بص يا خالد بيه انا مستعد اقنعك كويس قوي بتبريرات حتقولي بعدها ان معاك حق ، بس للاسف انا حسبب احباط كبير للي عايش في مصر مش في مصلحة البلد حاليا
علشان كده انا حستحمل ظنك فينا وحسكت وان شاء الله تغير فكرك في يوم من الايام
بص يا خالد بيه انا مستعد اقنعك كويس قوي بتبريرات حتقولي بعدها ان معاك حق ، بس للاسف انا حسبب احباط كبير للي عايش في مصر مش في مصلحة البلد حاليا
علشان كده انا حستحمل ظنك فينا وحسكت وان شاء الله تغير فكرك في يوم من الايام
و الله اللى انا مقتنع بيه ماحدش عرف فيكم يثنيني عنه
على العموم ياريت كل واحد عاوز يسافر يجاوب على الاسأله دى بينه و بين نفسه
انا لما اسافر هل ده فيه منفعه للبلد و لا منفعه ليا ؟؟
لما اقعد فى مصر هل ده فيه منفعه للبلد و لا منفعه ليا ؟؟؟
انهو ابدى ... مصلحة البلد و لا مصلحتى ؟؟؟ - و لو حتجاوب بمصلحتك امال ازاى بتقول روحى فداها ؟؟
هل انا عندى اسواء ظروف معيشيه فى مصر .. يعنى مافيش حد مر بالظروف بتاعتى دى و ماسفرشى ؟؟؟
و السؤال الاخير - هل انتا تقبل انك تتعامل بنفس معاملتك للسودانيين اللى فى مصر ؟
احنا مهندسين مدني بقى شكلنا وحش
civil engineer
construction engineer
site engineer
site manager engineer
structural engineer
كل دي مسميات المهندس المدني و غيرها
عموما الحمدلله - انا كند كانت حلمي طوال ال 10 سنين اللي فاتوا - مش عارف ليه تباطأت بالطريقة السخيفة اللي انا فيها دي - اشتغلت و اتلهيت على عيني
الحمدلله
عموما اللي بيهاجر برة مصر بيفيدها اكتر ( تقليل الزحام - استنزاف موارد اقل - توفير فرضة عمل لغيره (
السلام عليكم و رحمة الله و بركاته
أنا متهيألى أن اللى بيهاجر, لو حاطط فى دماغه, أنه يفيد مصر, هيقدر يفيدها, أنا على وضعى الحالى ده, مجرد أنى أسافر حتى الخليج مش كندا و أجيب قرشين أحطهم فى بنك فى مصر, بالنسبة لوضعى أنا, أفيد من أنى أفضل فى مصر, لأن بقعدتى فى مصر, لا هجيب القرشين دول و لا هحطهم فى البنك.
واحد زى مجدى يعقوب ده, لو ماكانشى سافر انجلترا من 40 سنة, كان هيبقى ايه حاله, بالكتييييييييييييييييير أوى, كان هيبقى أستاذ جراحة القلب و الصدر فى أى جامعة مصرية -ده لو ماكانشى فيه اضطهاد و كانت الأبواب مفتوحة أودامه- و كان هيبقى كل همه, أنه يمر عالمرضى مع النواب الصبح فى المستشفى و يتمنظر على النواب أودام المرضى, عشان المرضى يعرفوا أن ده الدكتور الكبير وسط العالم دى و لما يخرجوا من المستشفى يقوموا يروحوله العيادة بتاعته يتاتبعوا معاه و لما يخلص المرور و اللستة بتاع العمليات, يجرى عالعيادة الخاصة بتاعته سعيا وراء امتصاص دماء المرضى اللى جايين له العيادة و بعد العيادة ماتخلص آخر الليل, يقوم يقابل مندوبين الدعاية عشان ياخد منهم الهدايا عشان يكتب لهم الأدوية بتاعتهم, أو يظبط مع بتوع الدعاية أنهم يدفعوله تكلفة مؤتمر 3-4 أيام فى شرم و لا برج العرب و لا العين السخنة و خلاص.
أكيد مجدى يعقوب -مثلا- بالمركز بتاع القلب اللى عمله فى أسوان أفاد مصر أكتر مما لو كان فضل فى مصر, و فيه أمثلة غير مجال الأطباء بس أنا اللى أكيد ماعرفش.
أكيد فيه ناس بتهاجر و تقول عدولى و بينسى بلده و خلاص, النموذج ده أكيد موجود كتير, الناس اللى زى دول مش هيفيد بلده, حتى لو فضل فى مصر.
ده لو الطبيب اللى مهاجر و ناجح بره ده, رجع كل سنة مصر شهر أجازة و عالج مرضى مجانا, هينفع بلده و رجل الأعمال اللى مهاجر و ناجح بره لو جه و أخد حته أرض فى مدينة جديدة و بنى عليها اسكان للشباب و باعه ليهم بسعر التكلفة, يبقى خدم مصر و شعب مصر.
عشان كده, أنا مابربطش بين الوطنية و رد الجميل للوطن و بين الالزام بالبقاء جوه مصر.
ده رأيى و طبعا كل واحد حر جدا فى رأيه.
اسمحلي بردو اختلف معاك و اسجل اعتراضي على الجملة دي...
حضرتك لما تقدم على هجرة, و بعد ما تسافر بمدة معينة ( 3 سنين ) بتاخد ( الجنسية الكندية )
و ليك كل حقوق المواطن الكندي ( درجة اولى ) و عمرك ما هتكون درجة تانية مهما حصل,
و اولادك لو اتولدوا هناك, بردو هيفضلوا درجة اولى و عمر ما في شخص يقدر يقولك انت و انا !!!
تسألني عن السبب... اقولك ببساطة ان دي دول محترمة و متعددة الثقافات و الاجناس,
و مافيش عندهم حاجة اسمها درجة اولي و درجة عاشرة... كل مواطن كندي هو درجة اولى عندهم
و مش بيدعموا الفكر اللي حضرتك بتتكلم بيه ده اطلاقاً, و للأسف دول العالم الثالث و الخليج بس هما اللي كده !!!
في النهاية هي وجهات نظر, بس جزء كبير من معلومات حضرتك و فكرتك غير صحيح...
انا مش في موقف اني اقنعك بوجهة نظري, و لا في موقف دفاع عن افكاري او موقفي...!!
اطلاااااااااقاً, لكن انا بصلح معلومات غير سليمة بحقائق مش كلام مرسل...
و رداً على اسئلتك و القصة اللي حضرتك استشهدت بيها بتاعة سوني... ليا سؤال واحد بس...
هل ممكن حضرتك تطبق المثال ده عملياً و تشتغل بدون اي مقابل او دخل علشان تنمي مصر و الاقتصاد ؟؟؟
تحيــاتي...
رداً على اسئلتك علشان ماكنش رديت على سؤالك بسؤال...
- انا لما اسافر هل ده فيه منفعه للبلد و لا منفعه ليا ؟؟
لما اسافر اقدر انفع نفسي و البلد و اشغل اكتر من شخص هنا في مصر بأكتر من طريقة
- لما اقعد فى مصر هل ده فيه منفعه للبلد و لا منفعه ليا ؟؟؟
احتمال ابقى منفعة للبلد, و احتمال ابقى زي غيري مش قادر احرك ساكن في البلد
و ده متوقف على (اللي ماسكين البلد) عايزيين ايه و هيدوا الفرصة لمين... انت و حظك
بس الأكيد اني مستحيل اكون بنفع نفسي ابداااااااااااااا لمليووووووون سبب مش سبب واحد
- انهو ابدى ... مصلحة البلد و لا مصلحتى ؟؟؟
- و لو حتجاوب بمصلحتك امال ازاى بتقول روحى فداها ؟
الابدى مصلحة البلد و مصلحتي سواء, مش مصلحة البلد بس و انا مش مهم... لأ طبعاً
و لو البلد مش خايفة على ولادها و على الكفاءات اللي فيها في كل المجالات, ماتنتظرش
انهم يفضلوا فيها لانهم مش هيفضلوا طووول عمرهم صابرين على البلد تحن عليهم
و تديهم فرصة شغل, او شقة كويسة, او دخل آدمي, او معاملة محترمة في المصالح الحكومية,
او شارع متسفلت و مافيهوش بلاعات مفتوحه و نقر كل يوم عربية تتقلب عليه, و غيره و غيره...
انا لو فضلت فيها, يبقى بضيع مستقبلي و عمري و مش هوصل لاي هدف او طموح
من اللي بتمناهم طووول عمري, و لا هاخد على صبري على البلد و قعادي فيها ثواب
من ربنا علشان ينفعني في آخرتي... يعني بالبلدي كده, لا دنيا و لا آخرة !!!!!
يبقى اقعد فيها لييييه لو مش مقدراني و لا مقدرة حد, و لا مستحملانا اصلاً كما لو اننا عبئ !!؟؟؟
لأ اسافر بره, و اعيش كويس, و احاول افيدها بأكتر من طريقة, و بردو تبقى روحي فداها...
- هل انا عندى اسواء ظروف معيشيه فى مصر..
يعنى مافيش حد مر بالظروف بتاعتى دى و ماسفرشى ؟؟؟
لأ... في ملاااااااااايين بيمروا بالظروف دي, و الشعور ده بردو, بس 75% منهم
مايقدروش يسافروا, لان عمرهم اصلاً ماشافوا الهرم ولا البرج علشان يفكروا يطلعوا بره مصر,
و الـ 25% التانيين منهم اللي بيحاول يوهم نفسه انه كده كويس و ده آخره, هو هينهب !!
و منهم اللي بلا طموح و مش عايز اصلاً حاجة غير انه يقبض اي مرتب و اهي ماشية !!!
للأسف انا مش واحد من الاثنين دول... ولله الحمد اقدر اسافر و عندي طموح و نفسي
اعيش في مجتمع راقي, اشم هواء نظيف, اعلم ولادي احسن تعليم, اتعامل كبني آدم...
دول اصلاً اقل ما يذكر من حقوقك كبني آدم لازم تاخدهم عادي جداا, مش تشحتهم, و بردو مش هتاخدهم !!!!!!!
- هل انتا تقبل انك تتعامل بنفس معاملتك للسودانيين اللى فى مصر ؟ (تقصد درجة تانية)
هرد عليك تاني... عمري في اي بلد من اللي بنتكلم عليهم دول ما حد هيعاملك انك
درجة تانيه, او باكستاني في الخليج !!! دي مجتمعات متحضرة و راقية و مش بتفكر
التفكير ده خااااااااالص, و اي شخص معاه الجنسية, فهو مواطن ليه كل المميزات و الحقوق
و الواجبات بتاعة كل المواطنيين في البلد دي, و ماحدش احسن من حد...
في المقابل بقى... اسمحلي اقولك اننا عايشين في البلد دي درجة تااااااااسعة, مش تانية حتى, يعني لو
هنفترض ان في حد هيسافر برة و يعيش درجة تانيه على حد تعبيرك, يبقى اكيد احسن من هنا بردو !!!
بكدة ابقى رديت على اسئلتك, و مش بيني و بين نفسي علشان يبقى الكل عرف الرد...