عاوز حد يقنعنى ..... ممكن؟

**aymanmaly** · 20-07-2011 05:16 PM

الافيو ليها مرحلتين فى السوق المصرى
اول مرحلة كانت كورى وليس عليها غبار و بالتالى انتشرت جدا
طيب اية الى حصل ؟ا
منصور قرر يصنعها فى مصر
طبعا انت عارف مشاكل التجميع المحلى
فطبعا حصل مشاكل كثير جدا
فلو ناوي على الافيو مستعمل خليك فى الكوري اضمن
مع ان فية اعضاء راكبين المصري و الحمد للة مافيش مشاكل من 2010
بس نصيحة اضغط على نفسك شوية و زود 10 الاف جنية و جيب اوبترا 2007 او 2008
دة لو مصمم على مستعمل
بس لو ماكنش و ممكن تدخل فى قسط بسيط يعنى تحط ال 60000 مقدم و تقسط الباقى
يبقى هايل جدا
لانى انا مع الماقولة الى بتقول المستعمل هو قسط غير معلوم قسطة قد اية
بالتوفيق فى القرار السليم

**joe_techno** · 20-07-2011 05:33 PM

لو ركبت افيو بعد نوبيرا هتحس بفرق في الثبات و في قوة الموتور لصالح النوبيرا وانا الافيو عندي مصري و مفيهاش اي مشاكل من يوم ما جبتها و عمري ما احتجت اروح توكيل بس الفئة اللي حضرتك راكبها اعلي من فئة الافيو و بالتالي هيكون الانسب ليك الاوبترا مش الافيو و لو حضرتك هتجيب مستعمل يبقي ممكن تنزل بالموديل سنة كمان و تجيب اوبترا يعني ال60 الف دول لو يجيبوا افيو 2008 لا يبقي تجيب اوبترا 2007 بشرط الحالة طبعا

المشاركة الأصلية كتبت بواسطة morieno

لو على المقارنه كلامك سليم ومنطقى ولا غبار عليه - انا كنت راكب تور هايج وبفكر فى معزه ( بيقلك قال سرعه قصوى 170 كيلو) طب وانا اسافر بيها ازاى دى

الافيو سرعتها القصوي 170 ده اللي مكتوب في الكتالوج زي الاوبترا بس هي بتجيب اكتر من كده طبعا و كان في عضو مصور العداد بتاعه علي 200 بس طبعا متسألش عن الثبات

**ezzatfox** · 20-07-2011 08:48 PM

حاول تزود المبلغ شوية و تجيب نيو اكسنت او اوبترا او صنى لو معرفتش تزود يبقى خش فى حاجة زيرو بالقسط .. انما الافيو بلاش

**hanyeng** · 30-07-2011 02:05 AM

بطه ايه وكرستاله ايه يعم خليك في الافيو عربيات جميله هتجيب واحده ماشيه مليون كيلو زي اليطه والكرستاله
ولا واحده ماشيه بكتيره 40 الف

**Usama Nagi** · 30-07-2011 02:52 PM

ممكن تجيب بالستين دول بردوا ماتركس 2006 مانوال

بس انا شايف لو انت مش متضايق من العربية و مريحاك و صيانتها مفيهاش مشاكل يبقي تستني شوية لغاية لما تجيب حاجة احسن