عفوا لا يوجد شرطي شريف

**MOUSTAFA_SAAD** · 12-07-2011 06:32 PM

المشاركة الأصلية كتبت بواسطة mazagangee

معاك يا باشا
قطاع الطريق دول لا يوجد فيهم رجل شريف
دول أعداء المصريين الحقيقين و لازم كلهم يروحوا و نجيب ناس جديدة لم تتسخ بالرشوة و الفساد و التعذيب ...........
حتى الموظفين المدنيين في الداخلية منحرفين و لازم يمشوا
الوزارة دي لازم تكون وزارة مدنية مش عسكرية

لزمته ايه الغلط والاهانه والتعميم مره تانيه
يعنى انت اتعاملت معايا علشان تعرف انى منحرف

**MaZaGAngeE** · 12-07-2011 07:23 PM

المشاركة الأصلية كتبت بواسطة moustafa_saad

لزمته ايه الغلط والاهانه والتعميم مره تانيه
يعنى انت اتعاملت معايا علشان تعرف انى منحرف

أنا معرفكش
لكن حكمي ده بناء على تعاملي مع الداخلية بكل أقسامها في أكتر من 12 محافظة و مفيش اي حاجة بتخلص غير بالرشوة أو الفساد
ده غير قطاع الطريق اللي بقابلهم و انا مسافر و في كل حتة كلهم بيمدوا ايديهم و لو مدفعتش ممكن البس قضية
يبقى كده حكمي صحيح مش غلط

**hobiko** · 12-07-2011 09:08 PM

أكيد فيهم شرفاء ...... دة اليهود نفسهم فيهم ناس مع السلام

بس بنسبة ضئيلة جداً

**ahmedfoud** · 12-07-2011 10:13 PM

المشاركة الأصلية كتبت بواسطة mazagangee

أنا معرفكش
لكن حكمي ده بناء على تعاملي مع الداخلية بكل أقسامها في أكتر من 12 محافظة و مفيش اي حاجة بتخلص غير بالرشوة أو الفساد
ده غير قطاع الطريق اللي بقابلهم و انا مسافر و في كل حتة كلهم بيمدوا ايديهم و لو مدفعتش ممكن البس قضية
يبقى كده حكمي صحيح مش غلط

كلامك صحك و حكمك غلط غلط مش صح

**ahmedfoud** · 12-07-2011 10:18 PM

المشاركة الأصلية كتبت بواسطة wa7d

غريبة والله لتاني مرة برضوا رديت

انا بقي مش حعلق على رأي حضرتك بخصوص منسوبي هيئة الشرطة

حلوه منسوبي هيئة الشرطة دي , تقصد حضرتك منتسبي هيئة الشرطة ,ما شاء الله عليك واضح انك مثقف جدا , انت متأكد انك محتكتش بكلام سواقين الميكروباص !!!!

ههههههه لا يا باشا احتكيت خلاص

**MaZaGAngeE** · 12-07-2011 11:03 PM

المشاركة الأصلية كتبت بواسطة ahmedfoud

كلامك صحك و حكمك غلط غلط مش صح

بما ان سيادتك عايش في الرياض
لو سمحت اعملنا مقارنة بيت الشرطة في الرياض و الشرطة في مصر
و هسيب ليك انت الاختيار في المقارنة ( يعني جوازات و لا مرور و لا اقسام و لا مباحث ......)

**ahmedfoud** · 12-07-2011 11:44 PM

المشاركة الأصلية كتبت بواسطة mazagangee

بما ان سيادتك عايش في الرياض
لو سمحت اعملنا مقارنة بيت الشرطة في الرياض و الشرطة في مصر
و هسيب ليك انت الاختيار في المقارنة ( يعني جوازات و لا مرور و لا اقسام و لا مباحث ......)

حضرتك لو قارنت بين الشرطه في الرياض و الشرطه في القاهره باختصار في نقاط هتكون كالتالي :-
* شرطه الرياض اكثر تحضر من شرطه القاهره من ناحيه المرور او الجوازات معظم الاجراءات بتم عن طريق النت و كذلك المخالفات بتدفع عن طريق الصراف الالي الصراف .
بس دا مش في الشرطه بس جميع معاملاتك مع ادارات الشرطه المختلفه او الكهرباء او المياه او التليفون اي شي بيكون عن طريق الصراف الالي و دي ميزه كبيره يا ريت تبقي في مصر قريب يا رب .

* المباحث محتكتش بيها بس المعروف عنها انها ضعيفه و بيخدوا دورات في مصر و بلاد تانيه كتير زي امريكا .

* النجده ضعيفه مقارنه بنجده مصر قبل الثوره طبعا .

* شرطه المرور اكثر امكانيات من شرطه مرور مصر .

* بشكل عام الشرطه في الرياض زي الشرطه في القاهره مع فارق الامكانيات فيهم الكويس و فيهم السافل و في اي مكان الحسنه بتخص و السيئه بتعم و اي فرد سيء بيشوه صوره المجموعه كلها
زي هنا مثلا في المنتدي لو عضو جديد دخل و اول ما صادف عضو مش كويس هياخد انطباع ان جميع الاعضاء مش كويسين و دا مش صح فمينفعش اقول شرطه الرياض كلهم ملايكه او العكس او شرطه مصر كلهم شياطين او العكس .

* انا احتكاكي بالشرطه طفيف جدا سواء هنا او في مصر بس بصراحه مشفتش تجاوزات غير مثلا تصادف واحد امين شرطه او ضابط صغير قليل الزوق و لما بيعرف انك انسان محترم بيعتزر و يمشي و الكلام دا في القاهره و في الرياض

* اخر حاجه بقي هقولك الي انت عايز تسمعه ........ افراد الشرطه في مصر خصوصا امناء الشرطه و صغار الضباط نسبه كبيره منهم اخلاقهم مش بالمستوي المطلوب و العكس بقي في الرتب الكبيره الاغلبيه العظمي منهم محترمين جدا و دا عن احتكاك شخصي بكتير منهم و طبعا في منهم الاوباش .

و بعدين عايز اقول لحضرتك ان مفيش بلد في الدنيا تقدر تعيش في امان بدون شرطه و فساد الشرطه في مصر سابقا دا جزء من فساد الحكومه في جميع جهاتها حتي الشعب بجميع طوائفه اصبح الفساد عنده شيء عادي و الشخص الشريف المحترم عمله نادره او اقليه سواء في الشرطه او في الحكومه او حتي في الشعب بصفه عامه

عايزين كل واحد في عمله يراعي ضميره و يغير من نفسه زي ما عايز الشرطه تتغير
عايزين اخوانا في التحرير الي بقوا اصعب من الشرطه في عز فسادها بيمسكوا شباب بيقولوا عليهم بلطجيه و يجردوهم من ملابسهم و يربطوهم في النخل , بالذمه دا مش اسوء من الي كانوا بيعملوه الشرطه
الجماعه الي موتوا الضباط و يمثلوا بجسسهم و يطوفوا بيهم علي عربيه نص نقل في الشوارع امعانا في الانتقام دا مش اسوء من الي كانوا بيعملوه الشرطه , و دا مش دفاع عن الشرطه او هجوم علي الشعب بس دا مجرد رئي و ربنا يقدر الخير لمصر ........ بلدنا الحبيب

**MOUSTAFA_SAAD** · 13-07-2011 01:05 AM

المشاركة الأصلية كتبت بواسطة mazagangee

أنا معرفكش
لكن حكمي ده بناء على تعاملي مع الداخلية بكل أقسامها في أكتر من 12 محافظة و مفيش اي حاجة بتخلص غير بالرشوة أو الفساد
ده غير قطاع الطريق اللي بقابلهم و انا مسافر و في كل حتة كلهم بيمدوا ايديهم و لو مدفعتش ممكن البس قضية
يبقى كده حكمي صحيح مش غلط

انت برده مصمم على غلطك
انا حاتكلم على مكان عملى
يعنى سيادتك روحت مره تطلع جواز وحد طلب منك رشوه
هو عشان المرور مرتشى يبقى كل من هو فى الداخليه مرتشى
اذا كنت انت مابتقابلشى غير المرتشين وهما دول اللى بييجوا فى سكتك يبقى المشكله من عندك
انت اللى بتديهم الاحساس بانك مستعد تدفع رشوه علشان تعمل حاجه مش من حقك

**MaZaGAngeE** · 13-07-2011 02:58 AM

المشاركة الأصلية كتبت بواسطة moustafa_saad

انت برده مصمم على غلطك
انا حاتكلم على مكان عملى
يعنى سيادتك روحت مره تطلع جواز وحد طلب منك رشوه
هو عشان المرور مرتشى يبقى كل من هو فى الداخليه مرتشى
اذا كنت انت مابتقابلشى غير المرتشين وهما دول اللى بييجوا فى سكتك يبقى المشكله من عندك
انت اللى بتديهم الاحساس بانك مستعد تدفع رشوه علشان تعمل حاجه مش من حقك

عندك حق انا اللي فيا حاجة غلط اني بروح أخلص أوراقي في مصر المفروض أروح أعملها في أمريكا ....
و بعدين الرشوة بتطلب وش و بيتقال يا بيه عايز تعمل الورق تدفع كذا .....
بس الظاهر انك بتدافع و بس عشان انت بتشتغل فيه .....
يا راجل حرام عليك مصر كلها عارفة انتوا شغلكم بيتعمل ازاي و بايه .... مش مصر بس ده العرب كلهم بيتريقوا عليكم و بيقولوا انكم تبيعوا اي حاجة بالجنيه ...

ده مش موقف ضدك انت شخصيا لأني لا أعرفك و لا اتعاملت معاك ..... لكن ده أسلوب حياة و عمل الداخلية المصرية في كل مكان في بلدنا