لو حد فيكو مكاني هيعمل ايه

**greenday** · 23-07-2011 05:31 PM

بص يا باشا الحوارات اللى زى دى بتبدا صغيرة بس ممكن تكبر وتنتهى بمصيبة يعنى انت لو عملت اللى فى دماغك وضربت الراجل مع صحابك مش ممكن يبقى معاه سلاح ولا حاجة يضرب حد منكم بيه ولو حتى ضربتوه مش ممكن ينتقم من اخوك او ولدك وانت مسافر وتيجى انت تنتقم منه والموضوع يكبر اكتر انا من رأى انك تجيب واحد كبير كده وشيخ من منطقتكم وتحكيله الحكاية وتخليه يخلى الراجل ده يعتزر لولدك ولو مرديش اعمله محضر تعدى على اخوك ووالدك هيجرى يبوس ايديكم عشان تتنازلوا عن المحضر بالذات لو مكانش بتاع مشاكل

**mohamedbook** · 23-07-2011 05:35 PM

المشاركة الأصلية كتبت بواسطة أحمد كمال

انا لو مكانك هارزع اللي جابوه علقة اعلمه انه ما يمدش ايده على عيال غيره كده

ياستاذ احمد المشكلة مش انة يرزعة قلمين زي الي اداهم لاخوة
المشكلة ان الموضيع بتتطور وتقلب لمشاكل اكبر قد يكون فيها قتل لا قدر الله

**mohamedbook** · 23-07-2011 05:38 PM

انا معاك بس المشكلة حصلت وخلصت وقدر الله ان انت مكنتش في البيت وكمان الرجل مشي من الشقة وكمان نزل عشان يعتزر فيارت تفوت الموضوع المرة دي وتحزرة فقط واحنا دخلين علي رمضان
عشان الموضيع دي ممكن تبتدي بعيال وتنتهي بموت لا قدر الله والله هو الي بيحصل كدة
ونت حزرة ولو كررها كل الحق هيكون معاك وتعمل الي انت عايزة علي الاقل مش بعد ما خلص الموضوع تفتحة تاني وانت كدة الي بتقول شكل للبيع

**yascro** · 23-07-2011 06:04 PM

والكاظمين الغيظ والعافين عن الناس

بص انا لو مكانك هعمل مشكله كبيره وممكن اعلق الراجل ده على باب العماره من رجل واحده بس من الواضح ان الراجل خايف جدا
عشان كده ساب الشقه ومشى
انت تجيب اخوك الصغير و تفهمه انك مش ممكن تسيب حقه
وتجيب نمره الرجل ده وهما كلمتين مفيش غيرهم ف الموبايل
تقوله
(انت راجل كبير وانا والدى مربينى لا امد ايدى على الاكبر منى ولا على عيال الناس بس لو فكرت مره تبص لحد من اهلى بصه وحشه انا هخليك عبره للشارع كله ) و تكون المكالمه ادام اخوك الصغير
و لو المكالمه مشت ف طريق الخير خلاص
بس لو لقيت الراجل ده بيتملعن
مش خساره بقى ف طيبه قلبه اللى هيحصله

**akramlail** · 23-07-2011 06:55 PM

انا رايى تروح تفقعة محضر انت ووالدك دة اساسى لانة حقك ودة مفهوش اى بلطجة او تعدى منك انت بتاخد حقك بكل احترام
تانى حاجة لو انت مصمم تاخد حقك بايدك يبقى منك لابنة يعنى اخوك يلعب عادى معاة ويفقعة علقة ولو ابوة ادخل يبقى انت موجود
ودة اللى حصل اصلا وسبب المشكلة ان ابوة ادخل فى الاول
انما مترحش منك لنفسك كدة تروح تضربة لان الناس هتغلطك وهتبقى معتدى علية خليها عيال فعيال

**saadelden** · 23-07-2011 06:57 PM

ابسط حاجه محضر ف القسم مع شهاده طبيه و هيجيبوه من قفاه

**zago** · 23-07-2011 06:58 PM

لا تضربه قلمين ولا استيكتين حتى
ده تمسك ايده اللي لطش اخوك بيها تكسرها من تلت حتت على الاقل

**zago** · 23-07-2011 07:01 PM

المشاركة الأصلية كتبت بواسطة yascro

والكاظمين الغيظ والعافين عن الناس

بص انا لو مكانك هعمل مشكله كبيره وممكن اعلق الراجل ده على باب العماره من رجل واحده بس من الواضح ان الراجل خايف جدا
عشان كده ساب الشقه ومشى
انت تجيب اخوك الصغير و تفهمه انك مش ممكن تسيب حقه
وتجيب نمره الرجل ده وهما كلمتين مفيش غيرهم ف الموبايل
تقوله
(انت راجل كبير وانا والدى مربينى لا امد ايدى على الاكبر منى ولا على عيال الناس بس لو فكرت مره تبص لحد من اهلى بصه وحشه انا هخليك عبره للشارع كله ) و تكون المكالمه ادام اخوك الصغير
و لو المكالمه مشت ف طريق الخير خلاص
بس لو لقيت الراجل ده بيتملعن
مش خساره بقى ف طيبه قلبه اللى هيحصله

بيقولك اخوه عنده عجز في رجله والراجل جرجره على الارض
تروح تقوله ابويا مربيني ؟؟
لا تربيه ولا هباب
ده يا ييجي يبوس راس اخوه يا تنكسر ايده

يعني ازاي راجل كبير ويتدخل في لعب العيال ويضرب طفل عاجز ؟؟؟ تربيه ايه والنبي

**A.Saad** · 23-07-2011 07:07 PM

تقدر تكمل للاخر ............ ابتدى
يعنى لو هيجيب ناس تبقى تجيب ناس
هيضرب هتضرب
نار يبقى نار
غير كدة
يبقى تهوش وما تضربش
تجيب رجالة اصحابك بزفة عربيات وموتوسيكلات وتروح تكلمه
وما تطورش
وما تبنش خايف