الموضوع: لكل من يتابع اعلانات القنوات الدينيه ويشتري منها

المشاركة الأصلية كتبت بواسطة samoevil911

+11111
ياريت بجد الأزهر يرجع
يا رررررررررريت
ممكن استاذنا الفاضل يقلنا .. ممكن نتعلم دين فين بردوا عموما ؟
كل واحد حر في اختياره في نهج تعلم الدين سواء كتب أو مساجد أو قنوات تليفزيونية .. وكذلك كل واحد حر في أختيار الفرد الذي يتفقه منه .. بمعنى أني مقدرش أجبر حضرتك أنك متتفرجش على فلان أو متقرأش للكاتب الفلاني .
يعني انا في شارعي في 5 مساجد 3 اوقاف وواحد اهالي وواحد سلفي
المسجد الوحيد المنتظم السلفي .. وهو الوحيد اللي فيه دروس .. والصلاة في وقتها ومسجد نظيف دائما واشخاص سمحة وتحس انك داخل تصلي
ادخل على المسجد الأهلي .. شخص محتكره بيصلي على مزاجة ويدخل اللي يعجبه ويفتح وقت ميعجبه وممكن يلغي الصلاة لو عايز
مساجد الأوقاف
يوم مفتوج الفجر ويوم لأ
امين العهدة في مسجد منهم حشاش وبيرجع وقت الصلاة مسطول ومبيدخلش الجامع
عامل النظافة في الثلث مساجد مش معروف
مفيش ائمة للمساجد
ويوم مجبولنا أمام في مسجد منهم .. كان بيقرأ غلط .. دا غير ابداعاته في الدين رغم انه خريج ازهر
ومفيش دروس
وللعلم قليل القليل من مساجد الأوقاف اللي فيها دروس . معظمها بتبقى المساجد الرئيسية الكبيرة
متفق معاك في كل ذلك لأنه حقيقة واقعة .

يا سيدي الأزهر محتاج استقلال .. والأوقاف لازم تتظبط ويعملولها اعادة هيكلة وتتربط مع خريجي الأزهر
متفق معاك برضه .. لازم زي ما بتقول يبقى عنده استقلالية ويتحرر من ضغوط الدولة التي كانت تمارس عليه كما كان يحدث في العهد السابق .. بس هو فعلاً الضمانة الوحيدة للاسلام المعتدل بدون الدخول في مناقشات وجدالات كثيرة .

يا سيدي انا الحمد لله خاتم القرآن ودارس اصول فقه ومتن ابو شجاع -المذهب الشافعي- وبكمل حاليا فيه ودارس مصطلح -الحمد لله وربنا يعني واكمل- (وعلى ايادي كمان شيوخ من الأزهر)
وعايز ادخل ادرس في الأزهر .. مينفعش .. ليه ؟ عشان انا مش من صغري في الأزهر .. وسمعت لازم ارفع قضية عشان يدخلوني وممكن ميرضوش في الآخر
ربنا يوفقك إن شاء الله في الاستزادة في العلوم الدينية .

انا إلى الآن مش فاهم ليه حضرتك سبت كل الموضوع وركزت على حاجة واحدة
الشيوخ اكثر من مرة نبهوا من الإعلانات وقناة الرحمة قالت نحن غير مسؤلين عنها
الشيخ محمد حسان قال يا جماعة احنا مش مسؤلين عنها .. وقالهم خلونا صريحين لولا الإعلانات القناة هنصرف عليها منين
وقال القناة بتحتاج مليون ونصف دولار ايجار قمر صناعي نيل سات وزيهم للعرب سات كل سنة
طعا دا غير ايجار الاستوديوهات والتصوير والبث
مش عارف الكلام ده موجه ليا ولا لغيري ؟!
على العموم أنا كان تركيزي على عودة الأزهر وعلمائه الأجلاء كجهة وحيدة يستقى منها العلوم الدينية في العالم أجمع وليس في مصر فقط .. كما كانت في سابق عهدها .

وتعليقا على كلام استاذ ziabassem
مين من الشيوخ بياخد اجر باهظ ؟,.. انا مش عايز اقول لحضرتك ان معظم الشيوخ اجورهم عادية جدا
بل في برامج كاملة قايمة بدون مقابل ..
لو تلاحظ حضرتك أني في مداخلتي ذكرت كلمة "قد" يتقاضون أجور مرتفعة .. ومعنى كلامي أنه ممكن تكون الأجور مرتفعة .. وممكن تكون منخفضة .. وممكن تكون لوجه الله .. وتعمدت ذكر كلمة "قد" لأني لست عالم ببواطن الأمور .

واخيرا
سؤال لصاحب الموضوع .. هو فعلا سيادتك مش شايف للقنوات دي اي فايدة ؟!
وللعلم انا مش سلفي .. بس شايف ان القنوات دي فعلا اثرت في ناس كتير

في الأخر مينفعش نعمم الجزء على الكل .. وبالعكس الكل على الجزء .. وأنا عن تجارب شخصية اتعاملت مع ناس كتير بجلالايب ودقون وكان فيهم الصالح وكان فيهم الطالح .. ومع ذلك مقدرش أقول أن كلهم كويسين أو كلهم وحشين .. إنما الحكم بيكون على كل فرد بذاته بناء على خبرات التعامل السابقة .