طقم دبرياج بولو 2001

**أبو_حمزة** · 30-09-2009 12:55 PM

العربية دولقتى عايزة تغيير طقم دبرياج (اسطوانة و ديسك و بلية)
حسب معرفتى المحدودة ان الموجود فى السوق كالتالى
فاليو صناعة اسبانى و تمنه فى حدود 600
ساكس صناعة ألمانى فى حدود 700
أصلى فى حدود 1000
السؤال هو ببساطة اجيب ايه (بفرض ان الشهابى عنجه ال3 لأنى ها اجيب من عنده ان شاء الله)
و مع اعتبار انى حاليا فى عرض توفير اى جنية بدون تضحية فى الجودة
قولو لى تجاربكم
و جزاكم الله خيرا

**M.Mostafa80** · 30-09-2009 12:59 PM

الفاليو كويس جدا بقالو معايا فى العربيه 3 سنين وعامل بيه 60000ك
ومدام هتجيب من عند الشهابى يبقى ان شاء الله خير
واحتمال يكون الموجود عندو دلوقتى الساكس والله أعلم

**chester16583** · 30-09-2009 01:16 PM

للاسف مش عارف ايه الافضل بس انا اثق فى كلام محمد مصطفى
طيب استعمال الخارج ايه نظامه معاك يمكن تلاقى حاجه بحاله نضيفه و سعرها فى المعقول؟؟؟

**M.Mostafa80** · 30-09-2009 01:25 PM

الحاجات دى ما ينفعش فيها الستعمال
وطبعا لو كانت الظروف تسمح كنت هاقولك هات الأصلى بس واضح ان العمليه مزنقه شويه ربنا يفرجها عليك وعلينا وجود عربيتين فى البيت مع البيت اساسا دا كأنك متجوز 3 ههههههههههههه
ربنا يديك الصحه ويقويك

**أبو_حمزة** · 30-09-2009 01:40 PM

للاسف مش عارف ايه الافضل بس انا اثق فى كلام محمد مصطفى
طيب استعمال الخارج ايه نظامه معاك يمكن تلاقى حاجه بحاله نضيفه و سعرها فى المعقول؟؟؟

الدبرياج زيه زى تيل الفرامل يعنى بيستهلك و ما ينفعش فيه مستعمل
كمان تغييره مش بسيط و الفتيس كله بيتفك فمش سهل تجرب وتقول لو طلع وحش اغيره

وطبعا لو كانت الظروف تسمح كنت هاقولك هات الأصلى بس واضح ان العمليه مزنقه شويه ربنا يفرجها عليك وعلينا وجود عربيتين فى البيت مع البيت اساسا دا كأنك متجوز 3 ههههههههههههه
ربنا يديك الصحه ويقويك

ااه يا محمد يا اخويا جيت على الوجيعة
الحمد لله احنا برضه فى نعمة كبيرة

**أبو_حمزة** · 30-09-2009 02:11 PM

اللى انا فهمته ان لكل نوع ميزاته
فاليو بيعيش
ساكس ناعم و مرح حتى اكتر من الاصلى
الاصلى ميزته انه فولكس

**umoussa** · 30-09-2009 02:28 PM

المشاركة الأصلية كتبت بواسطة sabbagh

اللى انا فهمته ان لكل نوع ميزاته
فاليو بيعيش
ساكس ناعم و مرح حتى اكتر من الاصلى
الاصلى ميزته انه فولكس

بص أنا لسة مغير أمبارح طقم الدبرياج وجبت ساكس بس بعد ما لفيت علية ودوخت السبع دوخات وفي الأخر جبته من السعودية لأن الطقم بتاعي مختلف تماماً

الديسك بصراحة كويس أوي ومع الأخذ في الاعتبار إن الطقم لسه مطبعش العربية جابت امبارح 180 بمنتهى السهولة على 50 أر بي إم ومردتش اكمل لحد ما الطقم يطبع علشان ميحصلش تفويف في الاسطوانة

الفاليو هو الأصلي بتاع فولكس بس الديسك بينشف بسرعة ودي لاحظتها في 3 أطقم قبل كده

الساكس الموجود في السوق كله ضرب وعلشان تعرف الأصلي من المضروب، امسح إيدك على علبة الطقم الساكس لو اللون الأزرق طلع في إيدك يبقى الطقم ده مضروب

بص للأمانة شوف مع شرف وهو حيقولك الصواب

على فكرة أنا جبت رقم الاسطوانة والديسك الساكس من أشرف وفضلت ادور عليهم لحد ما لقيتهم في السعودية. هو جدع وحاجة زي دي مش حيمانع انه يساعدك بيها

**أبو_حمزة** · 30-09-2009 02:43 PM

شكرا يا باشمهندس على الافادة
يعنى كده ساكس مش موجود عند الشهابى
هو موجود عند فتح الباب بس انا مش عارف اصلى و اللا مضروب و كمان ما ارتحتش لكلامهم
طب ممكن تقول لى جيبته منين فى السعودية عشان ليا ناس هناك وجايين كمان شهر ان شاء الله

**أبو_حمزة** · 30-09-2009 03:32 PM

و لو روحت للشهابى و لقيته عنده
امتى افضل معاد اجى فيه عندكم (فى الحرفيين)

**necromancor** · 30-09-2009 04:00 PM

فتح الباب ........ انا جبت من عندهم قلب الطرمبه وطبعا بيقول اصلي ومكتوب عليها مصنوع في المانيا نوعها بوش رحت اشوف الحاجات دي عند الشهابي وماكنتش لقيتها بس وراني ازاي اعرف البوش الاصلي الواد اللي شغال هناك وراني حاجه مميزه للبوش الاصلي طبعا عم فتحالباب عندوا بوش ونفس العلبه وطبعا مضربه التنين ومش عليها العلامه الماذيه بتاعت البوش بس انا كنت جبتها وربنا يستر لان ماكنش فييه غيرها يا رب تعمر شويه في العربيه يالا الواحد مابيتعلمش ببلاش

ويارييت با باشا تجيب طقم الدبرياج وتقول ايه نظامه عشان احتمال اغيره بعد شويه

العضو الفاضل....رجاء عدم قذف الناس بالباطل
مشرف الأوروبى 1

الموضوع: طقم دبرياج بولو 2001

LinkBack

أدوات الموضوع

عرض

العرض المتطور

طقم دبرياج بولو 2001 - انشر الموضوع فى :

-

-

-

-

-

-

-

-

-

المواضيع المتشابهه

اشتري بولو 2001 ولا بولو 2003 عيون

طقم دبرياج بولو 2001

تركب ايه؟:ابيزا 2001-بولو 2001-فابيا 2003-بيكانتو 2005؟

محتار بين بولو 2001 موتور 1000 سي سي و لانوس 2001

مقارنة بين ثلاثة أنواع : بولو 2001 & أسترا 2001 & لانسر 2000

الكلمات الدلالية لهذا الموضوع

المفضلات

المفضلات

ضوابط المشاركة