الموضوع: سخونة فليشيا 96

طبعا ركب ثرموستات الكوعة.
ليه:
عشان بيضمنلك أقل فترة تسخين للعربية ، وخصوصا لما تكون الدنيا برد
وعشان بيحافظ عالموتور شغال عند درجة حرارة التشغيل القياسية - وبالتالي تكون جميع خلوصات الموتور في السليم ، فيقل الاحتكاك ويحافظ على عمر الموتور وكمان يقلل استهلاك البنزين.

دانتا أحيانا بتفاجأ : انك بعد ما شيلت الثرموستات أصبح الموتور سخن أكتر ،،، إزاي هتجنن؟؟
إتضح ان الميه السخنة راحت للردياتير(وكانت حالته مش حلوة أوي بصراحة)راحتله بسرعة وملحقتش تبرد هناك وكنتيجة ان الدايرة مفتوحة ومحدش حاكمها
الميه بتدخل الموتور تاني وهي مازالت سخنة. والموتور أصبح بيسخن أكتر.

يعني محدش رد علية , هل يمكن تركيب مروحة تانة لسكودا فليشيا 96, وهل مسكلة السخونة ديه بيبقى عيب في الرداتير؟

ظبط الكهرباء و التاكيهات دلوقتي درجة الحرارة تقريبا 90 و بتزيد عند المطالع(الحتت اللي محتاجة عزم) أو لما اجيب الخامس ,
هل دي مشكلة ايه بالظبطو صبابات؟ لأن لو طالع على مطلع مثلا بسرعة 100 و انا على الخامس السرعة بتنزل لحد 90 و اضطر انزل الغيار على الرابع!!! و بتسخن تبقى بتاع 95 و كل ده من غير التكيف ما يشتغل

المشاركة الأصلية كتبت بواسطة saadelden

ركبت ترموستات الكوعه ؟

لأ الميكانيكي اللي لوركبت هتولع العربية فلازم تكون متشاله بس دلوقتي في فرق رهيب مفبش سخونة الا في المطالع الشديدة أو مع التكيف ربنا يسهل و نحلها

السلام عليكم و رحمة الله و بركاته.

مبدأياً أحب أوضح ان العربية الفليشيا على قد ما هي عربية متينة و موزونة على الأرض و حمالة أسية ، إلا إني فعلاً كنت خلاص قرفت منها على الأخر و ناوي أبيعها بأي ثمن عشان أريح أعصابي. و سبب البيع طبعا العيب القاتل اللي في العربية ... ألا و هو السخونة !!!!! نار بجد !!!! فعلا عيب قاتل و تغور العربية بسببه ، ما الواحد مش لاقي فلوسه كل شوية جوان وش سلندر ، نص عمرة ، الخ ...

هاتسألوني ازاي اتغلبت على المشكلة دي ، هأقولوكم اني بفضل الله من خلال البحث في هذا المنتدى و من خلال سؤال أهل الخير ، وصلت لحل المشكلة و هي كالتالي:
أولاً:عمرة كاملة للموتور ودي نص الحل ، و قصدي بعمرة كاملة بمعنى الكلمة مش تقوللي نص عمرة. و الله يا اخواننا أنا كلفت نص عمرة ب 2200 و العمرة في منطقة ريفية في بلد اسمها أشمون عملت 2200 بردوا يبقى وفر فلوسك و اعملها كاملة ، ميكانيكية القاهرة للأسف بلاعة فلوس و مش شاطرين قوي و ياريت شغلهم نفع في النص عمرة. و العمرة اللي عملتها كالتالي:
1. شراء وش سلندر استيراد أو خلع المهم يكون حالته كويسة "يعني لو الوش عندك محتاج قشط و مفقع يبقى أرميه أحسنلك و جيب واحد بحالة أحسن" ، و الوش تعرفه كويس ازاي ، تكون لحمية تخينة و باين عليه ما أتقشطش و مش مفقع "يعني ليس به ثقوب او نقرات"
2. طقم جوانات كامل صيني بجلب الصباب 120 ج
3. جوان وش سلندر أصلي محمل 50 ج
4. طقم صباب فرنساوي 175 ج
5. طقم شميز بالباساتم بالشنبر تركي 600 ج
6. أي حاجة تانية الميكانيكي محتاجها + شغل الخراطة الخ
ثانياً: الرادياتير :
هاتودي الرادياتير بتاعك الألمونيوم لأي بتاع رادياتير نحاس عشان يصنعلك واحد بنفس الحجم بس 3 ماسورة و ده للأسباب الأتية :
a) الرادياتير النحاس لو اتخرم سهل تصليحه ، مش زي الألمونيون هاترميه.
b) النحاس بيسخن ببطء و هاايبرد أحسن
c) هاتعمل الرادياتير 3 ماسورة مش 2 زي الألمونيوم و ده طبعاً هايكون أفضل للتبريد
d) هاتعمل قواعد للمروحة الأصلية بحيس تكون على جنب قوي و تفضي مساحة لمروحة تانية تتركب جنبها
e) هاتشتري مروحة أرجنتا هي صغيرة بس شديدة و هاتعمل قواعد على الرادياتير جنب المروحة الأصلية بحيث المروحتين هايجو بالظبط على قد الرادياتير
f) هاتخللي بتاع الرادياتير يعملك مكان ثرموستات اضافية في الجنب المعاكس للوضع الطبيعي للقرموستات الأصليه و دي أهم حاجة و بدونها يبقى مالوش لازمة لكل الشغل اللي عملناه و ماتسمعش للفتوي بتاعت الميكانيكا و لا بتاع الرادياتير يقولك ازاي ده الفابريكة هنا يبقى ازاي نعمل واحدة تانية. المهم بعد ما تعمل واحدة تانية زي ما قولتلك هاتركب في الجانبين ثرموستات منخفضة يعني 68 – 80 ، حد يسألني ليه بنعمل الثرموستات التانية أرد و أقوله لأنك لو فكرت في مكان الأولى هاتلاقيها محطوطة بعد دورة التبريد في الرادياتير يعني بتقرى المية بعد تبريده من الرادياتير و بالتالي مهما كان ترموستات منخفضة هاتقرى متأخر قوي بدليل لو حطيت الترموستات الواطية في الرادياتير العادي هاتلاقيها بتشغل المروحة و الأمبير في لوحة العدادات بيقرى 85 يعني مأخر تقريبا 25 درجة.أما الترموستات التانية هاتقرى المية و هي خارجة سخنة من الموتور للرادياتير و هاتشغل ساعتها المراوح و هي على 75 درجة تقريبا لحد ماتبرد الرادياتير و عند 68 هاتفصل المراوح.

ثالثاً: شغل الكهرباء :
a) هاتخللي الكهربائي يعملك كتاوت للمروحتين عشان يستحملوا و حماية ، و هاتخليه طبعا يوصل الكهربا بالاثنين فلو واحد عطل التاني يشتغل
b) هاتعمل مفتاح داخلي زيادة أمان لاماكانية تشغيل المراوح يدوياً و انت داخل العربية و يتم توصيل لمبة مع الدائرة بجوار المفتاح بحيث تضيء في حالة ان المراوح شغالة و تطفيء في حالة توقف المراوح وده هايطمنك أكثر أن المراوح شغالة أو لا. و المفتاح تخللي الكهربائي يخليه تحت بجوار مقبض رفع الكبوت بجوار كرسي السائق ، يعني مش هايبان خالص و مش هايشوه منظر التابلوه من الداخل.
و انت ماشي هاتلاقي العربية كبيرها توصل 75 أو 78 و تبدء المروحتين يشتغلوا و التبريد خلال 3 دقائق بس ، حتى لو ماشي بسرعة عالية أو واقف في الزحمة ، و ابقى ادعي لي.
و الله الموفق ،،،،