الموضوع: مديريه امن اسكندريه اتكسرت من شويه وفيه ناس بتقول انها معتقله فيها من ايام مبارك

المشاركة الأصلية كتبت بواسطة a.saad

الاقسام اتبت من فلوس الشعب مش فلوس الظباط
العربيات بتاعة الشرطة ملك للشعب مش ملك للظباط
وحرق الاقسام فاد الثورة بايه
ولا حاجة
كسر هيبة الشرطة فاد المتظاهرين بايه
ولا حاجة

معتقدش ان فيه واحد نزل علشان يحقق مطالب الثورة راح حرق قسم
والاقسام اللى اتحرقت اغلبها فى مناطق مليان كسر ومخالفة للفانون وحالات تجارة مخدرات وتعدى على الاخرين

فعلا اتبنت من فلوس الشعب والعربيات من فلوس الشعب بس عمرها ما كانت فى خدمه الشعب ديه مخصصه لإهانه الشعب ده كان نظام قمع الشعب بس كده

ممكن حضرتك تقولنا السباب و الألفاظ النابية كانت من افراد الشرطة ولا من المتظاهرين السلميين و الشهداء الي بيحاولوا يقتحموا القسم؟

التصوير كان من ناحية الناس و افراد الشرطة بعيدة جدا .. فالسباب كان مصدره بالطبع الناس و هو كان محدود و موجه للحكومة لكن احببت ان احترم قوانين المنتدي ... و ليس لدي اقوال اخري

عموما لمن اراد مشاهدة الفيديوهات - يمكن البحث عن "قسم الرمل ثاني" في اليوتيوب
ايضا يوجد مشاهد لطيفة لاستسلام لواء و نقيب امن مركزي مع جنودهما للشعب في الاربعين بالسويس و مساعدة الناس و حمايتهم لهم و ده من الفيدوهات اللطيفة جدا التي تثبت حقيقة معدن الشعب المصري و طبيعة اهل السويس الابطال

المشاركة الأصلية كتبت بواسطة wael17

استأذن حضرتك تقولي فين الفيديوهات الي فيها وائل الكومي بيضرب متظاهرين سلميين عشان عملت بحث علي يوتيوب و مالقتش حاجة
و بالنسبة لانه قتل احد عناصر الشرطة برصاصة في الرأس...الاهالي شافوه؟ طيب و بقيت القوة و زملائه الظباط ما قالوش حاجة بعد نجاح الثورة و تقديم الكومي للمحاكمة؟ هو العنصر اللي اتقتل مش ليه زملاء برده؟



الفيديوهات اللي شفتها فيها دخان طالع من القسم يعني كان في محاولة لاحراقه
و كمان شفت ناس بتهتف بالفاظ نابية ما سمعتهاش لما كنت في مظاهرات 25 و 28
و الناس كانت واقفة رغم صوت ضرب النار...يعني كان واضح ان محاولة تفريقهم بضرب النار في الهوا مش مجدية
السؤال بقي اللي نفسي حد يجاوبني عليه...القوة الموجودة داخل القسم(20-30 فرد) لو ما ضربتش رصاص حي و دافعت عن نفسها..يا تري الناس الجميلة المحترمة (مئات او الاف) الي كانت بتهاجم القسم هايعملوا فيهم ايه؟؟؟؟؟؟؟؟؟
هايهربوا المساجين و ياخدوا السلاح و الاحراز و يقولوا للظباط اللي وقعوا في ايديهم روحوا بيوتكم و ما تعملوش كده تاني؟؟؟ و لا كانوا هايقتلوهم؟؟؟

هو دة اللي بقوله يا استاذ وائل

و شوفت الفيديو

انا مش مع اتي احاكم ضابط لنه قتل ناس زي ما حضرتك شوفت هاجمين عليه و على القسم بالطريقة دي

انما لو واحد قتل حد من المتظاهرين السلميين في الميدان او في منطقة تانية و أؤكد على كلمة سلميين يبقى دة يستاهل النفخ

بس الناس بتقول ان الكومي كان له مصايب تانية قبل الثورة و دة موضوع لوحده بس برضه مش يحصل في القسم عنده لأن الهجوم على الأقسام دة كان في مناطق و محافظات تانية

المشاركة الأصلية كتبت بواسطة a.saad

الاقسام اتبت من فلوس الشعب مش فلوس الظباط
العربيات بتاعة الشرطة ملك للشعب مش ملك للظباط
وحرق الاقسام فاد الثورة بايه
ولا حاجة
كسر هيبة الشرطة فاد المتظاهرين بايه
ولا حاجة

معتقدش ان فيه واحد نزل علشان يحقق مطالب الثورة راح حرق قسم
والاقسام اللى اتحرقت اغلبها فى مناطق مليان كسر ومخالفة للفانون وحالات تجارة مخدرات وتعدى على الاخرين

الله ينور و يفتح عليك

هو ده اللي انا باتكلم فيه و مش عارف ليه الناس شايفة كلامي غريب و بدافع عن ظابط حقير فاسد
الظباط دول...مش مهم اسمائهم ايه...لو ماكانوش ضربوا و قتلوا اللي بيحاولوا يقتحموا الاقسام كانوا هايتقتلوا و في كتير من الظباط و المجندين اتقتلوا في اليوم ده...يبقي ازاي أنكر علي اي بني أدم حق الدفاع الشرعي عن النفس...بغض النظر عن فاسد او صالح...نحاسبه علي الفساد مش نقوله ازاي تقتل ناس جاية تقتلك

تحاسب مين يا باشا

اذا كان لما هو قتل وفيه جثث وفيه شهود متحاسبش

يبقى حيتحاسب على سنين ظلم وقهر وضرب واهانه فى الشعب

انت غلبان اوى يا باشا


الناس دى كان المفروض تتنفخ وبعدين يتولع فيها عشان تنتهى وتبقى عبره ويجى بدالها ناس محترمه او لو مش محترمه تحترم نفسها بالعافيه

متقنعنيش ان ظابط محترم وكويس الناس حتهجم عليه عشان تضربه

وشوف شهاده كل الناس هنا عن الكومى محدش سمع عنه كلمه حلوه

سيبك من شهادتى انا بالرغم من انى فى نفس الدايره بتاعته بس شوف شهاده الناس هنا فى الموضوع عنه

اتفرجوا على الفيديو دة

أنا عجبني الموقف جدا
بس اقرأوا النعليقات اللي على الفيديو و خصوصا اول تعليق

‫ط«ظˆط±ط©25ظٹظ†ط§ظٹط± ط§ظ„ط³ظˆظٹط³ ط§ط³طھط³ظ„ط§ظ… ظ„ظˆط§ط، ظˆظ†ظ‚ظٹط¨ ط§ظ…ظ† ظ…ط±ظƒط²ظ‰ ظ„ظ„ط«ظˆط§ط± ظپظ‚ظˆظ…ظˆظ† ط¨ط.ظ…ط§ظٹطھظ‡ظ…‬‎ - YouTube