الموضوع: مصيبــة لاصحاب السيــارات الــ 1600 سى سى و2000 سى سى

المشاركة الأصلية كتبت بواسطة qwertyqwerty

ارجو التزام الادب والاحترام خاصة من السيد sdasdasd
لاننى مش نايم ولا حاجة.
عيب تتكلم عن الرسوم وانت تقود سيارة تريد بيعها بمبلغ 135 الف
والبلد ليست كلها حرامية .
واخيرا كيف للدولة ان تغطى العجز فى الموازنة الناتج عن زيادة المرتبات..
ومرة اخرى اتقوا الله...

انا مش زعلا ن على نفسي والله ..انا ياسيدي مليونير حاضر .. انا زعلان على النااااس اللي مش قادره تاكل عيش حاف ..
بالله عليك فيه حد عاقل يدي الناس علاوه الصبح .. ويرجع يرفع الاسعار كلها بالليل
تفتكر انهم كانوا يقدروا ينزلوا القرارات دي يوم 3 مايو او 2 مااايو !!!
استنوا لغاية ما الناس هديت شويه وحطوا ايدهم في جيوبنا ..
عجز الموازنه استاذي الفاضل بيتعوض في الدول المحترمه بزيادة الانتاج او بتقليص الانفاااق الحكومي ( معلش عديها إنفاق مؤقتا ) .. مش برفع الضرايب وبيع اصول الدوله
دول عالم حراميه وانا مطلع بحكم اتصالاتي .. تعرف ان ايراد قناة السويس بالكامل مخصص لرئاسة الجمهورية وده رسمي ..
سمعت عن حاجه اسمها ( بدل ولاء ) .. بيتصرف لمسئولين معينين في الدولة ؟؟
ححكي ايه ولا إيه .. من اول وجيه اباظة وفضيحة توكيل بيجو .. لحد اخوان ساويرس وبيع شركة الاسمنت .. انت عندك فكره عن حجم القرف والسرقه اللي في البلد ولا لأ ؟؟
انت عارف لو البلد دي بس ما تسرقتش وكل مسئول اتقى الله زي ما انت بتطالبنا .. حنكون ايه ؟؟
بس بقول ان مصر حتفضل .. ومحدش حيخلد او ( يخلل ) عالكرسي على طول ..

المشاركة الأصلية كتبت بواسطة qwertyqwerty

اعتقد ان الرسم تافه جدا ولا يستحق الحديث عنه.
هل يوجد احد من المشاركين فى المنتدى لا يستطيع تحمل الرسم.
اتقوا الله.

استاذى العزيز qwertyqwerty من ناحيه اتقاء الله فهذا شيء نتمناه جميعا و نحرص عليه و ربنا يهدينا و يهديك :)
اما من ناحيه انك تحكم على الجميع انهم يستطيعون دفع المبالغ الزائده وان الرسوم الأضافيه تافهه جدا فهذا ليس من حقك اخى الكريم ممكن تتكلم عن نفسك فقط و من حقنا ان نتكلم عن انفسنا ايضا

وانا عن نفسى اقول لك ان هذه الزياده مؤثره جدا وليست لوحدها و انما مع زياده البنزين و السولار وما سيليها فى الزياده فى اسعار السلع و المواد الغذائيه و اسعار المدارس الخاصه التى زادت عليها ضريبه جديده ستجد سيادتك فرق شهرى ما يقرب من متوسط 400 جنيه مصرى للعائله متوسطه الدخل و التى اشك انى اصبحت انتمى اليها :(

سيدى الفاضل انا بقالى 7 سنين شغال فى القطاع الخاص و متزوج و عندى اولاد و لم استطيع تحوييش 1 جنيه الى الآن بل و المصيبه الكبرى انى فى احيان كثيره اعيش على الإعانات من والدى و حمايا بإعتبار انهم شافين الحال يعنى

المهم إذا اردت ان تكون موضوعى يمكن تعمل تصوييت اذا كانت الزياده ده هتأثر ولا مش هتأثر لكن ما تحكمش انها تافهه من وجه نظر سعادتك بس

و بعدين لو عيز الحق اللى عايزين يتقوا ربنا هما الحكومه و الحزب الوطنى لو سعادتك بصيت على عربيات الوزراء و الحراميه و خلافه هتلاقى ان التوفيير فى هذا البند فقط يغطى العجز فى الموازنه يعنى بدل الحكومه متجييب عربيات تمنها فوق ال 300.000 جنيه للوزراء و المحافظين و -- و -- و ---- واضرب بقى و يفضل استخدام الكالكيوليتور لآن الرقم اللى هيطلع هيكون صدمه لييك و ليينا ممكن يجيبولهم عربيات متوسطه يعنى لو عايزين يوفرو صح ولا عند سعادتك رأى تانى

و النبى يا باشا سيبنا ساكتيين احسن لو الواحد اتفتح معتقدش ان صفحات المنتدى ستكفى لذكر ما يحدث فى البلد و بعديين انا عندى عيال عايز اربيها و ربنا يسترها علينا و علييك :)