الموضوع: ثقافة الفلاشر

والله معاك حق
وللأسف الملتزم الناس بتفتكره غشيم (جهل)
أنا للأسف من الملتزمين و ياما بشوف نظرات عجيبة من الناس
لدرجة في مرة بدي اشارة وداخل شمال هلف اليوترن الائي سواق تاكسي بيكبس عايز يسبئني من شمالي وميخدش اليوترن ويكمل علي طول روحت مطنش اليوترن ومكمل معاه وكاسر عليه ونزلت الازاز وقولتله
يا أسطي هو انا كنت مديك إشارة ولا مديك سيجارة انت مش شايفني داخل
طبعا بص لأئا نازل من العربية 3 صحابي من بتوع إيه بئولك انت لم نفسه وأصل العربية عليه اقساط وبحاول اجري عشان اسدد القسط وكلام فارغ من ده
ماركة بهدل العربية وسدد قسطها واعمل حادثه والتأمين يردها
ومش مهم الناس اللي حواليك
طب بص عشان نكون عمليين إحنا أكبر تجمع عربيات في مصر هنا في المنتدي وطبعا فينا الملتزم وفينا اللي مكبر دماغه
تعالو نحدد ميعاد مثلا من أول رمضان كل سنة وأنتم طيبين
كلنا نلتزم ونحاول نأثر في أصحابنا ومعارفنا
وطبعا التأثير هيشمل الناس اللي سايقة في الشارع بالتبعية
بجد لأن الالتزام عدوى ومع الوقت بجد هنبئا عملنا حاجة كبيرة جدا
وبقترح نعمل ذي وثيقة أو نشرة فيها القواعد اللي المفروض نلتزم بيها (معلش فينا ناس بتخالف نتيجة عدم معرفة)
وكمان بطلب من الادارة تثبيت النشرة دي (ليسهل طبعها بشكل فردي)
ولو لينا في المنتدى حد عنده مطبعة ممكن تطبع ونحط عليها شعار نايل موتورز
وتوزع ولو كل عضو وزع 5 نسخ بجد هنعمل تأثير جامد جدااااااااااااااااااااااا اا

المشاركة الأصلية كتبت بواسطة syd

السلام عليكم ورحمة الله وبركاته

حضرتك لو ماشي علي طريق اياً كان سريع او داخل المدينة
لو لقيت الطريق قفل او قابلك مطب او تحويلة او اي drop علي الطريق المفروض تشغل نور الأنتظار او بيسموه park-flasher
للأسف هذه الثقافة غير موجودة تماما في بلدنا الا من رحم ربي

انا شخصيا بعمل كدة وكتير اوي لما بعمل كدة بلاقي الي ورايا راح طالع مني وباصصلي علي اني عملت حركة عيب او غير لائقة

يعني مثلا لما تنزل من علي كوبري صفط الجديد بتلاقي يقابلك عدة مطبات صغيرة بس بتهد العربية انا شخصيا بهدي وبشغل الانتظار الاقي كلاكسات وتقليب نور ويقوم واحد معدي منك وباصصلك حتة دين بصة كأنه عايز يشتمني

المهم

الي اخطر من ذلك الي بيشغل الاشارة بعد خلاص مايدخل الملف او الشارع الي عايز يدخله وانت ولع بجاز

دة يا راجل انا لو راجع بظهري بشغل الاشارات
لو بصيت في المراية ومالقتش حد ورايا بردو بشغل الاشارات
فانوس الأشاراة الأمامي الي جمب الفانوس مكسور عندي ومفهوش لمبة بردو والله بدي اشارة في اتجاهه للي جاي في المقابل وانا متأكد انه مش هيعرف اني داخل يمين وهيشتمني ويقول عليا عديم ثقافة الأشارات بس بردو بشغله وبعمل الي عيا

انا نفسي نوعي الناس بأهمية وضرورة الفلاشر

انا بتفاجأ بالعربية الي قدامي بتفرمل فجأة وهبقي هخبط فيه وبقول لو كان يشغل الأنتظار

طريق المحور بتاع اكتوبر، في ناس كتير مش حافظه مطباته لو كل واحد فينا حافظها وشغل الانتظار قبلها بمسافة كافية كان ممكن ينقظ البيجو ال504 (دي كانت حادثة علي المحور بعد هايبر بشوية - عربية 504 اتفجأت بالمطب وكالعادة هو شخصيا مش مشغل الانتظار وهب راح ميكروباص لابس فيه مدخل الشنطة في الصالون - انا معاك ان الميكروباص كان المفروض يمشي في حارة الخدمات لكن حتي لو ، ماهو كان ممكن يبقي عربية ملاكي)

المهم

برجاء لكل من يقرأ هذا الموضوع ان يحاول استخدام الفلاشر بشكل اكثر فعالية لتحذير الغير ومحاولة تجنب مثل هذا الحادث كفاني الله واياكم شر الطريق ومحاولة منا لتكون قيادتنا اكثر امانا واكثر تحضراً
وان يوعي غيره بضرورة استخدام الأنتظار والفلاشر بوجه عام

الحالات الواجب تشغيل نور الأنتظار فيها
1- عند العلم بوجود مطب ويكون التشغيل قبلها بمسافة كافية ولتكن 500 متر علي الطرق السريعة و 100 متر داخل المدينة
2- عند تقليل السرعة بشكل ملحوظ ويستحسن التشغيل قبل التهدئة وليس بعدها
3- عند التفاجؤ بأي مستحدث علي الطريق كأن يحدث اصطدام او التفاجؤ بمنعطف او تحويلة او مطب او اي شئ غير طبيعي يظهر فجأة
4- عند الأنتظار علي جانب الطريق للتحدث في الهاتف او لأي سبب من الأسباب
5- عند الرجوع للخلف لأي سبب من الأسباب

اسف للأطالة ولكن اتمني ان يجد موضوعي القبول لديكم ولكم مني وافر التحية

والله المستعان
،
،

الموضوع بتاعك ده فى غايه الاهميه يريت كلنا نهتم ونوعى بعض ونوعى غيرنا حضرتك عملت اللى عليك وبدأت كتابه فى المضوع لازم كل واحد يكون عنده اقتراح او يخطر بباله فكره لتحسين المرور او التوعيه بأهمية الالتزام بقواعد المرور او خطورة الاهمال فى المرور لازم يكون ايجابى ويشارك باللى يقدر عليه لدرجة انى من زمان كنت بقول ان فى المساجد ورجال الدين عموما لازم يتكلموا فى الاهتمام بالقياده السليمه حفاظا على الارواح وعلى كل حال جزاك الله كل خير لايجابيتك ولو كلنا خدنا خطوه على الاقل (بقلبك وهذا اضعف الايمان والله المستعان).

عايزين نفكر فى افكار تشجع الناس على حسن القياده وتكون بشكل غير مباشر وعندى اعتقاد لا ادرى مدى صحته ان حسن القياده والألتزام بالقواعد السليمه لو النيه للله يبقى من اماطة الاذى عن الطريق والذى هو شعبه من الايمان بالاضافه الى حق الطريق الذى وصى به الرسول الكريم عليه الصلاة والسلام وطبعا عمل الخير فى الاديان مطلوب

انا قرأت مواضيعك
يا أ/ SYD
حضرتك المفروض تشتغل في وزارة النقل والمواصلات
وبجد يارب أشوفك وزير