بيكانتو 2005 ولا بولو 2001

**emadspeed** · 05-05-2008 05:07 PM

السلام عليكم

الرجاء من اعضاء المنتدى الكرام عمل مقارنة بين العربيتن دول

ولجميع الاعضاء جزيل الشكر مقدماُ

**mohamed1992** · 06-05-2008 12:32 AM

انا كمان عاوز اعرف مقارنة بين البيكانتو والC3

ممكن من اعضاء المنتدي المساعدة في المقارنة من حيث انا والاخ الي عاوز يقارن بين البولو مو 2000 وال بيكانتو مو 2005
وشكرا

**NaderNabil** · 06-05-2008 01:28 AM

عايز توفير في قطع الغيار و موديل حديث و سهولة في الصيانة و كيلومتر قليل اتجه للبيكانتو 2005و 2006

عايز شنطة أكبر و موتور أضعف من البيكانتو و خامات داخليه أنضف و قطع غيار و صيانة ناااااااار و معقدة و تقفيل أوروبي...اتجه للبولو 2001

و نفس الكلام بتاع البولو ينطبق علي ال C3.عدا ان موتورها أقوي سنة صغيرة (1200سي سي)

**SEATLOVER** · 06-05-2008 01:58 AM

المشاركة الأصلية كتبت بواسطة NaderNabil

عايز شنطة أكبر و موتور أضعف من البيكانتو و خامات داخليه أنضف و قطع غيار و صيانة ناااااااار و معقدة و تقفيل أوروبي...اتجه للبولو 2001

يعنى كدة يا نادر الراجل هايتجة ازاى يعنى لإتجاة دة ..ما انت قفلتها فى وشة على الاخر
ماتقولة انا برشح البيكانتو و خلاص !

**NaderNabil** · 06-05-2008 11:39 AM

المشاركة الأصلية كتبت بواسطة SEATLOVER

يعنى كدة يا نادر الراجل هايتجة ازاى يعنى لإتجاة دة ..ما انت قفلتها فى وشة على الاخر
ماتقولة انا برشح البيكانتو و خلاص !

لأ هو انا غلط اني كتبت الحاجات كلها لازقة في بعض

مميزات البولو:
الوسع
الشنطة اكبر
الخامات الداخلية أقيم و جودة أعلي
تقفيل اوروبي (أسباني)

العيوب:
موتور 1000 سي سي ضعيف مع التكييف و الاحمال
صيانة معقدة
قطع غيار غالية
كيلومتر عالي

أنا كنت عايزه يفاضل ما بين الاتنين و يشوف ايه اللي محتاجه و ايه اللي مش محتاجه...لأن زي ما انت شايف البولو فيها مميزات عن البيكانتو برده....و الاتنين أنا مجربهم و عارفهم كويس جدا:)
و انا مبحبش أرشح سيارة و خلاص...ممكن اللي قدامي مش بيفكر بنفس اسلوبي...فالازم اديله المعطيات و هو يحسبها بدماغه

**SEATLOVER** · 06-05-2008 02:43 PM

المشاركة الأصلية كتبت بواسطة NaderNabil

لأ هو انا غلط اني كتبت الحاجات كلها لازقة في بعض
العيوب:
موتور 1000 سي سي ضعيف مع التكييف و الاحمال
صيانة معقدة
قطع غيار غالية
كيلومتر عالي

-الموتور ال 1000 للبولو بهورس باور وقوة اى عربية 1300 فى وقتها والتكييف و الاحمال لا تؤثر على التكييف سوى ما عدم ظبط كنترول العربية فقط
-صيانة البولو فى مليون مكان لها لطول تاريخها وانتشارها فى السوق عن اى عربية مستحدثة بتعتمد على التوكيل فقط
-قطع غيار غالية صحيح ..بس بتعيش اجيال مش بتغيرها فى ميعاد الصيانة اللى جاية
-كيلو متر عالى (جبتها منين /يعنى مش شرط) ... ولا يفرق فى عربية عالية الجودة

الخلاصة : البولو القديمة برقبة اى عربية جديدة .....والدليل السعر

بالمناسبة .. اسبانيا ملهاش اى علاقة بالموضوع

**NaderNabil** · 06-05-2008 02:55 PM

يا عمرو باشا...العربية مع انتيمي...و كل الحاجات اللي بقوللك عليها شايفها بعيني...و العربية علطول باسوقها و حافظها....ضعف في السحب لو التكيف اشتغل...أو 4 ركبوا فيها...و لو ال4 ركبوا و التكييف اشتغل بتبقي دمار...مع العلم ان السيارة مظبوطة 100% وعملنلها الصيانة من حوالي 5000كم

و شوفت يعني ايه فجأه نلاقي العربية وقفت بينا في وسط الأوتوستراد و مش عايزة تدور و جريناها لحد واحد في صقر قريش (الوحيد اللي لاقيناه) و لاقينا الدينامو باظ في عربية مكمللتش 70000كم بكام يا عم...المستعمل ل650 و الجديد ب 2400:)

البولو ال2001 مصنعة في أسبانيا و ده موجود في استيكر في قعر الشنطة
و ممكن تعمل سيرش او تبص علي ويكيبيديا ...و هتلاقي ان البولو من اول موديل الشكل القديم لحد العيون تصنيع سلوفاكي أو أسباني..معرفش ايه النظام بالنسبة للشكل الجديد.

العربية من أفضل العربيات الهاتش باك المحببة الي قلبي...لكن زي ما قلتلك هيه معادلة وكل واحد يحسبها و يشوف ايه اللي يناسبه و ميناسبهوش

**amr_elrashidy** · 06-05-2008 04:00 PM

انا بأيد كلام نادر ...العربية مع اختى مو2001 تقفيل اسبانى..عاملة 56 الف سحبها بيضعف مع التكييف اكيد خصوصا لو ركبت حد معاك..العربية قطع غيارها مش معمرة كده انا مغيرلها حاجات مغيرتهاش فى الاكسنت بتاعة والدى مع فرق الكيلومتر الكبير و الاستعمال بينهم..سنسور واحد كان ب990ج..تيل الفرامل كان ب 350 الاصلى..عملت فصول بايخة كتير مع اختى...احلى مافيها تقفيل الصالون..الثبات طبعا..صاج شديد الصلابة..نعومة موتور..موفرة فى البنزين..عفشة المانى رائعة

**dr_3eshoo** · 06-05-2008 05:13 PM

المهندس عمرو ايه الاخبار
مقارنه البولو بال بيكاتو مقارنه صعبه دي فولكس و دي كيا البولو تكسب
فرق موديل دي 2001 و دي 2005 البيكانتو تكسب
البولو 1000 و دي 1100 البولو تكسب ده متور الماني
الوسع الثبات الانطلاق مشي كيلوات اكتر صاج امان دي لصالح البولو
قطع الغيار و الصيانه لو عرفت طريقهم خلاص اتحلت مشكله صيانه العربيه
عربيه في اعاده البيع البولو تتباع هوا
انا معايا بسات 99 و صاحبي كان معاه بولو موديل 2000 من الزيرو مشى بيها اكتر من 100 الف كيلو كل الي صرفه عليها صيانه و رداخ البنزن و كان ب 800 جنيه و ده نفس الي عملته في عربيتي الي ماشيه 170 الف كيلو بس انا غير مقصات الي تحت و سنسور الكامه ب 450 جنيه و كوبلن يمين ب 600 جنيه فتيس و ده اهمال مني مشيت عليه من غير زيت جبته استيراد ب 2000 جنيه و طبعا اسطوانه و ديسك ب 1400 جنيه
قوة الاستحمال و الغشوميه طبعا البولو قطع الغيار البولو معمره تستحمل السفر و البهدله
التكييف البلو مش هتستحمل دي الف سي سي بس مش هتقولك لا و مش هتسخن
البيكانتو انا معرفش عنها حاجه غير واحد جاري جبها و بعد سنه بعها ليه الله اعلم 0 0

**dr_3eshoo** · 06-05-2008 05:15 PM

موضوع انها اسباني ميعيبش العربيه دي بلد الابيزا الي هيا هياها البولو و اسال كبير السياتاويه المهندس عمرو على العربيه دي و هو هيفيدك

الموضوع: بيكانتو 2005 ولا بولو 2001

LinkBack

أدوات الموضوع

عرض

-

-

-

-

-

-

المواضيع المتشابهه

اشتري بولو 2001 ولا بولو 2003 عيون

تركب ايه؟:ابيزا 2001-بولو 2001-فابيا 2003-بيكانتو 2005؟

محتار بين بولو 2001 موتور 1000 سي سي و لانوس 2001

مقارنة بين ثلاثة أنواع : بولو 2001 & أسترا 2001 & لانسر 2000

كيا بيكانتو 2005 ولا رينو كليو 2005 ؟

الكلمات الدلالية لهذا الموضوع

المفضلات

المفضلات

ضوابط المشاركة