الموضوع: اجيبها من التوكيل ولا من معرض ؟

انا رايى الشخصى لو فلوسك كاش توكلى على الله واشترى من التوكيل بدون ماتفكرى لان التوكيل امان اكتر وتعرفى تاخدى حقك فى اى وقت لو حصل معاكى اى حاجة لاقدر الله .. اما المعارض انت وحظك بقى وطبعا لو بصينا للفرق هتلاقى الف جنية ولا حاجة او حتى نفس السعر وعليها هدية زى تلفزيون 24 بوصة مثلا شغل ضحك عالدقون يعنى علشان يجيبوا الزبون وخلاص .. وفى النهاية استخيرى ربنا وبالتوفيق ان شاء الله

[QUOTE=katoba;3873665588]انا رايى الشخصى لو فلوسك كاش توكلى على الله واشترى من التوكيل بدون ماتفكرى لان التوكيل امان اكتر وتعرفى تاخدى حقك فى اى وقت لو حصل معاكى اى حاجة لاقدر الله .. اما المعارض انت وحظك بقى وطبعا لو بصينا للفرق هتلاقى الف جنية ولا حاجة او حتى نفس السعر وعليها هدية زى تلفزيون 24 بوصة مثلا شغل ضحك عالدقون يعنى علشان يجيبوا الزبون وخلاص .. وفى النهاية استخيرى ربنا وبالتوفيق ان شاء الله[/QUOTE

متشكرة جدا ع الرد

المشاركة الأصلية كتبت بواسطة megaman

نصيحه لوجه الله بلاش العربيه دى مع اخويا عامله دلوقت 60000 بس حاجه تسد النفس وعلى فكره سعرها مش رخيص احسن تشوفى حاجه تانيه معلش انا اسف على الصدمه بس هى دى الحقيقه عربيه تعبانه خسارة الفلوس فيها عايزين نقول مبروك على حاجه احلى تقبلى مرورى واسف مره اخرى

انا بقالى شهر والله بدور على عربيه لقيت ان دى انسب حاجة ليا وعلى اد فلوسى لانى مش عايزة اجيب مستعمل وبعدين الاستعمال هيبقى بسيط اوى

المشاركة الأصلية كتبت بواسطة moustafa_saad

هو التوكيل اضمن طبعا بس ممكن يغيب فى التسليم
المعرض ممكن يبقى ارخص الف جنيه او خمسميه بس بيسلم على طول

متشكرة جداا والله ع الرد

استخارة وتوكلى على الله التوكيل اكيد اضمن

بالنسبة لموضوع اسبرنزا او غيرها الاختيار يرجع لحضرتك بعد التفكير طبعا والاستخارة وانا شايف ان العربيات اللى عليها كلام بتكون حظوظ يعنى مع ناس كويسة ومع ناس وحشة .. انا معايا ام 11 ناس شكرتلى فيها وناس شتمت كتير ولكن هى معايا بقالها 3 شهور منكرش ان مفيش عيوب ظهرت لكنها بسيطة وبتتحل فى الصيانات الدورية

اتمنى من الله يوفقك للاختيار الصحيح

متابع

بصى المعارض الصغيرة افضل لك من الكبيرة ال بقت زى السوبر ماركت وزحمه ومحدش فاضى يسمعك ولا يتكلم معاكى وقاعدة تلفى بنفسك وتجرى ورا كل واحد . المصريه وسمير ريان مرة ادامى سلموا فيرنا لعميل بطاريتها خربانه وعايزين يقنعوا الراجل ان العربيه تتزق ومجرد تشغيلها ساعه تتشحن الراجل ادامى وبعلو صوته انا عايز فلوسى ولم الناس وطلع باشا وهز نفسه وخلى الفنى يفك بطاريه عربيه من جوة المعرض ويركبها . سمير ريان سلم عربيه مخبوطه من تحت جامد الظاهر من التحميل حدث شيىء والزبون لبسها واكتشفها لما غسلها ورجع للباشا قاله انا مسلمك العربيه وطالما استلمت وخرجت روح للتوكيل انا بياع .. الخلاصه فى ظل الفوضى دة اما معرض صغير بيخاف على سمعته لانه عايز يبيع ويكبر او الوكاله نفسها وسيبك من المعارض السوبر ماركت فى الشراء الجدى اتفرجى عندهم بس اشترى من الوكاله او معرض صغير