طقم دبرياج بولو 2001

**mohd7380** · 20-07-2011 03:48 AM

ارجو من اصدقائي فى المنتدي مساعدتي فى انسب حل للمشكلة الاتية :

انا اشتريت عربيتي فى شهر يونيو 2008 و اول حاجة عملتها رحت لل م / هاني عصمت اعمل اللازم فقالى العربية زي الفل بس عايزة طقم دبرياج (كان بس الدبرياج تقيل) و طبعا ماسمعتش كلامه لاني راكب عربيات كتيير و عارف امتى نغير الطقم دة بالذات انه فيلم و مكلف المهم مشيت بيها لغاية دلوقت (اكتر من 3 سنين) ماجيتش جنب الطقم و العربية ماشية و كل الحكاية تقل الدبرياج المهم امبارح العربية وانا واقف في الاشارة و مديها الاول مرديتش تمشي صوت و هي واقفة و مش راضية تتحرك المهم قرصت عليها مشيت قلت عالطول جه و قت تغييره بس الغريب اني لما روحت و صحيت تاني يوم رايح الشغل لقيت العربية ماشية زي الاول و مافيش اي حاجة ياترى تفتكروا جه الوقت و لا لسة طبعا انا مش هاروح لميكانيكي اساله لانه هايقولي غير عالطول و انا عامل كل دة لسببين اولا مابحبش ارمي فلوسي فى حاجة ملهاش لازمة و التاني مابحبش حد يشتغلني
انا اسف على الاطالة و ارجو الاهتمام و خصوصا الاستاذ الرائع محمد مصطفي لاني بثق فيه جدا و كل الزملاء الرائعين في قسم الفولكس بالمنتدي

ملحوظة : تكلفة تغيير طقم الدبرياج بالمصنعية و السلك تقريبا 1400 جنيه

**mazagngi2010** · 20-07-2011 04:54 AM

بحترم تفكير حضرتك بجد والله

**M.Mostafa80** · 20-07-2011 11:45 AM

العربيه من يونيو 2008 واحنا فى يوليو 2011 يعنى 3 سنين تقريبا مع الله اعلم اللى قابلك كان ماشى كام كيلو بنفس الطقم ومن وصف حضرتك كدا الأسطوانه جابت جاز ولما بتسخن بتفوت ومش صح انك تستنى لحد المرحله دى لأن دا بيدخلك فى مشاكل اكبر الا وهى ترس فلام يتأكل يبقى ساعتها هتضطر تغير طقم دبرياج ومعاهم ترس فلام لو حصله تلفيات لقدر الله وعمتا عشان نجيب النهيه فى الموضوع ده
هات الثالث وواطلع بالعربيه لو الطقم لسه كويس استحاله العربيه تبطل منك لكن لو تعبان هتبطل على طول وان كان على رأى الشخصى غير طقم دبرياج ولو السلك عندك الأصلى معتقدش انك هتحتاج تغيره الا أذا انت متأكد انو تعبان

**mgo13** · 20-07-2011 11:53 AM

راي السخصي تغيير الطقم وانا مغيرة كله بالتركيب بـ750 جنية و خد بالك الطقم الاصلي مختوم الماركة علي البرشام بتاعه وكنت جايب ماركة لاك وشغال معايا من سنة زي الفل

**mohd7380** · 21-07-2011 02:31 AM

المشاركة الأصلية كتبت بواسطة mazagngi2010

بحترم تفكير حضرتك بجد والله

شكرا ياباشا دة تلاقيه توارد خواطر على فكرة

**mohd7380** · 21-07-2011 02:36 AM

استاذ محمد مصطفى انا رحت النهاردة لميكانيكي ركب العربية و لف بيها لفة جامدة و عمل كل التجارب الممكنة و النتيجة ان طقم الدبرياج كويس كل الحكاية ان سلك الدبرياج عايز يتشحم او يتغير

**أبو_حمزة** · 21-07-2011 12:11 PM

سلك الدبرياج تمنه حوالى 300
غيره و قول لنا ان كانت المشكاة انتهت

**SYD** · 21-07-2011 03:31 PM

عن تجربة في جولف 89 الميكانيكي قال الطقم عايز يتغير صاحبي مشي عليها 7 سنين وباعها من غير مايغيره

يا باشا انا من رأي الأستاذ محمد مصطفي
غير الطقم والواير بتاع الدبرياج لأن العواقب هتبقي وخيمة لو استنيت عليه

انا كمان عربيتي بتبطل علي التالت ومحتاجة طقم بس احنا عندنا الطقم في الأبيزا ال99 ب 850 والواير ب 100 تقريبا يعني حسبة 1000 جنيه و150 مصنعية يعني اجمالي 1150 جنيه

ربنا يعينا علي الفولكس

والله المستعان
،
،