لــــمــــاذا اخــــتـــرت كـــلـــيـــة .......... ؟؟

**shaddadfalcon1** · 13-08-2011 04:19 AM

مهندس برمجيات خريج حاسبات ومعلومات القاهره

كان نفسي ادخل بترول وتعدين وفرقت عل 1% وكنت حاطط كليتي في الرغبات كده يعني سد خانه
كل الناس كان نفسها اطلع دكتور الا انا
كنت كاره كليتي اول سنتين ومحبتهاش وبدات اتميز غير في سنه تالته وفي سنه اولي حولت هندسة الأسكندريه لمدة يومين ورجعت تاني الحمد لله

دلوقتي بحمد ربنا اني دخلت كليني وبجد عسي ان تكرهو شيئا وهو خير لكم

مكنتش هلاقي كليه اشتغل بعد مااتخرج ب اسبوعين بمرتب قد مرتب 10 دكاتره

**MohssenRashed** · 13-08-2011 11:03 AM

تجاره انجليزي 2006 ( جامعه بيروت العربيه-فرع الاسكندريه) ايوه جامعه خاصه عشان كنت جايب 79% في ثانويه و مجاليش غير تجاره عربي بورسعيد.

استغلت سنه محاسب و اتخنقت جدااااااااا و دلوقتي شغال مسئول مشتريات خارجيه ( مستورد) في شركه الحمد لله كبيره.

**fineart607** · 13-08-2011 11:39 AM

انا كنت بحب الرسم وجدا وبرسم وبعمل معارض انا ومجموعة من الشباب تبع النادى الى موجود فى منطقتى وكنت نفسى اخش كليه فنون تطبيقية او فنون جميلة بس للأسف اكمنى ازهر كان على ايامى مينفعش ومينفعشى حتى اخش فنون تطبيقيه خاصة الى فى اكتوبر وكنت زعلان جدا وبعدين قدمت فى الحربيه والحمد لله انى مش اتقبلت روحت تجاره وقعدت فيها ساعة وزهقت جدا وبعدين حولت علوم ههههههههههه
احترت اخش ايه بس مجموعى كان ممكن يدخلنى بيولوجى او جيولوجيا او فيزياء وانا فضلت جيولوجيا
وطبعا بعد كده بسنتين الجامعات الخاصة بدات تقبل الأزهر وكان نفسى اخش فنون تطبيقية بس كنت الحمد لله ماشى فى علوم وسبحان الله والحمد لله

**fineart607** · 13-08-2011 11:41 AM

على فكره انا خريج 2005 الحمد لله ومش انطبق على مثل كليه العلوم خدعوك فقالوا ان كلية العلوم اربع سنوات هههههههههههههههههه

الحمد لله كانت اربع سنوات بس

**fineart607** · 13-08-2011 11:42 AM

المشاركة الأصلية كتبت بواسطة shaddadfalcon1

مهندس برمجيات خريج حاسبات ومعلومات القاهره

كان نفسي ادخل بترول وتعدين وفرقت عل 1% وكنت حاطط كليتي في الرغبات كده يعني سد خانه
كل الناس كان نفسها اطلع دكتور الا انا
كنت كاره كليتي اول سنتين ومحبتهاش وبدات اتميز غير في سنه تالته وفي سنه اولي حولت هندسة الأسكندريه لمدة يومين ورجعت تاني الحمد لله

دلوقتي بحمد ربنا اني دخلت كليني وبجد عسي ان تكرهو شيئا وهو خير لكم

مكنتش هلاقي كليه اشتغل بعد مااتخرج ب اسبوعين بمرتب قد مرتب 10 دكاتره

انا اعرف ناس كانوا جيبين مجموع هندسة وفضولوا حاسبات ومعلومات حتى اياميها كانت بتاخذ اكثر من هندسة فى المجموع

**shaddadfalcon1** · 13-08-2011 07:33 PM

المشاركة الأصلية كتبت بواسطة fineart607

انا اعرف ناس كانوا جيبين مجموع هندسة وفضولوا حاسبات ومعلومات حتى اياميها كانت بتاخذ اكثر من هندسة فى المجموع

سنتني كانت هندسه واخده من 91 مرحله اول ونزلت 89 مرحله تانيه وحاسبات كانت بتاخد من 94.5%

**fineart607** · 14-08-2011 01:32 AM

الحمد لله والله

**Amr Axel** · 17-08-2011 04:34 AM

الحمد الله ع كل شئ
بس اهم حاجة محدش بس يقول كلية احسن من كلية لأن كل كلية و ليها مجالها
و كل الكليات بتكمل بعض
يعني مثلا مفيش شركة تقدر تخلو من محامي او المحاسب او فني اي ان كان القسم و ع حسب مجال الشركة
كله بيكمل بعض
و الا مكنتش الكلية اتعملت :)