لمبة البنزين نورت في الطبلوة

**Ralliart** · 13-07-2011 05:43 PM

يا جماعة ده عيب عوامة 100% حصلتلي وحصلت لناس كتير

**EslaM_NagY** · 13-07-2011 05:53 PM

ازاى الناس بتمون والعربية دايرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

خطر جدااااااا

ايه الاستفادة يعنى ؟ّ!!!!!

**samyrizkb** · 14-08-2011 07:15 PM

يا جماعة يا خبراء اللانسر كل ده ما حدش عنده حل يجاوبنا بيه

**MITSUKERO** · 14-08-2011 10:34 PM

الموضوع حصل معايا في لانسر 99 و حليتة بمنتي البساطة

رحت لميكانيكي حبيبي فصل كابل البطارية قبل اي شغل و بعدين فك الكنبة و فك طرمبة البنزين طلعها لقي في علي قطعة بيضاء فيها كده طين و رواسب كتير نضفها بننزين و بعين لقي سلك مقطوع و هنا السبب

دخل لحم السلك في مكانة بأزيير و ركبها و دور ياباشا شغل و هوب اختفي العيب

بالنسبة بقي للانسر البوما العيب ده حصل برضة مع عربية بنت عمي و رحت لنفس الميكانيكي بس المرة دي كان خلال الصيانة الدورية في التوكيل و برضة حل العيب ولا غير الطرمبه ولا جاب واحدة استيراد ولا دخلنا في السكة دي خالص

نصيحة : نص كلام الميكانيكية اللي برة التوكيل هجص و ربعة تاليف و الربع الباقي ممكن يكون صح

ده لو الميكانيكي بيعمل ناصح و بيفتي انما الميكانيكي الفاهم هو اللي مش واخدها وراثة و عافية و بيتعلم من مهندسين في التوكيل و بيجيب كتبا الورشة و بياخد دورات تدريبية علي كل موديل جديد بينزل و بالتالي بيبقي حافظ لعربية و مش بيألف و لو مش عارف بيقولك مش عارف

اتمني اكون اضفت

**szaalouk** · 16-08-2011 01:18 PM

المشاركة الأصلية كتبت بواسطة Ralliart

يا جماعة ده عيب عوامة 100% حصلتلي وحصلت لناس كتير

و انا واحد كمان من الناس الكتير اللي بيحصل معاها الموضوع ده و عربيتي سبورت موديل 2005 و من 2007 تقريبا بدأت تعمل الحركه دي يعني كل كام تفويله مره تعملها و تنور في التابلوه و بعدين المؤشر يعلي تاني و يشتغل طبيعي فما توجعش دماغك و تركز قوي مع العربيه و تخللي الميكانيكي او الكهربائي يعمل عليك شغل طالما الموضوع مش حيوي .