تكيييف lg هااااااااااااااااااااام

**Qmax** · 29-07-2011 04:29 AM

المشاركة الأصلية كتبت بواسطة elctron

ايوه يا غالى هو دا الموديل الجديد gs-h126e0m0 اللى اتفقت عليه بتاع السعوديه
النهارده كنت عند الراجل والعربيه بتاعت الشركه جت ونزلتله 9 منه وشوفت الموديل بعينى

والحمد لله حضرتك طمنتنى جدا من ناحيه صوت الكباس ..
جزاك الله خير

مبروك مقدما واختيار موفق ان شاء الله
الجهاز بيجي معاه 2 كرتونه حجمهم صغير فيها لوازم التوصيل الخراطيم والأسلاك والحامل بتاع الكباس
خد بالك في قواعد كاوتش بتيجي معاه متنساش تخليه يركبها

**farselkon** · 29-07-2011 12:14 PM

أنا إشتريت الجهاز ده من إسبوع وبسم الله ما شاء الله كل ما أشغلة لازم أتغطى من البروده بتاعته وجبته بارد ساخن ب 3300 مش من محل من فنى تركيب تكييفات معاه دبلوم صنايع وشغال فى شركة كبيرة (بيقلب عيشة يعنى ) وعامل فيها المهندس المخترع بس منه لله خلى غرفة النوم زريبة يعنى وهو بيركبة مش عارف كله كده ولا إيه

**farselkon** · 29-07-2011 12:19 PM

ومحدش ىيعملى مقطع التكييفات ويقولى شارب رقم واحد بالعكس إللى يقول كده يبقى معندوش تكييف تلاقية عنده مروحة توشيبا أو تورنادو ومخدوع فيها فعلا وعن تجربة للشارب ، إل جى فالأخير يكسب بكل أامانه هاتوه وإنتم مغمضين بعدين إللى خلانى أشترية إنه فهلا سعودى والكباس بتاعه يقال إنه كورى والله أعلم

**M_Marwan** · 29-07-2011 01:48 PM

يا ريت حد يشوف الكومبرسور ماركه أيه وصناعه أيه ؟؟

**ahmadalsattar** · 29-07-2011 11:31 PM

اشتريته و ركبته من شهر تقريبا و هوه جهاز رائع و اكثر ما يميزه صوت الكباس الهادى جدا محتاج تحط ودنك على الوحدة الخارجية علشات تتاكد من انه شغال

**ahmed1981** · 30-07-2011 01:25 AM

المشاركة الأصلية كتبت بواسطة farselkon

ومحدش ىيعملى مقطع التكييفات ويقولى شارب رقم واحد بالعكس إللى يقول كده يبقى معندوش تكييف تلاقية عنده مروحة توشيبا أو تورنادو ومخدوع فيها فعلا وعن تجربة للشارب ، إل جى فالأخير يكسب بكل أامانه هاتوه وإنتم مغمضين بعدين إللى خلانى أشترية إنه فهلا سعودى والكباس بتاعه يقال إنه كورى والله أعلم

شارب رقم واحد في خدمة ما بعد البيع
بدون منافس
حتى إل جي تأتي بعده في خدمة ما بعد البيع عن تجربة لتوكيل إل جي في غسالة

التكييف الشارب جيد جداً وسعره معقول
أنا جايب من ثلاثة أيام واحد اسبيليت 2.25 حصان
بارد ساخن
وسعره بالتركيب 4700 جنيه

ومن سنين شباك 2.25 حصان بارد فقط

لو كنت جبت بداله lg المستورد سعره لن يقل عن 5500 جنيه مثلاً (تقريبي)
رغم إن الفرق في الأداء قد يكون لا يذكر أو معدوم

ثانياً
تكييفات أمريكول وهي تخرج من نفس مصنع يونيون إير
يتم تزويدها الآن بكباس إل جي
ورغم ذلك مزعجة في شغلها

المسألة مسألة ثمن مقابل أداء
وهذا ما أرى شارب العربي متفوق بها عن تجربة شخصية في تكييفين

-

**M_Marwan** · 30-07-2011 03:54 PM

المشاركة الأصلية كتبت بواسطة ahmed1981

شارب رقم واحد في خدمة ما بعد البيع
بدون منافس
حتى إل جي تأتي بعده في خدمة ما بعد البيع عن تجربة لتوكيل إل جي في غسالة

التكييف الشارب جيد جداً وسعره معقول
أنا جايب من ثلاثة أيام واحد اسبيليت 2.25 حصان
بارد ساخن
وسعره بالتركيب 4700 جنيه

ومن سنين شباك 2.25 حصان بارد فقط

لو كنت جبت بداله lg المستورد سعره لن يقل عن 5500 جنيه مثلاً (تقريبي)
رغم إن الفرق في الأداء قد يكون لا يذكر أو معدوم

ثانياً
تكييفات أمريكول وهي تخرج من نفس مصنع يونيون إير
يتم تزويدها الآن بكباس إل جي
ورغم ذلك مزعجة في شغلها

المسألة مسألة ثمن مقابل أداء
وهذا ما أرى شارب العربي متفوق بها عن تجربة شخصية في تكييفين

-

شوفتوا بقى ليه عاوز أجيب تكييف من السعوديه ؟؟ مفيش أتفاق على نوع محدد

طب هو الكارير فى مصر وحش ؟؟ أيه عيوبه ؟؟

**EslaM_NagY** · 31-07-2011 12:07 AM

المشاركة الأصلية كتبت بواسطة farselkon

ومحدش ىيعملى مقطع التكييفات ويقولى شارب رقم واحد بالعكس إللى يقول كده يبقى معندوش تكييف تلاقية عنده مروحة توشيبا أو تورنادو ومخدوع فيها فعلا وعن تجربة للشارب ، إل جى فالأخير يكسب بكل أامانه هاتوه وإنتم مغمضين بعدين إللى خلانى أشترية إنه فهلا سعودى والكباس بتاعه يقال إنه كورى والله أعلم

عندى شارب 3 حصان بيحول غرفة 20 متر الى ديب فريزر فى اقل من تلت ساعة

وبلاش تهكم حد قالك شارب دا صينى

**Qmax** · 31-07-2011 12:24 AM

مش عارف ليه انتوا قلبتوها دراما
الموضوع بكل بساطه تجارب وكل واحد جرب بيقول نتيجة تجربته
انا جربت تكييف LG وطلع ممتاز جدا ولو جيبت واحد تاني وتالت هااجيب lg

**م. عمرو شرف** · 31-07-2011 10:06 PM

المشاركة الأصلية كتبت بواسطة m_marwan

شوفتوا بقى ليه عاوز أجيب تكييف من السعوديه ؟؟ مفيش أتفاق على نوع محدد

طب هو الكارير فى مصر وحش ؟؟ أيه عيوبه ؟؟

المشاركة الأصلية كتبت بواسطة qmax

مش عارف ليه انتوا قلبتوها دراما
الموضوع بكل بساطه تجارب وكل واحد جرب بيقول نتيجة تجربته
انا جربت تكييف lg وطلع ممتاز جدا ولو جيبت واحد تاني وتالت هااجيب lg

الاجهزه كلها زى بعض لأن التكنولوجيا فيها بسيطه جدا

فيه شركه بتعمل تكييف وفيه فلاتر كتيره وفيه جهاز نازل وبيقولوا فيه هيبا فلتر بتاع غرف العمليات وده مشكله أنه يتحط فى جهاز منزلى

فيه شركه الجهاز بتاعها لما تزود شحنته تدفع 1000 جنيه لأن الفريون صديق للبيئه وأغلى بكتير من الفريون العادى

فيه شركه بتعمل مواسير النحاس من صناعه رديئه وفيه شركه بتعمل من خامات ممتازه مستورده

فيه شركه الكباسات فيها امريكى وفيه شركه كباساتها صينى وكورى

فيه شركه صوت الوحده الداخليه والخارجيه هادى , وفيه شركه تانيه الصوت مزعج

غير كده كلها راحات نفسيه وتجارب مع الاشخاص

زى اللى بيركبوا العربيات البى ام مش بيحبوا مرسيدس

لولا اختلاف الاذواق لبارت السلع

المهم فى الموضوع هو تجربة الجهاز فى مصر وسعر الجهاز و خدمة ما بعد البيع

بس معلومه مهمه , مش معنى أن الجهاز صينى يبقى وحش , لأن ده حسب أسم الشركه اللى منزلاه فى السوق وسمعتها , يعنى كاريير تيع شركة ميديا الصينيه

لكن كل الاجهزه زى بعضها طالما المميزات واحده

بالنسبه للأجهزه السعودى الاختلاف بيكون فى القدره التبريديه عند درجة الحراره الخارجيه , بمعنى أن الجهاز مكتوب عليه 3 حصان مثلا لكن ده مشروط أن حرارة الجو الخارجى 35 درجه مئويه , لما الحراره توصل 40 الجهاز قدرته بتقل

لكن الاجهزه السعودى مصممه لتعمل عند درجات حراره عاليه وده اللى بيدى الاحساس أنه أفضل رغم نفس القدره مع الاجهزه المصرى

وفيه نقطه مهمه كمان هى أن الجهاز ممكن تركبه وتحس أنه مخلى المكان تلاجه وأنت ما تعرفش أنه أزيد بكتير من المطلوب , يعنى حد يصدقنى لما أقوله أنى مركب جهاز 1.5 حصان فى غرفه 20 متر والدنيا تلاجه , أكيد محدش هيصدق لكن ده حقيقى لأن الموضوع مرتبط بالاحمال الحراريه فى المكان مش بحجم المكان ,وممكن غرفه تانيه نفس المساحه بس تحتاج تكييف اكبر ( حسب أحمالها الحراريه )

وكل الموردين بيحط جهاز أكبر من اللى أنت محتاجله علشان ماتشتكيش كل شويه وتقول التكييف مش بيسقع المكان كويس

أرجو أكون أفدتكم

مع خالص تحياتى

عمرو شرف
مهندس أستشارى
عضو لجنة اعداد كود التكييف المصرى

الموضوع: تكيييف lg هااااااااااااااااااااام

LinkBack

أدوات الموضوع

عرض

-

أنا صاحب هذا الموضوع -

من الأخر إل جى هو الكنج حاليا -

-

-

-

-

-

-

-

المواضيع المتشابهه

تكيييف شاهين 1400

تكيييف لادا 2107 الروسى

تكيييف للبيع

تكيييف الانوس

تكيييف الفيرنا.....

الكلمات الدلالية لهذا الموضوع

المفضلات

المفضلات

ضوابط المشاركة