سخونة فليشيا 96

**asaid** · 22-07-2011 11:09 PM

انا عندي مشكلة السخونة على السرعة العالية (يعني بتجيب اعلى من 90 في الوقت الحار جدا) و بتوصل سعات ل110 (من كام يوم كان درجة الحرارة الخارجية 40, المهم الميكانيكي قالي ان مافيش حاجة في الماتور هو بص عليه من بره سمع صوته و كده وقالي ان الجو وحش وعادي جداً!!! انها توصل 110!!!!
جربت أغسل الرداتير هو شكله كده المونيوم 2 ماصورة(معلشي اصلي جديد في الموضوع) بس هي لسه بتسخن بتجيب ساعات 100 و ساعات تبقى 90, وده كله من غير ما أشغل التكيف, أنا عندي مروحة واحدة ة حاولت اركب مروحة تانية الكهربائي قالي مفيش مكان!!!! المروحة اللي عندي 2 سرعة و انا أصلا بشغلها مانيوال في الايام الحر من عند 70 كده, المشكلة لما درجة الحرارة وصلت 110 مشوفتش بخار طالع وانا سايق ولا حصل اي تخريف في العربية مع ان 110 معناه اني عديت درجة الغليان, انا مش عارف أعمل ايه بجد
أغير الرداتير
ولا ركب مروحة أكبر أو مروحة تانية (حد ركب مروحتين في فليشيا 96 قبل كده)؟؟؟

**ahmedhawas** · 23-07-2011 01:57 AM

المشاركة الأصلية كتبت بواسطة asaid

المشكلة لما درجة الحرارة وصلت 110 مشوفتش بخار طالع وانا سايق ولا حصل اي تخريف في العربية مع ان 110 معناه اني عديت درجة الغليان, انا مش عارف أعمل ايه بجد
أغير الرداتير
ولا ركب مروحة أكبر أو مروحة تانية (حد ركب مروحتين في فليشيا 96 قبل كده)؟؟؟

1- طبيعي انك متشوفش بخار على 110 ، لان الميه لسه معدتش درجة الغليان !!
2- تشيك على ثرموستات الكوعة (ممكن ميبفتحش للاخر)، وطلمبة الميه(ممكن الريش متاكلة) ، وشوف الميه بتنقص ولا لأ.
3- بخصوص مروحتين : انا معرفش ، لكن أكيد الأعضاء هنا هيفيدوك أو في قسم سكودا.

**Elawany13** · 23-07-2011 11:40 AM

المشاركة الأصلية كتبت بواسطة ahmedhawas

1- طبيعي انك متشوفش بخار على 110 ، لان الميه لسه معدتش درجة الغليان !!
2- تشيك على ثرموستات الكوعة (ممكن ميبفتحش للاخر)، وطلمبة الميه(ممكن الريش متاكلة) ، وشوف الميه بتنقص ولا لأ.
3- بخصوص مروحتين : انا معرفش ، لكن أكيد الأعضاء هنا هيفيدوك أو في قسم سكودا.

أخدنا فى الابتدائى ان درجة غليان الماء 100 درجة مئوية
ولا حضرتك تقصد ان المياه الخضراء مثلا بتغلى عند درجة أعلى ؟؟؟

**ahmedtunning** · 23-07-2011 10:03 PM

شوف خرطوم المياه اللي من تحط اللي عند المتور سخن ولا لا لو بارد يبقي ثرموستات واغسل دورة المياه كلها وشيك علي الموصلات

**asaid** · 23-07-2011 10:29 PM

هو في ترموستات غير بتاعت المروحة؟؟؟؟

**ahmedhawas** · 24-07-2011 12:32 AM

المشاركة الأصلية كتبت بواسطة elawany13

أخدنا فى الابتدائى ان درجة غليان الماء 100 درجة مئوية
ولا حضرتك تقصد ان المياه الخضراء مثلا بتغلى عند درجة أعلى ؟؟؟

ماشي ياعم -رجعتنا لإبتدائي !!
أنا كان قصدي على الميه الخضرا ، بس طالما عايز تتكلم عالميه العاديه معاك برضو.

لما وصلنا بقى لثانوي : قالولنا ضحكوا عليكوا في ابتدائي وقالولكوا الميه بتغلي عند 100 درجة مئوية.
لكن الصح انها بتغلي عند 100 درجة مئويةلما الضغط يكون 1 بار
لكن لما الضغط يزيد ؛ درجة الغليان بتزيد برضو (وفي جرافات بتحدد الكلام ده: سيكومتريك شارت)

المهم لو بتتكلم عالميه الخضرا 50/50 فلما يكون الضغط 1 بار (واخد بالك)
بتتجمد عند -37 ، وتغلي عند 106 درجة مئوية
لكن لما تكون قافل غطا الردياتير( الضغط يزيد) : بتغلي عند تقريبا 135 درجة مئوية.

والله أعلم.

**ahmedhawas** · 24-07-2011 12:52 AM

المشاركة الأصلية كتبت بواسطة asaid

هو في ترموستات غير بتاعت المروحة؟؟؟؟

أيوا ، في ثرموستات الكوعة (وده ثرموستات ميكانيكي)لما الميه بتوصل ل 90 أو 93 مثلا بيفتح مسار الميه السخنة من الموتور إلى الردياتير.
أما ثرموستات المروحة فده ثرموستات كهربي وبيكون ليه درجتين مثلا(93/67)
يعني المروحة بتشتغل منين ما الميه توصل ل 93 درجة مئوية لحد ما الميه تبرد في الردياتير وتصل الى 67 درجة مئوية ، وساعتها المروحة تفصل.

**ahmedhawas** · 24-07-2011 01:08 AM

المشاركة الأصلية كتبت بواسطة ahmedtunning

شوف خرطوم المياه اللي من تحط اللي عند المتور سخن ولا لا لو بارد يبقي ثرموستات واغسل دورة المياه كلها وشيك علي الموصلات

ياريت لو حضرتك توضحلنا أكتر.

أنا كنت هقول :
تدور العربية ، وتتابع خرطوم الميه اللي فوق ، لما العربية تسخن -طبيعي- (والموتور يوصل لدرجة حرارة التشغيل)
الثرموستات بيفتح عشان يعدي الميه السخنة إلى الردياتير - فبتلاقي الخرطوم ده سخن - وكده تمام.

لكن أحيانا بتكون خادعة لما الثرموستات يكون مبيفتحش عالاخر- فتلاقي معدل التبريد أقل من الطبيعي.
ومتهيألي هتعرفها لما تفك الثرموستات وتحطه في حلة فيها ميه وتغليها وتشوف بيفتح عالاخر ولا لأ.

والله أعلم.

**asaid** · 24-07-2011 01:19 PM

طيب ممكن انا افك الترموستات ديه ولا محتاجة ميكانيكي او بتاع الرداتير؟
انا لسه غاسل الرداتير اول الصيف ومفيش تسريب فده معناه ان الرداتير نضيف, يبقي الحل ان الرداتير ضعيف مثلا و يتغير او اركب مروحة تانية