الموضوع: لكل من يتابع اعلانات القنوات الدينيه ويشتري منها

المشاركة الأصلية كتبت بواسطة ziabassem

الحل الوحيد هو عودة الأزهر لمكانته وريادته المعهودة كمنارة وحيدة للعالم الإسلامي أجمع .

اصلي جدأأأأأأأأ
+1111111111111

المشاركة الأصلية كتبت بواسطة عمرو عمارة

حد يقولي هل في قناه مش معظم إعلانتها نصب في نصب ؟؟!!!!
ده البرامج والحوارات إلي فيها نصب في نصب !!!

وبعدين هو المشاهد ده ملوش عقل يفكر بيه ؟؟؟

يعني لما واحد يطلع يقولك طقم حلل تيفال بـ300جم والواحد عارف إن تمن الحلة التيفال الواحدة المحترمة ممكن توصل لـ350جم ......فين العقل والتفكير بقى ؟؟

وبعدين هي الشركات دي كبرت إزاي وإنتشرت بالشكل ده إزاي ؟؟......عشان نوعية هذه المنتجات ليها زبونها الخاص وعندك فئة كبيرة من المجتمع بيشتروا هذه النوعية من المنتجات......السعر هو الفيصل في كل شىء

ولو الشركات دي مكنتش بتبيع وإتعرف إنهم نصابين مكانوش إستمروا وكانوا قفلوا من زمان

عندك كرفور مثلاً.......أخر سنتين دخل أشكال وألوان من الأجهزة الإلكترونية إلي ملهاش أي ملة ولا أصل وكلها صيني وكان الإقبال عليها شديد جداً لرخص سعرها

دي ثقافة مجتمع والناس هي إلي عايزة كده !!!

القنوات التانيه بتبيع منتجات اصليه ومافيش فيها نصب
امثال دريم 2
لاكن القنوات دي بتبيع منتج مش هو اللي انت شوفته علي التليفزيون سرقه يعني

المشاركة الأصلية كتبت بواسطة dramir1

الاستاذ الفاضل صاحب الموضوع :
من حق حضرتك تنقد بعض الاخطاء في وجود بعض الاعلانات بتاعة شركات تستغل صدق مايقال على القناه في الترويج لمنتجاتها باسعار اغلى من السوق.... انامع حضرتك واؤيدك في الاتصال بالقناه او ارسال ايميل تطلب منهم يتحرو الدقه في اختيار المعلنين لديهم ....

ولكن .....انا خايف على حضرتك من عقاب ربنا لانك بتعمم الحكم في سب جميع العلماء في كل القنوات الدينيه.ايه علاقة العلماء بالكلام دا وايه علاقة مظاهر الدين بالاعلانات دي..
....نصيحه اخويه بلاش تسب في رموز الدين والطائعين لله
ونصيحه اخري توب الي الله واكثر من الاستغفار لخوفي عليك من الحديث القدسي الذي يقول فيه الله"من عاد لي وليا فقد آذنته بالحرب"
اي ان من يؤذي عبد من عباد الله لمقربين الطائعين فكأنه يعادي الله
......
وبعدين مفيش حد معصوم من الخطأ ولا حد حجه على الدين الا الرسول صلى الله عليه وسلم

تقبل مروري.... واختلافي مع حضرتك في الرأي لا يفسد الود والمحبه بيننا
وسامحني لو كلامي ضايقك....

شكرا علي المذاخله الفيده دي
بس انا عايز اقولك حاجه
الاعلانات دي لو بتبيع منتج غالي نقول ماشي ده سوق وده عرض وطلب
يعني انا معايا موبايل 6600 مثلا بقولك هبيعه ب 6000 جنيه
لو وافقت يبقي مش نصب لان ده عرض وطلب وفلوسي حلال 100%
لاكن دي بتبيع منتجات فاسده نصب رسمي علي خلق الله
يبقي ده حرام ولا مش حرام
والمشكله ان صاحب القناه الشيخ حسان
هل يجتمع النصب والدين في مكان واحد ؟
ردوا عليا يا قوم...

المشاركة الأصلية كتبت بواسطة khaled_yassin

يا سيدى من امتى الدقن بقت دليل على اللتزام
انا اعرف واحد شيخ وحافظ القران وواخد قرض من البنك , ولما سالناه هو مش القرض حرام قال اه
بس لو قرض فلوس يبقى حرام , قرض سيارة سلعة يبقى حلال
وانا خالى مربى دقنوا وحافظ القران وعايش فى السعوديه , ومش عايز اقولك اخلاقوا عامله ازاى
وانا كنت مربى دقنى وانا فى الكليه ومكنتش بصلى ساعتها اصلا
وليا واحد زميلى عامل زى اخونا فى المنتدى بيدافع عن الشيوخ والسلفيين والاخوان باستماته ولما تعدى بنوتة هيبقى ينط من العربيه بيعاكس فيها ولالااسف بيتفرج على حاجات مش كويسة
لا عمر الدقن علامة على التقوى ول عمر حلاقة الدقن معناها الانحلال الاخلاقى
بالنسبة لموضوع النصب فى كل القنوات فى موضوع النصب سواء دينيه او غير دينيه
لكن منتشر فى القنوات الدينيه لان للاسف القنوات الدينيه بتدور على حد يدعمها ماليا فبتركز فى انها تجيب شركات تعمل لها اعلانات مقابل الفلوس ومش مهم الاعلان الاهم الفلوس الى بتصرف على القناه
اما ياقى القنوات بتتشرط وتنقى وتختار الاعلانات الى بتذيعها

+11111111111111

المشاركة الأصلية كتبت بواسطة samoevil911

+11111
كنت لسه هسأل نفس الأسئلة




ياريت بجد الأزهر يرجع

ممكن استاذنا الفاضل يقلنا .. ممكن نتعلم دين فين بردوا عموما ؟
يعني انا في شارعي في 5 مساجد 3 اوقاف وواحد اهالي وواحد سلفي
المسجد الوحيد المنتظم السلفي .. وهو الوحيد اللي فيه دروس .. والصلاة في وقتها ومسجد نظيف دائما واشخاص سمحة وتحس انك داخل تصلي
ادخل على المسجد الأهلي .. شخص محتكره بيصلي على مزاجة ويدخل اللي يعجبه ويفتح وقت ميعجبه وممكن يلغي الصلاة لو عايز
مساجد الأوقاف
يوم مفتوج الفجر ويوم لأ
امين العهدة في مسجد منهم حشاش وبيرجع وقت الصلاة مسطول ومبيدخلش الجامع
عامل النظافة في الثلث مساجد مش معروف
مفيش ائمة للمساجد
ويوم مجبولنا أمام في مسجد منهم .. كان بيقرأ غلط .. دا غير ابداعاته في الدين رغم انه خريج ازهر
ومفيش دروس
وللعلم قليل القليل من مساجد الأوقاف اللي فيها دروس . معظمها بتبقى المساجد الرئيسية الكبيرة

يا سيدي الأزهر محتاج استقلال .. والأوقاف لازم تتظبط ويعملولها اعادة هيكلة وتتربط مع خريجي الأزهر


يا سيدي انا الحمد لله خاتم القرآن ودارس اصول فقه ومتن ابو شجاع -المذهب الشافعي- وبكمل حاليا فيه ودارس مصطلح -الحمد لله وربنا يعني واكمل- (وعلى ايادي كمان شيوخ من الأزهر)
وعايز ادخل ادرس في الأزهر .. مينفعش .. ليه ؟ عشان انا مش من صغري في الأزهر .. وسمعت لازم ارفع قضية عشان يدخلوني وممكن ميرضوش في الآخر


انا إلى الآن مش فاهم ليه حضرتك سبت كل الموضوع وركزت على حاجة واحدة
الشيوخ اكثر من مرة نبهوا من الإعلانات وقناة الرحمة قالت نحن غير مسؤلين عنها
الشيخ محمد حسان قال يا جماعة احنا مش مسؤلين عنها .. وقالهم خلونا صريحين لولا الإعلانات القناة هنصرف عليها منين
وقال القناة بتحتاج مليون ونصف دولار ايجار قمر صناعي نيل سات وزيهم للعرب سات كل سنة
طعا دا غير ايجار الاستوديوهات والتصوير والبث



وتعليقا على كلام استاذ ziabassem
مين من الشيوخ بياخد اجر باهظ ؟,.. انا مش عايز اقول لحضرتك ان معظم الشيوخ اجورهم عادية جدا
بل في برامج كاملة قايمة بدون مقابل ..

واخيرا
سؤال لصاحب الموضوع .. هو فعلا سيادتك مش شايف للقنوات دي اي فايدة ؟!
وللعلم انا مش سلفي .. بس شايف ان القنوات دي فعلا اثرت في ناس كتير

شكرا علي ردك
انا مش شايف اي نتيجه ايجابيه لهذه القنوات علي المجتمع الا
1 الجهل الديني والتعصب
2/المظاهر الكدبه
3/ انت شايف ايه نتائج ايجابيه علي المجتمع اللي هي متمثله ف الشارع واصحابك واقرابك
بس التعمم غلط البعض القليل جدا من تبعي هذه القنوات نهجوا المنهج الصحيح

لا حول و لا قوة الا بالله

انت بتهاجم لمجرد الهجوم و خلاص و لا ايه

مافيش موضوعيه في النقد و مافيش ردود سليمه

و بعدين مظاهر الدين و سنه النبي و ازواجه مظاهر كدابه

استغفر الله

و بعدين احنا دينا من الرسول صلى الله عليه و سلم ودينا قال الله و قال الرسول مش حد لوحده اللى بناخد منه الدين

ربنا يهدينا و يهديك