الموضوع: كيف تصبح مديرا مفتريا !!! نصايحكم !!!

المشاركة الأصلية كتبت بواسطة mikho83

أول حاجة تبصي ليهم من تحت لفوق، ولما تدخلى لازم يقفوا، وشوفي مين اللي هايجيبلك الخضار ومين اللي هايقشر البطاطس، وشوفي واحد صغير شوية عشان يجيبلك الأولاد من المدرسة، وفي الآخر اخصمي من كل واحد يومين كل شهر. والله الموفق

هههههههههههههه طيب والله فى مديرين بيعملوا كدا فعلا ،، ربنا ما يجعلنا منهم ويغنينا بالحلال

المشاركة الأصلية كتبت بواسطة SonaSteel

اي حد معدي قدامك ... قوليله هاتلي ميه ساقعة .... بس تكون سخنة :))
-----------
اهم حاجة .... لما يجيلك شغل انتي تعمليه ... انتي اللي تعمليه مش تديه للي تحتك هو اللي يعمله
وقدري ظروف الناس اللي معاكي
واهم اهم اهم معلومة فيديهم باي معلومة عندك
لانك زي ما هاتفيديهم ..هما يمكن عندهم معلومات وخيره في حاجات مش عندك
ومتخليهومش يعملوا حاجز بينك وبينهم
ولو قدرتيهم وحطتيهم في الصورة ... هتلاقيهم بيساعدزكي علي قد ما يقدروا حتي لو مش عارفين المعلومة
---------------------
ان شاء الله لما ابقي مدير ...... هامص دم الموظفين واخليهم يعيطوا من الفرحة هع هع هع .. سيطرة بقي
اقعدي بالعافية :))

يا سلاااااااام أنت كتبت كل أمنياتك فى مديرك )))))))

قال أشتغل أنا وأسيبهم فاضيين قال !!!!! "

وأعرفهم كل معلومة كمان واحطهم فى الصورة ،، طيب وأعمل عليهم ست المهمة وهما مابيفهموش حاجة أزاى

الله يعافيك يا هندسة خد الباب فى ايدك وانسى

المشاركة الأصلية كتبت بواسطة eng f3lix

الف مبروك على الترقية وان شاء الله تببقى صاحبة الشركة كمان

الله يبارك فيك ويسعدك .. صاحبة شركة مرة واحدة

المشاركة الأصلية كتبت بواسطة ahmed_nubira

الف مبروك طبعا

راعى ربنا فى اى قرار بتخديه وفى معامله الموظفين اللى تحتك

عشان ربنا يرضى عنك

الله يبارك فيك ويحفظك يا فندم :)

وربنا يقدرنا على فعل الخير ،،

المشاركة الأصلية كتبت بواسطة nevozaky

مبروك يا زينة الف مبروك .عقبال ما تبقى رئيسة مجلس ادارة .
وما تفكريش كتير فى الطرق المفترية لانها هتلاقيها بتطلع منك تلقائى هههههههههههههههههههههههه
انتى مش انثى بردو تبقى اكيد مفترية هههههههههههههههههههه
مليون مبروك تانى .ابعدى عن الافتراء مع الحزم والحسم ومعاملة ربنا فى كل التصرفات .

ههههههههههههههههههههههههه هه الله يبارك فيكى يا نيفو ))))

وبعدين إيه دا أنتى المفروض تبقى محامية عن المرأة مش مع النيابة والهم عليها

وكمان الواحد شاف افترا ياما من مديرين رجالة والمساواة فى الافترا عدل برضك

المشاركة الأصلية كتبت بواسطة wa7d

كويس انك مترقتيش مديرة هنا فى المنتدي , كانت ليلتنا بقت سودا

والايام كمان ودا الاهم :) لان اليالى كدا كدا سودا

الف مبروك يا باشمهندسة
اتاريكي مستخبية
دة انتي لما كنتي بتمتحني كنت باقابلك اكتر من كدة

اللي علي علي
احنا مش ادك يا عم
مدير ادارة دي درجة اولي ولا عندكوا النظام مختلف
بس ايه ناس ليها حظ وناس ليها ترتر
انا مش باحسد .. انا باقرررررررررر


الخلاصة
لا تكن صلبا فتكسر
ولا لينا فتعصر

المفروض نعمل مقابلة حريمي عشان نحتفل بالمناسبة السعيدة دي اشمعنى الرجالة يعني كل شوية يتقابلوا

المشاركة الأصلية كتبت بواسطة nonetta

الف مبروك يا باشمهندسة
اتاريكي مستخبية
دة انتي لما كنتي بتمتحني كنت باقابلك اكتر من كدة

اللي علي علي
احنا مش ادك يا عم
مدير ادارة دي درجة اولي ولا عندكوا النظام مختلف
بس ايه ناس ليها حظ وناس ليها ترتر
انا مش باحسد .. انا باقرررررررررر


الخلاصة
لا تكن صلبا فتكسر
ولا لينا فتعصر

المفروض نعمل مقابلة حريمي عشان نحتفل بالمناسبة السعيدة دي اشمعنى الرجالة يعني كل شوية يتقابلوا

هههههههههههه الله يبارك فيكى يا نونيتا :)

مش مستخبية والا حاجة موجودة على الفيس بوك لمتابعة الأحداث من مصادرها

وبعدين أنا لا اتعالى على أخواتى مطلقا فأنا منكم وإليكم :)

وحياة ربنا حتى القرار لسة نازل وقلت أسيح لنفسى على المنتدى على طول وأخد نصايحكم :)

أيوة النظام عندنا الدرجة الأولى يتسكن على مدير إدارة .. فى الادارات الشاغرة

ويا ريت يا قمر أشوفك وأنت عارفة السكة " تعالى اتفسحى عندنا ونعزمك على أكلة سمك طازة على كيف كيفك