شوية مشاكل في الجين 2.

**Shehab1337** · 15-07-2011 04:04 AM

صباح الفل علي اجمد منتدى في الدنيا.

انا معايا جين 2 موديل 2007 ماشيه 111000 كيلو.

اول مشكلة هي ان في صوت بيحصل لما اخد نقرة او حفرة صغيرة و هو صوت "طك" جامد بيحصل ورا بس قفلت الشباك و الصوت لسه موجود كانه من جوا مش عارف. الصوت بيحصل في الحفر بس لكن لو لبست مطب علي سرعة مفيش حاجه تحصل يعني لما العجله تقع لتحت و تطلع.

في ناس قالولي ده من المساعدين الخلفية. في ناس قالولي ده من السوست يا مان. في ناس قالولي لأ يا معلم الصوت ده بيطلع من الكنبه الخلفيه و دي مشكله بتحصل ساعات في الجين 2. انا مش فاهم حاجة.

و انا عندي سؤال تاني, ازاي اعرف العفشة انتهت ولا لأ.

تاني مشكله و هي صوت تكتكه في العجلة اللي ادام علي اليمين. الصوت بيحصل علي سرعة هاديه و مش بسمعه غير لما اقرب من الرصيف عشان الصوت يرد في الرصيف و اسمعه (تك تك تك تك تك تك تك تك تك).

ثالث مشكله و هي الفرامل. انا معرفش اذا كانت الفرامل حلوة ولا لأ بس بأحس انها ضعيفة و ساعات بحالات, ساعات ضعيفة و ساعات قوية فايه الحل؟

رابع مشكله و هي الزراير اللي في الدركسيون, بيعلقوا علي بعض يعني تيجي تدوس mute يقوم يعلي الصوت, تيجي تغير المود يغير الاغنية, تيجي توطي يعمل mute و كل زراير الدركسيون علي الحال ده.

خامس مشكلة. السينسور الورا علي اليمين معلق, يعني انا علطول سامع صفارة و انا جايب مرشدير بس صفارة متقطعة درجة ثانيا بس لما اوصل الدرجه الثالثة فيصفر درجه ثالثة. هل ممكن يتصلح؟ هل ممكن اشتري واحد تاني ولا لازم الطقم مع بعضه؟ و بكام؟

شكرا جدا و ارجو المساعدة.

**moamen_badboy** · 15-07-2011 03:51 PM

المشاركة الأصلية كتبت بواسطة shehab1337

صباح الفل علي اجمد منتدي في الدنيا.

انا معايا جين 2 موديل 2007 ماشيا 111000 كيلو.

اول مشكلة هي ان في صوت بيحصل لما اخد نئرة او حفرة صغيرة و هو صوت "طك" جامد بيحصل ورا بس افلت الشباك و الصوت لسه موجود كانه من جوا مش عارف. الصوت بيحصل في الحفر بس لكن لو لبست مطب علي سرعة مفيش حاجه تخصل يعني لما العجله تقع لتحت و تطلع.

في ناس قالولي ده من المساعدين الخلفية. في ناس قالولي ده من ال سوست يا مان. في ناس قالولي لأ يا معلم الصوت ده بيطلع من الكنبه الخلفيه و دي مشكله بتحصل ساعات في الجين 2. انا مش فاهم حاجة.

ثالث مشكله و هي الفرامل. انا معفش اذا كانت الفرامل حلوة ولا لأ بس بحس انها ضعيفة و سعات بحلات, سعات ضعيفة و سعات قوية فايه الحل؟

رابع مشكله و هي الزراير اللي في الدركسيون, بيعلقو علي بعض يعني تيجي تدوس mute يئوم يعلي الصوط, تيجي تغير المود يغير الاغنية, تيجي توطي يعمل mute و كل زراير الدكسيون علي الحال ده.

شكرا جدا و ارجو المساعدة.

انا معايا 2007 برده وبعانى من نفس المشكلة
متابع بشدة

**E30power** · 15-07-2011 04:00 PM

وانا مش معايا الجين ...بس رسبكت للعربية دية بصراحة ...

عموما بصفة عاملة العفشة لما بتجيب اخرها دة بيحصل ..

**spiderloking** · 15-07-2011 04:48 PM

المشاركة الأصلية كتبت بواسطة Shehab1337

صباح الفل علي اجمد منتدي في الدنيا.

انا معايا جين 2 موديل 2007 ماشيا 111000 كيلو.

اول مشكلة هي ان في صوت بيحصل لما اخد نئرة او حفرة صغيرة و هو صوت "طك" جامد بيحصل ورا بس افلت الشباك و الصوت لسه موجود كانه من جوا مش عارف. الصوت بيحصل في الحفر بس لكن لو لبست مطب علي سرعة مفيش حاجه تخصل يعني لما العجله تقع لتحت و تطلع.

في ناس قالولي ده من المساعدين الخلفية. في ناس قالولي ده من ال سوست يا مان. في ناس قالولي لأ يا معلم الصوت ده بيطلع من الكنبه الخلفيه و دي مشكله بتحصل ساعات في الجين 2. انا مش فاهم حاجة.

هوه اصحابك مضحكوش عليك هوه الصوت ممكن يجي فعلا من الحاجات ديه بس علشان اعرف الصوت ده منين لازم اسمعوا بنفسي لأن كل حاجه منهم و ليها صوت معين علي العموم شوف موضوع الكنبه لأنوا انت بتقول بتقفل الزجاج و بردوا نفس الصوت يعني الصوت من جوه و كمان بص علي الشنطه ممكن يكون الاستبن مش مربوط كويس ورا و بيطقطق مع المطبات او اي حاجه حديد بتحك في صاج الشنطه

و انا عندي سؤال تاني, ازاي اعرف العفشة انتهت ولا لأ.

هتروح لأي عفشجي كويس يبص عليها بس تكون واثق فيه و هيقولك ايه الاخبار لأن مش العفشه كلها بتبوظ مره واحده

تاني مشكله و هي صوت تكتكه في العجلة اللي ادام علي اليمين. الصوت بيحصل علي سرعة هاديه و مش بسمعه غير لما اقرب من الرصيف عشان الصوت يرد في الرصيف و اسمعه (تك تك تك تك تك تك تك تك تك).

الصوت ده كان بيحصل عندي بس لما غسلت العربيه فوق و تحت الصوت ده راح اعتقد انوا كان حاجه زي تراب او حاجه كانت في العجله من جوه و بعدين مع الغسيل راحت

ثالث مشكله و هي الفرامل. انا معفش اذا كانت الفرامل حلوة ولا لأ بس بحس انها ضعيفة و سعات بحلات, سعات ضعيفة و سعات قوية فايه الحل؟

بالنسبه للفرامل هي كويسه بس هتلاقيها بتقل شويه و انت فاتح التكييف و ده طبيعي و بيحصل في كل العربيات

رابع مشكله و هي الزراير اللي في الدركسيون, بيعلقو علي بعض يعني تيجي تدوس mute يئوم يعلي الصوط, تيجي تغير المود يغير الاغنية, تيجي توطي يعمل mute و كل زراير الدكسيون علي الحال ده.

ديه بقي حاجه في المالتي انت عملت التعديل بتاع المالتي في التوكيل ولا لأ ؟

خامس مشكلة. السينسور الورا علي اليمين معلئ, يعني انا علطول سامع صفارة و انا جايب مرشدير بس صفارة متقطعة درجة ثانيا بس لما اوصل الدرجه الثالثة فيصفر درجه ثالثة. هل ممكن يتصلح؟ هل ممكن اشتري واحد تاني ولا لازم الطقم مع بعضه؟ و بكام؟

موضوع السينسور ده ممكن يكون بيهيس بسبب حاجه في الكهرباء و ممكن يكون باظ الله اعلم مش هقدر افيدك في موضوع السنسور ده اووي

شكرا جدا و ارجو المساعدة.

**RedBull_30** · 15-07-2011 10:55 PM

ممكن يكون الاكصدام الخلفي ادهن مرة تانية وطبعا جه الدهان على مكان السينسور و بشكل زيادة عن اللزوم متهيئلي ده ممكن يكون السبب

**Shehab1337** · 15-07-2011 11:36 PM

هوه اصحابك مضحكوش عليك هوه الصوت ممكن يجي فعلا من الحاجات ديه بس علشان اعرف الصوت ده منين لازم اسمعوا بنفسي لأن كل حاجه منهم و ليها صوت معين علي العموم شوف موضوع الكنبه لأنوا انت بتقول بتقفل الزجاج و بردوا نفس الصوت يعني الصوت من جوه و كمان بص علي الشنطه ممكن يكون الاستبن مش مربوط كويس ورا و بيطقطق مع المطبات او اي حاجه حديد بتحك في صاج الشنطه

لا مش من الشنطة اظن عاشان لو العجلة اليمين ورا هيا اللي خدت النقرا, الصوت يطلع من الناحيا بتاعت العجلة, الموضوع ده عندي من 9 شهور تقريبا.

الصوت ده كان بيحصل عندي بس لما غسلت العربيه فوق و تحت الصوت ده راح اعتقد انوا كان حاجه زي تراب او حاجه كانت في العجله من جوه و بعدين مع الغسيل راحت

العربية اتغسلت كتير و الموضوع ده اديم, عندي في العربية من زمان.

بالنسبه للفرامل هي كويسه بس هتلاقيها بتقل شويه و انت فاتح التكييف و ده طبيعي و بيحصل في كل العربيات

سعات الفرامل تخلي العربية من ولا تعوم بس علي خفيييييييييف اوي و علي سرعة 120 تقريبا.

ديه بقي حاجه في المالتي انت عملت التعديل بتاع المالتي في التوكيل ولا لأ ؟

لأ معملتوش, بكام ده؟ انا بره الضمان. و هل ممكن اعمله برا التوكيل؟ فين؟

المشاركة الأصلية كتبت بواسطة redbull_30

ممكن يكون الاكصدام الخلفي ادهن مرة تانية وطبعا جه الدهان على مكان السينسور و بشكل زيادة عن اللزوم متهيئلي ده ممكن يكون السبب

عمري مرشيت الاكصضام.

**Shehab1337** · 15-07-2011 11:38 PM

المشاركة الأصلية كتبت بواسطة e30power

وانا مش معايا الجين ...بس رسبكت للعربية دية بصراحة ...

عموما بصفة عاملة العفشة لما بتجيب اخرها دة بيحصل ..

اصدك الصوت اللي ورا؟ دنا علي كدة العربية باظت p: الصوت ده عندي من 9 شهور! بس العربية مفهاش حاجة.

**Shehab1337** · 16-07-2011 03:08 PM

ايه طيب محدش عارف حل لأي مشكلة فيهم خالص؟

**mido_the_7th** · 17-07-2011 12:39 AM

أنا عندي مشكلة المالتي دي زي ما تكون بتشرح اللي حصل معايا يا Shehab 1337
إيه موضوع التعديل اللي في التوكيل دا يا spiderloking ؟

**Shehab1337** · 17-07-2011 04:35 PM

يا جماعة حد يساعدني و لو بحل مشكله واحدة.

الموضوع: شوية مشاكل في الجين 2.

LinkBack

أدوات الموضوع

عرض

-

المواضيع المتشابهه

انا عايزاشترى الجين 2 وبتواجهنى مشاكل كتير

شوية مشاكل

مشاكل الجين تو

مشاكل ليس لها حل في الجين 2

هل واجهتك مشاكل صناعة في الجين 2 ؟

الكلمات الدلالية لهذا الموضوع

المفضلات

المفضلات

ضوابط المشاركة