مبدئيا نتيجة الاستطلاع هاتحدد المتعاطفين مع الاعتصام من الناشطين من رواد المنتدى لا اكتر ولا اقل
و بالمناسبة الاختيارات فيها كتير مش موجود
المنظر الحالي اعتصام اه , او اعتصام لأ , مافيش اعتصام بتخريب و اعتصام بدون تخريب و ارفضه لكن اتفهمه , و ارفضه تماما , دي كلها مواقف الناس
المشاركة الأصلية كتبت بواسطة رزق
بيقولك الزن على الودان امر من السحر
لما تقعد تسمع نفس الكلام بيتكرر عن 'بلطجية التحرير' حتقر وتبصم بال 10 إنهم بلطجية
+1
المشاركة الأصلية كتبت بواسطة رزق
أستاذ حاتم
لم يسقط مبارك بالدعاء ولا باللين لكن سقط بالإعتصام والإضراب
لو كنا استنينا وصبرنا واكتفينا بالرجاء كان حيموت ماسك مصر ويجيب ابنه يقعد مكانه أظن ده واضح
لما تقعد مستني تغيير ومايجيش في مرحلة زي دي من ثورة لازم الناس تتحرك وتفكرهم إن احنا مانسناهمش وإن عنينا عليهم
وزي ما قلت من شوية هم علمونا الواحد مش حياخد حقه غير بالدراع
ربنا سبحانه و تعالى كريم , لكنه فرق بين التوكل و التواكل , الدعاء مطلوب في كل الاحوال , لكن التواكل , هو احد آفاتنا
المشاركة الأصلية كتبت بواسطة ghazy12
انا هقولك رأي يا باشمهندس بشكل عام...
احنا من آخر يوم كنا فيه في الشارع و قالوا الامور هتتظبط خلاص, و المجلس العسكري مسك ذمام الامور,
و هيعينوا حكومة تسيير اعمال جديدة (بتاعة احمد شفيق) و حتى هذه اللحظه و احنا ساكتين و بنصبر...
ايه اللي تم خلال هذه الفترة من تغيير و لو طفيف !!؟؟؟ ولا حاجه في رأي, يمكن الامور بقت اسوأ كمان
طيب المفروض نصبر لحد امتى !!؟؟؟ نستنى قرار واحد قوي و حاسم من شخص مسؤول لحد امتى !!؟؟؟
نستنى تغيير حقيقي أو حتى بداية تغيير لحد امتى !!؟!؟؟؟ ننتظر المحاكمات لحد امتى !!!؟؟؟
نستنى على حقنا من الناس اللي فسدوا البلد و اهدروا مواردها و خيرها و سرقونا و قتلوا المتظاهرين لحد امتى ؟؟؟؟؟
امتى اشوف و لو مره واحده في حياتي في البلد دي حد بياخد قرار جرئ و قوي و حاسم من نفسه !!!؟؟؟؟
في المقابل... انا ضد اي اعمال تخريب او عنف او تعطيل للمصالح او قطع للطرق او تعطيل لسير الحياة و غيره...
انا مع الاستمرار في الضغط و المطالبة بحقوقنا بأي شكل تاني غير الكلام اللي فوق ده...
لو بتسأل عن الاعتصام اللي بيتم فيه قطع للطرق و حرق و تعطيل لسير الحياة و الاعمال... انا ضده
لكن انا مع المطالبة بحقوقنا في الاسراع بالمحاكمات و شفافيتها و اتخاذ القرارات اللازمة لعودة الحياة بشكل افضل...
عموماً هي وجهات نظر, و دي وجهة نظري المتواضعة...
+1
و ان كنت عايز اضيف ان الناس لما يضطروا للتصعيد , و نلومهم لوحدهم نبقى بنظلمهم , الطبيعي نلوم اللي اوقع عليهم الظلم و حتى لما اضطروا يصعدوا ما عبرهمش ولا رفعش الظلم عنهم, و طبعا دول بدون اسماء اهل السويس
كذلك من المنطقي ان لما حد يغلط لسوء تقدير , ما نجريش نسن السكاكين و نقطع في فروته حتى بعد ما يتراجع عن الخطأ , او حتى قبل ما يعمله ده لو كان هايعمله , و في المقابل زي ما بنسن السكاكين على البعض (بدون اسماء معتصمي التحرير اللي ما شاء الله عمالين يحققوا انجازات و احنا بنشتمهم و بنفرح بإنجازاتهم في نفس الوقت , و برده بننكر انها بتاعتهم, لازم نبقى صاحيين لطرف السلطة اللي مهما غلط بنعمل نفسنا من بنها
المشاركة الأصلية كتبت بواسطة hobiko
المشكلة ان مافيش حد بيتحرك و لا قرار بيتاخد ولا حاجة بتتصلح ولا حق بيرجع ولا ظلم بيتشال ...... الا بالمظاهرات و الأعتصامات
على رأى معتز بالله عبد الفتاح ...... ايه الرسالة اللى بيحاول المجلس العسكرى و الحكومة توصيلها للناس ...... اعتصموا تصحوا !!!
+1
المفضلات