الحرارة بتعلى على السرعات العالية ..!!

**SAMEH_FOUAD** · 19-07-2011 05:09 PM

حودة عامل اية يامان

عملت اية فى اللى انا قولتلك علية ؟؟؟؟

**Ghost2** · 26-07-2011 05:02 AM

السلام عليكم .. المشكلة عند حضرتك مش في الجوان او الريدياتتير

حضرتك اولا لازم تكبس للعربية هوا وتشوف فيها حاجه بتنفس ولا لا .. ولو لقيت حاجه هتعالجها .. ولو ملقتش حاجه فيها مشكلة .. يبقى المشكلة عند حضرتك ان الموتور واخد هوا
ودي حاجه سهله تتعالج بس المهم انها تتعالج صح .. حضرتك هتسيب العربية تبرد خالص بمعنى تبرد خالص ويستحسن تعملها الصبح بدري ... هتفتح غطا الريدياتير وتفك مسمار المياه او المكان اللي بتاخد الهوا منه وتزود مياه لحد ما المكان بتاع الهوا ده ميطلعش فغاقيع خالص ... يطلع مياه بس من غير فقاقيع وبعد كده لو مفيش مشكلة في قطعة معينة هتلاقي العربية ظبطط معاك

بعض الحاجات الي المفروض تبص عليها
1- غطاء الريديتاير
2-كوعة الترموستات
3-المروحة
4-كوع المياة
الحاجات دي اي ميكانيكي يشوفها لحضرتك

ملحوظة .. ان لم تتم معالجة المشكلة بشكل صحيح قد تؤدي الي جوان

وتقبل فائق تحياتي

**sanhory** · 26-07-2011 10:23 AM

المشاركة الأصلية كتبت بواسطة mahlove

هل ممكن اعمل الحاجات دى لوحدى ؟! (dys) ولا لازم ميكانيكى

وفين مسمار المياه ده

وازاى اعرف اذا كان غطا الريدياتير بايظ او لأ ..؟!

يا استاذي العزيز حضرتك قلت العربية بتسخن عالسرعات العالية بس و طالما سرعات بس يبقى ردياتير و معظم الناس جاوبت حضرتك انه الردياتير وحش , حضرتك متدخلش نفسك في مصاريف ملهاش لازمة عشان هى ملهاش حل غير تغيير الردياتير .

**vjack** · 26-07-2011 10:43 AM

المشاركة الأصلية كتبت بواسطة sanhory

يا استاذي العزيز حضرتك قلت العربية بتسخن عالسرعات العالية بس و طالما سرعات بس يبقى ردياتير و معظم الناس جاوبت حضرتك انه الردياتير وحش , حضرتك متدخلش نفسك في مصاريف ملهاش لازمة عشان هى ملهاش حل غير تغيير الردياتير .

**Ghost2** · 26-07-2011 03:53 PM

بالنسبة للحاجات دي حضرك ممكن تعملها طبعا بس يستحسن ميكانيكي لانه متمرس طيعا ... بالنسبة لغطار الريدياتير هتفتحة لو لقيت الكاوتشة او قلب الغطا متاّكل يبقى هتغيره ... بس انا شاكك في الريدياتير او كوعة الترموستات

**sanhory** · 27-07-2011 12:35 PM

المشاركة الأصلية كتبت بواسطة mahlove

طيب بس ماتزقش..

انا فعلا هغير الردياتير كله ان شاء الله انا بس بسأل علشان لو حاجة ممكن اعملها مؤقتا اعملها

وبرضه علشان نستفاد من خبراتكم ياسيد سنهورى

طيب من غير زق اهو ... هههه

انا بس مش عايزك تغرم حاجة عالفاضي عشان دي مشكلة انا شخصيا عيشتها في كذا عربية و كنت بحاول اجيلها يمين و شمال عشان اتفادى تغيير الردياتير لدرجة اني كنت بسيخ الردياتير و برده كانت بتسخن في السرعات (الردياتير كان على اخره) فا اي قرش حيتصرف غير انك تجيب ردياتير تاني يبقى كانك بترميه عالارض ومفيش اي حاجة حتجيب نتيجة .

**MohaMed_Refaat** · 27-07-2011 10:17 PM

خلاص طالما مش بتسخن غير على السرعات يبقى بلاش تمشى بسرعة واهوة فى العجلة الندامة :)))))))))

على فكرة عايز اقولك ان المكنة القديمة بتاعتى كانت بتعمل نفس الحكاية معايا وعملتها معايا مرة على طريق الغردقة وانا جاى من الاقصر طلعت عيييييييييييييييييييييييي يينى ولما جيت اخويا خدها مشوار ماشية رجعها على طبلية المكنة فوتت
فخلى بالك كويس من الحكاية دية