتك لسة جديدة اخرك 130 و عدد لفات 3.5 من الكاتلوج و شغل تكييفك عادي جدا مفيش فيها مشكلة و توصل بالسلامة و يا رب تنبسط

**gebreel** · 11-07-2011 01:16 PM

المشاركة الأصلية كتبت بواسطة zkralla

تقصد ردار ثابت الى مخالفاته بتيجى على مع تجديد الرخصه
ولا ردار عادى الى بيبقى بعديه لجنه تحصل المخالفة

اصل كلمة ركبوا اديتنى ايحاء بأن الردار ثابت فمش عارف حضرتك تقصد كده فعلا ؟

انا جاى من مطروح الاسبوع الى فات والطريق رائع وامان ومفيش اى مشاكل

ايوة يا باشا ثابتين مش عارف ان كانو شغالين ولا لأ لأني كنت مسافر بالنهار و هما واضحين جدا و ال2 او 3 دول انا شفتهم لحد طريق العلمين معرفش ان كان فيه بعدو كمان ولا لأ

بس طريق العلمين مفيش عليه اييييي حاجة بالرغم من ان الgps كان بيقول على اماكن الرادارات اهدي و ابص ملاقيش حاجة

-

-

الموضوع: إن شاء الله مسافر مطروح ومحتاج نصايحكوا........

LinkBack

أدوات الموضوع

عرض

العرض المتطور

-

-

-

-

المواضيع المتشابهه

ان شاء الله مسافر مطروح و بعدين هاطلع باذنك يارب على اسكندرية

مسافر السعوديه باذن الله ومحتاج نصائحكم

مسافر مطروح

داخل علي نص عمرة ومحتاج نصايحكوا

انا مسافر مرسي مطروح

الكلمات الدلالية لهذا الموضوع

المفضلات

المفضلات

ضوابط المشاركة