الموضوع: تكيييف lg هااااااااااااااااااااام

المشاركة الأصلية كتبت بواسطة sharafconsult

الاجهزه كلها زى بعض لأن التكنولوجيا فيها بسيطه جدا

فيه شركه بتعمل تكييف وفيه فلاتر كتيره وفيه جهاز نازل وبيقولوا فيه هيبا فلتر بتاع غرف العمليات وده مشكله أنه يتحط فى جهاز منزلى

فيه شركه الجهاز بتاعها لما تزود شحنته تدفع 1000 جنيه لأن الفريون صديق للبيئه وأغلى بكتير من الفريون العادى

فيه شركه بتعمل مواسير النحاس من صناعه رديئه وفيه شركه بتعمل من خامات ممتازه مستورده

فيه شركه الكباسات فيها امريكى وفيه شركه كباساتها صينى وكورى

فيه شركه صوت الوحده الداخليه والخارجيه هادى , وفيه شركه تانيه الصوت مزعج

غير كده كلها راحات نفسيه وتجارب مع الاشخاص

زى اللى بيركبوا العربيات البى ام مش بيحبوا مرسيدس

لولا اختلاف الاذواق لبارت السلع

المهم فى الموضوع هو تجربة الجهاز فى مصر وسعر الجهاز و خدمة ما بعد البيع

بس معلومه مهمه , مش معنى أن الجهاز صينى يبقى وحش , لأن ده حسب أسم الشركه اللى منزلاه فى السوق وسمعتها , يعنى كاريير تيع شركة ميديا الصينيه

لكن كل الاجهزه زى بعضها طالما المميزات واحده

بالنسبه للأجهزه السعودى الاختلاف بيكون فى القدره التبريديه عند درجة الحراره الخارجيه , بمعنى أن الجهاز مكتوب عليه 3 حصان مثلا لكن ده مشروط أن حرارة الجو الخارجى 35 درجه مئويه , لما الحراره توصل 40 الجهاز قدرته بتقل

لكن الاجهزه السعودى مصممه لتعمل عند درجات حراره عاليه وده اللى بيدى الاحساس أنه أفضل رغم نفس القدره مع الاجهزه المصرى

وفيه نقطه مهمه كمان هى أن الجهاز ممكن تركبه وتحس أنه مخلى المكان تلاجه وأنت ما تعرفش أنه أزيد بكتير من المطلوب , يعنى حد يصدقنى لما أقوله أنى مركب جهاز 1.5 حصان فى غرفه 20 متر والدنيا تلاجه , أكيد محدش هيصدق لكن ده حقيقى لأن الموضوع مرتبط بالاحمال الحراريه فى المكان مش بحجم المكان ,وممكن غرفه تانيه نفس المساحه بس تحتاج تكييف اكبر ( حسب أحمالها الحراريه )

وكل الموردين بيحط جهاز أكبر من اللى أنت محتاجله علشان ماتشتكيش كل شويه وتقول التكييف مش بيسقع المكان كويس

أرجو أكون أفدتكم

مع خالص تحياتى


عمرو شرف
مهندس أستشارى
عضو لجنة اعداد كود التكييف المصرى

كلامك صح 100 % والدليل شوف صيف السنة الماضية الحرارة فية كانت بتوصل ل 44 و كنت ادخل عند ضديق لى كان مركب 2.25 كاريرN3 فى غرفة 4*4 و تحس ان التكيف يدوب مسقع فى المعقول و دة ال خلانى اجيب LG art cool 1.5 بالرغم ان سعرة4250 مركبة فى غرفة 4*4 وكمان فى ميزة ان اLG بيطلع بخارساقع من فتحات الريش لما توصل الحرارة من 22 و انت نازل اما من ناحية البلازمة مش هقولك خلى 5 افراد يدخنوا سجاير فى نفس الوقت و لا تحس ان فى ريحة سجاير و دة بشهادة اخويا عنده شارب بريمر بلاس

المشاركة الأصلية كتبت بواسطة magdy_dvd

بصراحة بعد تكيف ال جى ارت كوول انسى صناعة كورى تقفيل تركى مستورد بالكامل عيبة الوحيد سعره 4250 جينة 1.5 حصان اشتريت 3 اجهزة بالسعر دة السنة الماضية معرفش السعر دلوقتى كام ياريت تعرف سعرة كام الان و لو مناسب ليك هاتة مش راح هتندم وعلى فكرة اخويا اشترى الشارب البريمر بلاس 2.25 ب 4900وبصراحة هو ممتازو كنا شارين معا بعض بس لاقيت عيب بدا يظهر فى الشارب وهو صوت طقطقة تظهر عند تشغيل الريش شمال و يمين و العيب دة مذكور فى الكتالوج بتاعة ان البلاستك بيمتدعند ضغط الحرارة فى الكباس اما lg ممتاز بصراحة مميزاتة _ هواء نقى جدا نيو بلازما الجديدة تنظيف ذاتى اربعة اتجاهات لتوزيع الهواء

الصوت ده المفروض مايستمرش كتير ده المفروض يبقى ثواني وخلاص لحد ماالبلاستيك ياخد درجة البرودة

أنا عندي 2 منه واحد ملوش أي صوت نهائي مبحسش إني مشغله
بس التاني فيه صوت كده في ال فان بس مكسل أكلم التوكيل
بس هو تكيف ممتاز بصراحة

وسعره كده غالي قوي قوي قوي

طب انا عندى الكهرباء ضعيفه شويه وعاوز حاجه لغرفه حوالى 15 متر اجيبب ايه ؟

المشاركة الأصلية كتبت بواسطة sharafconsult

العفو تحت أمرك , الموضوع ببساطه

الحسبه البلدى أن كل متر مربع يحتاج 1000 btu/hr للأماكن vip

يعنى جهاز 1.5 حصان كويس

بصفه عامه فى البيوت خد الحسبه دى وقرب الارقام للاصغر وريح نفسك

لو عايز التفاصيل هى ممله شويه بس هقولهالك

موضوع الواجهه البحريه مش فارق , المهم الواجهه عليها شمس من الساعه كام

الفرد بيحتاج حوالى 450

الكهرباء وات × 3.14 × 1.25

التليفزيونات الحديثه مش مؤثر قوى

الحائط ( على الشارع ) متر مربع × 10.76 × 0.3 × 30

لو حسبت دول هتلاقى العمليه صغيره قوى مش هتكمل 5000 btu/hr , الجهاز ال 1.5 حصان بيساوى 12000 btu/hr


بس فيه عوامل بناخدها فى الاعتبار

الجهاز بيشتغل 18 ساعه فى اليوم ولا أوقات معينه , غرفة نوم غير غرفة مكتب غير ريسبشن

الغرفه نفسها يعنى 4×6 غير 3×8 ( نفس المساحه ) لأن دفع الهواء من الجهاز بيكون لمسافه محدده ويرجع تانى فكل ما الطول زاد لازم جهاز مروحته كبيره لدفع الهواء مسافه أطول

حساباتنا مش درجة حراره وبس لكن الاهم سرعة الهوا لأن دى اللى بتديك احساس الراحه , مثال على كده لو دخلت تلاجة لحمه وأتنططت شويه هتعرق لأن مفيش حركة هوا على جسمك لكن فى الجيم مش بتعرق كتير رغم المجهود اللى بتعمله

الاجهزه قدرتها بتقل مع الوقت ( للأسف )

القدره المكتوبه مش الحقيقيه ( للأسف )

القدره المكتوبه عند 35 درجه خارجى

وأهم حاجه أن الوحده الخارجيه تكون فى مكان تهويته كويسه



فيه وظيفه فى الاجهزه ومحدش بيستعملها مع انها مهمه جدا

لما تيجى تنام بالليل بتظبط الجهاز على سيناريو :

درجه حراره مثلا 23 وبعد ساعه بتترفع درجه واحده وتقل سرعه المروحه وبعد ساعه تانيه ترفع درجه كمان وتثبت عند 25

لأن فى النوم درجه حراررة الجسم بتنزل ولو فضل التكييف عند درجة حراره 23 هتتعب

أتمنى مكنش دوشتك وأكون أفدتك

مع خالص تحياتى

شكرا على الاهتمام و الرد بس حسب ما فهمت من الحسبة البلدى انى حا احتاج 16000 وحدة تبريد و خصوصا زى ما حضرتك قلت ان الوحدات ما بتبقاش بالقوة اللى محطوطة عليها و ان قوتها بيتقل (والواحد ما بيشتريش تكييف كل سنة) غير العوامل التانية زى الحرارة الخارجية اللى غالبا اليومين دول اكتر من 35 و الكهربا اللى غالبا اضعف من 220 و ممكن اضعف من 200 فهل الاحسن ان الواحد يجيب 2.25 حصان و لا دى فلوس على الارض
و خصوصا انة مفيش زى زمان 15000 وحدة تبريد

انا اسف للاطالة اصل السوق فية تناقضات فبعض الاجهزة الواحد يحسها اقوى من التانية مع انها نفس وحدات التبريد

شكرا مرة تانية

دمتم بود

السلام عليكم

تم تركيب الجهاز اليوم اللى قبل رمضان على طول
1.5 نيو بلازما بارد ساخن
بالنسبه لصوت الكباس اوطى من صوت الكاريير بكتير
اما صوت الوحده الداخليه حاسس انها الى حدما اعلى شويه

فى بس حاجتين عايز افهمها منكم
1- انا بشغل الجهاز على 24 بس بلاحظ انه بيفصل لما درجه حراره الوضه بتكون 25 او 26
مش عارف الغلط فين هل فى الوحده . ولا المقياس بتاع الريموت هو اللى مش بيطلع الدرجه مزبوطه

2- الماسورتين اللى طالعين من الكباس اول 10 سنتيمتر كدا بيعملو مايه متكثفه كتير جدا
للعلم الحته دى مش عليها عزل ولما سألت الراجل قالى الحته دى الافضل تكون مكشوفه
مش عارف دا طبيعى ولا لأ

على فكره انا فى اسكندريه والرطوبه عاليه جدا .. ممكن يكون دا السبب
ياريت رأيكم