الموضوع: دي تمثيلية بقي و لا ايه؟ بين (( رئيس الوزراء و بعض الثوار )) للاسف الشديد

المشاركة الأصلية كتبت بواسطة mrbebo

من الاخر شرف لا يملك القدرة على اتخاذ قرارات و تنفيذها

الراجل من الاخر واجهة والمجلس هو اللي بيدير الموضوع كله :(

لو انه كذلك يبقي الاشرف له يستقيل
او كان يقول انه واجهة
عارف لو صدق ظني انه ناوي يقول الفترة القادمة يبقي تحليلي صحيح 100%
و يبقي كتب علي نفسه امام اصحاب العقول انه (( كاذب و متأمر )

المشاركة الأصلية كتبت بواسطة misoalex

لا حول ولا قوه الا بالله

نفس اللى بيحصل ايام المخلوع بيتكرر الان

الشعب يريد اسقاط النظام
بعد الخطاب التافهه بقى الشعب يريد اسقاط الرئيس

دلوقتى الشعب يريد محاربه الفساد وبعد الخطاب التافه اتحول الهتاف فى السويس الى الشعب يريد اسقاط المشير


البطء فى اصدار القرارات وتصليح الاحوال سوف يؤدى الى ارتفاع سقف المطالب

انتظرو ما هو اسوء

لو انها منظومة فاسدة يا استاذي العزيز و بتستهدف ايضا المجلس العسكري
فالنضع انفسنا مكان المجلس العسكري
لو اننا من نفس المنظومة الخائنة الفاسدة
و الوضع الان في ايدينا فقط و نحن المسيطرين
ما الذي يجعلنا نخسر (( القوة الحالية )) و هي الشعب و الثوار
و ان نصدر القرارات السريعة و نعدم فلان و نحكم علي علان ب 25 سنة
و نعزل الظباط و نشيل المحافظين و غيره و غيره
و نمسك اهالي الشهداء كلهم (( صحيحهم و كاذبهم )) و لاد الناس الاشراف الذين دافعو بدمهم عن كرامتهم
و الذين كانو يريدون ان يسحلو الظابط علشان يعرف يبيع البانجو لشباب المنطقة و محدش يقرب منه
لما الم اهلي دول و احشرهم في قاعة مع اهالي دول ايضا (( مهم معتبرين نفسهم شهداء ثورة )) اه و الله و فيه كام ائتلاف بيلف معاهم علي المصالح الحكومية علشان يثبتو ده بالكذب
ما الذي يمنع المجلس العسكري انه يجمعهم مع بعض و يظبطهم بمعاش محترم و بكام نجمة سينا علي كام شهادة تقدير معاها مفتاح شقة في هرم سيتي او اسكان شباب الخريجين مع خمس فدادين نظاف (( هوه يعني الجيش جايب حاجة من جيبه )) و يسكت اسر الالف (( شهيد )) علي ال 2000 مصاب ايضا كلهم حتي لو صحيفة الحالة الجنائية بتاعته بها سوابق معروفة للجميع
نفسي اسألك بالله عليك لو انت مكانهم و شايف الشعب ثائر عليك و احتمال يعمل معاك زي ما عمل مع مبارك
و العادلي و صفوت ايه اللي هيخليك تنتظر هذا المصير المخجل
لماذا لا تسرع بالقضاء علي مبارك
لماذا لا تشك جمال او علاء حكم بالمؤبد مثلا حتي لو وهمي
لماذا لا تشك واحد فيهم تأبيده و علي ما يجي الاستأناف تكون الدنيا (( مات فيها ناس و حيي فيها ثوار ))
فكر بهدوء بالله عليك
عارف ليه
لانهم لا و لم يتعلمو (( الغش )) الذي مارسه علينا احمد عز و الشريف و امثالهم
لم يتدربو علي ايدي خائنين الشعب اصحاب بوس الايدي
فاتتهم هذه الحصة في الجامعة العسكرية
بفضل الله لم يدرسوها و لم يتم تدريسها لهم
الا تعلم الان اخي الكريم ان بسبب احتكاك كثير من ضباط الجيش بالشعب
اتصدقني حين اقول ان الواسطة الان هي نقيب الجيش و الملازم و احتمال كمان فرد الشرطة العسكرية
الا تعلم اخي الكريم اننا الشعب الوحيد الذي كان لديه (( فرعون ))
الا تعلم اننا من بيننا الذين يطلبون من المجلس و الجيش ان يظل يمارس دور الفرعون
ستقول لي كيف ذلك؟
اقول لك بأنه بمجرد اخذهم الحابل علي النابل و اطلاق ايديهم في (( خائني الشعب و المشتبه بهم لدي الثوار من وزراء و محافظين و خلافه سيصبح هذا المجلس ديكتاتور )) لن نستطيع وقتها ان نعبر كشعب عن ارادتنا لديه
اما لو اننا انتخبنا سريعا من يمثلنا فبالله عليك
لو اني اعلم ان من يربط نفسه بميدان التحرير امام السيارات (( هو الشخص الذي اخترته بحريتي ليعبر عن رأيي امام المجلس العسكري مثلا )) فما الذي سيمنعني من مشاركته في اعتصامه

م.حاتم السباعي

المشاركة الأصلية كتبت بواسطة hobiko

معلش سامحني ....... بس الصراع السياسي بين التيار الديني و بقيت التيارات مأثر على تحليل حضرتك بشدة


ببساطة ...... حضرتك زعلان إن عصام شرف حقق جزء من مطالب الثورة (دة لو عرف ينفذ فعلاً) ...... بس التنفيذ دة جة إنهردة 9 يوليو


فهو بالطريقة دي ..... بينتصر للتيارات العلمانية الليبرالية الملحدة ...... على حساب الشعب ....... بين قوسين (التيار الديني)


يا سلام و سلم


يعني لو كان عصام شرف إستجاب لجزء من المطالب قبل الساعة 5 يوم 8 يوليو ...... يبقى إنتصار لإرادة الشعب ...... بين قوسين (التيار إلديني)


لكن الإستجابة كانت أثناء الإعتصام تاني يوم ..... إلي رفض الشعب الإنضمام ليه بين قوسين (التيار الديني) ...... فعشان كدة كل إلي بيحصل دة تمثيلية و مؤامرة على الشعب بين قوسين (التيار الديني)


يا سلام و سلم


هو عشان الاخوان إنسحبو من الميدان ..... كدة خلاص لازم تشوهوا أي حاجة


و بقول مقدماً يا باشمهندس حاتم ...... متقلقش خالص من رايي دة ...... في مجموعة كبيرة من الأعضاء أنا عارفهم بالإسم حتثني على تحليل حضرتك

عزيزي hobiko
كنت انتظر منك ان تمسك الاسئلة التي طرحتها في المشاركة الثانية لي في الموضوع و تجاوب عنها بينك و بين نفسك اولا و حين تجد اجابات مغايرة لاجاباتي في المجمل كنت تطرحها للمشاركة و الحوار
و لكن حضرتك لم تنظر اليها او لم تلتفت عن عمد اليها (( الله اعلم ))
و اذا بك تفترض شئ لم يخطر ببالل صاحب الموضوع اصلا و هو ( العبد لله )
و احمد الله انه اعطاني قدرا من الشجاعة اني لو كان ظن حضرتك في تحليلي انه مبني علي تأثري بالصراع السياسي صدقني ما كنت ترددت لحظة واحدة في ان اقول لك (( برافو )) زي الاستاذ everlasting ما يقولها لي دائما او زي الشيخ حازم ابو اسماعيل حينما كررها لخصمه العلماني او الليبرالي ( ايا كان ) ابراهيم عيسي
و لكن لان ما ذكرته انا حقائق لا يحيد عنها الا من لا يريد ان يحكم العقل فلا اجد في تحليلك و ردك للاسف
ما يشجعني علي الحوار
بل اظن انك تبتر الحوار بتوجيه اتهام لي انا برئ منه
عموما ان اردت الحوار فالاسئلة مطروحة للمناقشة
و احنا مع بعض دائما من اجل نهضة مصر و اثق في حضرتك بأنك مع الشرعية ايا كانت
و لست مثل غيرك حينما قال لو الديمقراطية عن طريق الاخوان يبقي (( تولع ))

م.حاتم السباعي